<p><strong>Podharillu Serial Today Episode:</strong> స్టార్‌ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్ ఈరోజు ఎపిసోడ్‌ ఎంతో ఆసక్తిగా సాగుతుంది. మహాలక్ష్మీని హాస్టల్‌లో దింపి వెళ్లిపోతూ..అప్పగింతల కార్యక్రమం రోజు అన్న చెల్లిని వదిలిపెట్టినట్లు కన్నీళ్లు పెట్టుకుంటాడు. పెద్ది ఏడ్వడం చూసి మహా కూడా ఏడుస్తుంది. తెల్లారిన తర్వాత నారాయణ మహాలక్ష్మీ ఉండే హాస్టల్ వద్దకు వచ్చి తానే చక్రిని రెచ్చగొట్టానని అందుకే వాడు తాగి నీ గదిలోకి వచ్చాడని చెప్పడంతో మహా నారాయణను పిచ్చితిట్లు తిట్టి పంపించేస్తుంది. </p>
<p><strong>కన్నీళ్లు పెట్టుకున్న మాధవ్</strong></p>
<p>మహాలక్ష్మీని హాస్టల్‌లో దింపిన తర్వాత తనకు అన్ని జాగ్రత్తలు చెబుతాడు. వార్డెన్ వచ్చి అడ్వాన్స్ ఫీజులో మిగిలిన సొమ్ము చెల్లించమని అడగ్గా...మాధవ్ ఇచ్చేస్తాడు. అలాగే తన ఖర్చులకు డబ్బులు ఇవ్వబోగో మహా వద్దని వారిస్తుంది. ఓ అన్నయ్యలా ఇస్తున్నానని చెప్పి ఆమె చేతుల్లో పెడతాడు. జరిగిన దానిలో చక్రి తప్పు ఎంత ఉందో...నా తప్పు కూడా అంతే ఉందని చెప్పి సారీ చెబుతాడు. నేను వాడిని మంచిగా పెంచలేదని అంటాడు. కానీ వాడు చాలా మంచొడని చెబుతాడు. తాగిన మైకంలో అలా ప్రవర్తించాడే తప్ప...వాడు చెడ్డవాడు కాదని అంటాడు. మేం ఎప్పుడు గుర్తుకు వచ్చినా మా గురించి తప్పుగా అనుకోవద్దని చెప్పి వెళ్లిపోతాడు.</p>
<p><strong>మాధవ్‌ను నిలదీసిన తమ్ముళ్లు</strong></p>
<p>మహాను హాస్టల్‌లో వదిలిపెట్టి ఇంటికి వచ్చిన మాధవ్‌ను కేశవ్‌, కన్నా ప్రశ్నిస్తారు. వదినకు నచ్చజెప్పి తీసుకురాకుండా ఎందుకు వదిలిపెట్టి వచ్చావని అడుగుతారు. చక్రి కూడా వాళ్ల అన్నయ్యను నిలదీస్తాడు. నువ్వు ఏదో సర్దిచెప్పి తీసుకొస్తావని చూస్తుంటే ఏకంగా అక్కడ దిగబెట్టి వచ్చావా అని అంటాడు. ఏం చెప్పి ఆ అమ్మాయిని తీసుకుని రమ్మంటారు రా అని మాధవ్ కోప్పడతాడు. వీడు మళ్లీ జీవితంలో మందు తాగడని కాగితంపై రాసివ్వమంటారా....లేకపోతే వీడు ఇంకెప్పుడు నీ గదిలోకి రాడని రాసివ్వమంటారా అని అడుగుతాడు. వీడు మళ్లీ తప్పు చేయడని మీలో ఎవరికైనా నమ్మకం ఉందా అని నిలదీస్తాడు. ఇన్నిరోజులు మంచిగానే ఉన్నాడని...కానీ సార్‌కు ఇప్పుడు కొత్తకొత్త కోరికలు పుట్టుకొస్తున్నాయని మాధవ్‌ మండిపడతాడు. ఏం హామీ ఇచ్చి ఆ అమ్మాయిని ఇంటికి రమ్మని అడగగలని అంటాడు. </p>
<p><iframe title="YouTube video player" src="https://www.youtube.com/embed/d9_G6gzNOS8?si=PhNkuGrxw8jiDprC" width="560" height="315" frameborder="0" allowfullscreen="allowfullscreen"></iframe></p>
<p><strong>ALSO READ: <a title="Nuvvu leka Neanu Lenu Serial Today June 24th: విక్కీని ఛీకొట్టి ఇంట్లో నుంచి వెళ్లిపోయిన రాధ....విక్కీ, రాధది దొంగ పెళ్లి అని ఇంట్లో అందరికీ చెప్పేసిన దమయంతి" href="https://telugu.abplive.com/entertainment/tv/nuvvu-leka-neanu-lenu-serial-today-june-24th-2026-eepisode-written-update-in-telugu-in-jio-hotstar-251446" target="_self">Nuvvu leka Neanu Lenu Serial Today June 24th: విక్కీని ఛీకొట్టి ఇంట్లో నుంచి వెళ్లిపోయిన రాధ....విక్కీ, రాధది దొంగ పెళ్లి అని ఇంట్లో అందరికీ చెప్పేసిన దమయంతి</a></strong></p>
<p><strong>నేనేం తప్పు చేయలేదు..</strong></p>
<p>మాధవ్‌ మాటలకు చక్రికి కూడా కోపం వస్తుంది. నేను ఏదో పెద్ద నేరం చేసినట్లు అందరూ నన్నే తిడుతున్నారు ఎందుకని అంటాడు. తాగిన మైకంలో ఆమె గదిలోకి వెళ్లిన మాట వాస్తవమే కానీ...నేను అక్కడ ఆమెపట్ల ఎలాంటి తప్పు చేయలేదని అంటాడు. కనీసం ఆమె మంచాన్ని కూడా తాకలేదని చెబుతాడు. పక్కనే కుర్చీలో కూర్చున్నానని వివరిస్తాడు. తను నన్ను భర్తగా అంగీకరించే వరకు కనీసం ఆమెను తాకాలని కూడా అనుకోలేదని ఇది మీరు నమ్మినా నమ్మకపోయినా నిజమని చెప్పి కోపంతో అక్కడి నుంచి వెళ్లిపోతాడు. బయట నారాయణ కనిపించగానే తండ్రిపై చక్రి మండిపడతాడు. అంతా నీవల్లే జరిగిందని ఇప్పుడు మహాలక్ష్మీ ఇంట్లో నుంచి వెళ్లిపోయిందని చెప్పగానే నారాయణ షాక్ తింటాడు.</p>
<p><strong>మహాకు నిజం చెప్పిన నారాయణ</strong></p>
<p>తెల్లారిన తర్వాత మహా ఉండే హాస్టల్ వద్దకు వెళ్లిన నారాయణ...ఆమెను పిలిచి మాట్లాడతాడు.నువ్వు తిట్టనని హామీ ఇస్తే నీకు ఓ నిజం చెబుతానని అంటాడు. ఆరోజు చక్రి అలా ప్రవర్తించడానికి నేనే కారణమని చెప్పగానే...మహా నారాయణను తిట్టిన తిట్టు తిట్టకుండా తిడుతుంది. వయసు వచ్చింది గానీ బుద్ధి పెరగలేదని అంటుంది. ఎవరైనా కొడుకుకి ఇలాంటి మాటలు చెబుతారా అని మండిపడుతుంది. నేను నీ మనసులో చోటు సంపాదించుకోమని మాత్రమే చెప్పానని...కానీ వాడు తాగి ఇలా చేస్తాడని అనుకోలేదని అంటాడు. దీంతో మరింత రెచ్చిపోయి తిడుతుంది. నేను ఏ పరిస్థితుల్లో తాళి కట్టించుకుని మీ ఇంటికి వచ్చానో మీ అందరికీ తెలుసు కదా.. మళ్లీ నా మనసులో చోటు సంపాదించుకోమని చెప్పడమేంటని అంటుంది. అయినా నేను చక్రిని భర్తగా అంగీకరిస్తానని ఎలా అనుకున్నారని ఆగ్రహం వ్యక్తం చేయడంతో నారాయణ భయంతో అక్కడి నుంచి వెళ్లిపోతాడు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి." href="https://telugu.abplive.com" target="_self">ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</a></p>
4 months ago
10 
