<p><strong>Podarillu Serial Today Episode:</strong> స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది. కన్నా వాళ్ల అమ్మ జమున మరొకరిని పెళ్లి చేసుకుంటుంది. డబ్బులు సంపాదించకుండా జాతకాల పిచ్చితో ఇంట్లోనే కూర్చుని తింటున్న ఆభర్తతో ఆమె నానా కష్టాలు పడుతుంటుంది. ఇంతలో మాధవ్‌ కాలికి దెబ్బతగిలిందని మనీష్ పరుగెత్తుకుంటూ వస్తుంది. ఆయిల్‌ రాసి మర్దన చేయడాన్ని ఇంట్లో వాళ్లందరూ చూసి ఎంతో సంతోషిస్తారు.ఇంతలో జయమ్మ అడ్రెస్‌ను బాలు కనిపెట్టేస్తాడు.<br /><strong>అష్టకష్టాల జమున జీవితం</strong><br /> కన్నావాళ్ల అమ్మ జమున మరొకరిని పెళ్లి చేసుకుని చాలా ఇబ్బందులు పడుతుంటుంది. ఆమెను పెళ్లిచేసుకున్న తర్వాతే తన జీవితం ఇలా అయిపోయిందని ముకేశ్‌ ఆమెను ఇంట్లో నుంచి బయటకు గెంటేస్తాడు.జాతకాల పిచ్చి ఉన్న ముకేశ్ ఏ పనీ చేయకుండా ఇంట్లోనే కూర్చుని గ్రహాలు కలిసిరావడం లేదంటూ అప్పులు చేసి బతుకుతుంటాడు. దీంతో జమున మొగుడిని తిట్టిన తిట్టు తిట్టకుండా తిడుతుంది. సంపాదించడం చేతకాదు కానీ పెళ్లాన్ని మాత్రం కొట్టడం వచ్చని అంటుంది. నీ గొంతెమ్మ కోర్కెలు తీర్చలేకే నా జీవితం ఇలా అయిపోయిందని ముకేశ్ మండిపడతాడు.ఇంతలో అప్పులవాళ్లు వచ్చి రేపటిలోగా వడ్డీ కట్టకపోతే నా మనుషులు వస్తారని గట్టిగా వార్నింగ్ ఇచ్చి వెళ్లిపోతారు.<br /><strong>మాధవ్‌ కోసం వచ్చిన మనీషా</strong><br /> మాధవ్‌ కాలుకు దెబ్బ తగిలిందని తెలిసి మనీషా కంగారుపడుతుంది.వాళ్ల అన్నయ్యకు చెప్పి ఆయిల్ తీసుకుని పరుగున ఇంటికి వస్తుంది.మాధవ్‌కు ఒంట్లో బాగాలేకపోవడంతో మహాలక్ష్మీ వంటపని మొదలుపెడుతుంది.ఇంట్లో అందరికీ తలొక పని చెబుతుంది. అందరూ కలిసి వంట చేస్తుండగా మనీషా వస్తుంది. మాధవ్ ఎక్కడ ఉన్నారని చెప్పగా గదిలో ఉన్నాడని చక్రి అంటాడు.వెంటనే గదిలోకి వెళ్లి మాధవ్‌ కాలుకు ఆయిల్ రాసి మర్దన చేస్తుంది. మనీషా గదిలోకి వెళ్లగానే చక్రి తలుపు దగ్గరకు వెళ్లి తొంగిచూస్తుంటాడు. మహా వచ్చి చక్రిని ఒక దెబ్బవేసి అలా చూడకూడదని అంటుంది. ఏంకాదులే అని మళ్లీ చూస్తుంటాడు.కేశవ్‌, కన్నా కూడా వచ్చి గదిలోకి తొంగి చూస్తారు. మనీషా మాధవ్ కాలు తీసుకుని ఆయిల్ రాసి మర్దన చేస్తుంటుంది.నేను రాస్తాను అంటే పెద్ది వద్దాన్నాడని మహా అంటుంది. అది అన్నయ్యకు నీమీద ఉన్న గౌరవం అని చక్రి అంటాడు. అదే మనీషా అయితే కాబోయే భార్య కాబట్టి ప్రేమతో రాయించుకుంటున్నాడని చెబుతాడు. కన్నా, కేశవ్‌ ఇద్దరూ ఏదో పని ఉన్నట్లు మాధవ్‌ ఉన్నగదిలోకి వెళ్లి వస్తారు. ఇంతలో నారాయణ వచ్చి తన చొక్కాకు గుండీలు కుట్టాలంటూ మాధవ్‌ను పిలుస్తాడు. వెంటనే చక్రి,మహాలక్ష్మీ ఆపి లోపల మనీషా ఉందని చెబుతారు.ఇప్పుడు ఈ గుండీలు ఎవరు కుడతారని అనగా....వీళ్లు కుడతారని చెప్పి కేశవ్‌,కన్నాకు ఆపని అప్పగిస్తుంది.వాళ్లు ఇష్టానుసారం కుట్టి చొక్కా పాడుచేస్తారు. వాళ్లిద్దరినీ ఓసారి చూసి వస్తానని నారాయణ వెళ్లి చూసి ఆనందంతో బయటకు వెళ్లిపోతాడు.<br /><strong>మహా చేతికి భారీ ప్రాజెక్ట్</strong><br /> ఆఫీసుకు వెళ్లిన మహాకు విక్కీ గుడ్‌న్యూస్‌ చెబుతాడు. మన కంపెనీకి పెద్ద ప్రాజెక్ట్ వచ్చిందని అంటాడు. ఓ కన్‌స్ట్రక్షన్ కంపెనీ విల్లాలు కడుతోందని దాని డిజైనింగ్ అవకాశం మనకే ఇచ్చారని చెబుతాడు.ఇదంతా నువ్వు వచ్చాకే జరుగుతున్నాయని మహాను పొగిడి ఆ విల్లాలు కట్టే ప్రాజెక్ట్‌ నువ్వే డిజైన్ చేసి ఇవ్వాలని అని చెప్పి ఫైల్ మహా చేతిలో పెడతాడు.</p>
3 weeks ago
2 
