<p><strong>Podharillu Serial Today Episode</strong>: చక్రి,మహాకు రిసెప్షన్ ఏర్పాట్లు చేస్తున్న మాధవ్‌....ఊరందరిని భోజనాలకు పిలుస్తూ వాళ్ల పెదనాన్న ఇంటికి కూడా వెళ్తాడు. అక్కడ వాళ్ల అత్త తాయరు ఎందుకు వచ్చారని గొడవపడుతుంది. మా చక్రి పెళ్లి చేసుకున్నాడని...రిసెప్షన్‌ ఉందని చెబుతాడు. మీరందరూ తప్పకుండా రావాలని కోరతాడు. మీ తమ్ముడు ఆ అమ్మాయిని లేపుుకుని వచ్చాడంటా కదా...మళ్లీ వెనక్కి తిరిగి వస్తుందటారా అని హేళనా మాట్లాడుతుంది తాయర్‌. ఆ అమ్మాయికి ఇష్టపడే పెళ్లి చేసుకుందని...వాళ్లిద్దరూ తప్పకుండా వస్తారని మాధవ్‌ అంటాడు. నీకు పెళ్లి కాకుండా మీ తమ్ముడు చేసుకోవడం ఏంటని వాళ్ల పెదనాన్న అడుగుతాడు. మా అన్నయ్యకు వచ్చే సంబంధాలన్నీ ఎవడో వెదవ చెడగొడుతున్నాడని...అందుకే మా అన్నయ్యకు పెళ్లి కావడం లేదని కన్నా అంటాడు. ఇంతలో తాయర్ కల్పించుకుని మేం మీఇంటికి రామని తెగేసి చెబుతుంది. ఇంతలో గాయత్రి అక్కడికి వచ్చి మా అమ్మకు మర్యాదలు తెలియదు బావ అని అనగానే...ఎవడే నీకు బావ అంటూ వాళ్ల అమ్మ తనని తిడుతుంది. నాకు తెలియకుండా ఆ ఇంట్లో కాలుపెట్టావంటే కాలు ఇరగ్గొడతానని అంటుంది.<br /> మహా, చక్రి ఇద్దరూ కారులో తిరిగి వస్తుండగా....నిహారిక ఆస్పత్రిలో వాళ్ల మామయ్యకు తెలియకుండా వీడియో తీసి చక్రి ఫోన్‌కు పంపుతుంది. ఆ వీడియోలో ప్రతాప్‌ లేచి మందులు వేసుకుంటున్న వీడియో చూసిన తర్వాత గానీ మహా మనుసు కుదుటపడదు. హమ్మయ్యా మా నాన్నకు తగ్గిపోతుందని అనుకుంటుంది.అప్పుడే చక్రికి కానిస్టేబుల్‌ ఫోన్ చేసి నిన్నే వస్తానన్నారు..ఇంత వరకు ఎందుకు రాలేదని మండిపడతాడు. ఇక్కడే ఉన్నామని వస్తున్నామని చెబుతాడు. పోలీసుస్టేషన్‌కు వెళ్లాలని మహాకు చెబుతాడు చక్రి...ఎందుకు మనకు జరిగింది నిజం పెళ్లి కాదుకదా...మళ్లీ స్టేషన్‌కు ఎందుకని అంటుంది. నేను మిమ్మల్ని బాగా చూసుకుంటున్నానో లేదో వాళ్లకు తెలియడం కోసమేనని అబద్ధం చెబుతాడు. ఇప్పుడు గానీ మ్యారేజీ సర్టిఫికేట్ కోసమని తెలిస్తే ప్రాణం తీసేస్తుందని అంటాడు. <br /> మాధవ్ ఇంటి వద్ద రిసెప్షన్‌ కోసం గ్రాండ్‌గా ఏర్పాట్లు చేస్తుంటాడు. కొత్తపెళ్లికొడుకు, పెళ్లికూతురుకు బట్టలు కొనుక్కుని రమ్మని కేశవ్‌, కన్నాను పంపిస్తాడు. వాళ్లిద్దరూ వెళ్లి చక్రికి సూట్, మహాకు చీర కొనుక్కుని వస్తారు. అంతలో అక్కడికి వచ్చిన గాయత్రి చీర చాలా బాగుందని మరి జాకెట్‌ ఏదని అడుగుతుంది. వాళ్లకు తెలియక చీరలోనే ఉందని చెబుతారు. అప్పుడు గాయత్రి వాళ్లను తిట్టి చీర ఉంటే సరిపోదని....జాకెట్‌ విడిగా కుట్టించాలని చెబుతుంది. ఈ విషయం మాకు తెలియదని వాళ్లు అంటారు. సరేనేను వెళ్లి జాకెట్‌ కుట్టించుకుని తీసుకుని వస్తానని చెప్పి చీర తీసుకుని వెళ్లిపోతుంది. ఫంక్షన్‌కు చాలా డబ్బులు ఖర్చవుతున్నాయని కేశవ్ బాధపడుతుంటే...మరేం పర్వాలేదురా మన ఇంట్లో జరిగే తొలి శుభకార్యం కదా ఆ మాత్రం ఖర్చు పెడదామని మాధవ్‌ అంటాడు.<br /> చక్రి కారుకు డీజిల్‌ కొట్టించడానికి బంక్‌ వద్దకు వెళ్లగా...అతని వద్ద డబ్బులు అయిపోతాయి. వెంటనే మాధవ్‌కు ఫోన్ చేసి డబ్బులు కావాలని అడిగి తీసుకుంటాడు. మీరు ఇద్దరూ వస్తున్నారు కదా అని అడగ్గా...మహా నా పక్కనే ఉందని ఇంటికి బయలుదేరి వస్తున్నామని చెప్పడంతో మాధవ్‌ సంతోషపడతాడు. చక్రి డబ్బులన్నీ అయిపోతున్నాయని మహా చాలా బాధపడుతుంది. అవన్నీ పట్టించుకోవద్దని చక్రి ఆమెను సముదాయిస్తాడు. అయితే నాకు చాలా ఆకలి వేస్తోందని...నిన్నటి నుంచి ఏం తినలేదని అంటుంది. ఇప్పుడు మానాన్నకు బాగుందని తెలిసిన వెంటనే ఆకలి గుర్తుకు వచ్చిందని చెప్పడంతో చక్రి ఆమెను హోటల్‌కు తీసుకెళ్తాడు. డబ్బులు గురించి ఆలోచించవద్దని నీకు ఏం కావాలంటే అది ఆర్డర్ ఇచ్చి తినమని చెబుతాడు. అక్కడ చక్రి వాళ్ల ఇంటి విషయాలు, మహా వాళ్ల ఇంట్లో జరిగిన విషయాలన్ని మాట్లాడుకుంటారు.</p>
<p> </p>
2 months ago
10 
