<p><strong>Podarillu Serial Today Episode:</strong> స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది.నారాయణ జమునను ఏదైనా చేస్తాడేమోనని మహా కంగారుపడుతుంది. చక్రి భోజనానికి ఇంటికి వెళ్తాడు కాబట్టి కనుక్కుందామని ఫోన్ చేసి అడిగితే వెళ్లలేదని చెబుతాడు.మాధవ్‌ ఇంజినీర్‌ను డబ్బులు అడ్వాన్స్‌గా అడుగుతాడు. అటు చక్రి కూడా తన ఓనర్‌కు మస్కాకొట్టి డబ్బులు అడ్వాన్స్‌గా తీసుకుంటాడు.మరోవైపు ఇంట్లో ఉన్న సొత్తు దోచుకుపోవడానికి జమున ప్రయత్నాలు చేస్తుంటుంది.<br /><strong>చక్రిపై ప్రేమకురిపించిన మహా</strong><br /> కారులో వెళ్తున్న చక్రికి మహాలక్ష్మీ ఫోన్ చేస్తుంది.సడెన్‌గా ఈవిడ ఎందుకు ఫోన్ చేసిందని చక్రి కంగారుపడి కారు ఆపి కిందకు దిగుతాడు.అప్పుడే మహా ప్రేమగా భోజనం చేశారా అని అడగ్గానే చక్రి గుండెం పేలిపోతుంది.ఇదేంటి ఇంత ప్రేమ కురిపిస్తుందని అనుకుంటాడు.ఊహల్లో తేలిపోతుంటాడు.వెంటనే మళ్లీ ఇంత సమయం అవుతున్నా ఎందుకు తినలేదని అంటుంది.ఈ టైం వరకు భోజనం చేయకపోతే మీ ఆరోగ్యం ఏమైపోతుందని అనడంతో చక్రి ఇక భూమిమీద ఆగలేకపోతాడు. మీరేనా ఇలా మాట్లాడుతుందని అడుగుతాడు. ఎందుకు అలా అంటున్నారని అంటే ...ఇంతవరకు ఎప్పుడూ మీరు అడగలేదని...ఇప్పుడు అడిగేసరికి కొత్తగా ఉందని అంటాడు.అలాంటిదేమీలేదని నారాయణ, జమునపై గొడవపెట్టుకుని ఉంటాడు కదా...మీరు భోజనానికి ఇంటికి వెళ్తే మీకు ఆ విషయం తెలిసి ఉంటుందని అడిగాను అంతేనని అంటుంది. దీంతో చక్రి గాలి మొత్తం పోతుంది. దీనికోసమే అడిగారా అంటే అవునని మహా అంటుంది. నేను ఇంటికి వెళ్లలేదు..వెళ్లనుకూడా అంటూ ఫోన్ పెట్టేస్తాడు.<br /><strong>మాధవ్‌,చక్రి డబ్బుల కోసం ప్రయత్నాలు</strong><br /> కేశవ్‌ స్థలం కొనడానికి మాధవ్ డబ్బులు కోసం ప్రయత్నాలు చేస్తుంటాడు.ఇంజినీర్‌ సైట్‌ దగ్గరకు రాగా...మాధవ్‌ను పిలిచి డబ్బులు అడిగావు కదా ఎందుకని అడగ్గా...మా తమ్ముడు స్థలం కొంటున్నాడని అందుకు రూ.7లక్షల వరకు కావాలని అంటాడు.అంత ఎమౌంట్‌ ఇవ్వలేనని కాకపోతే నేను చేయగలిగిన సాయం చేస్తానని చెబుతాడు. అదంతా విన్న మనీషా తన చేతికి ఉన్న బంగారు గాజులు తీసి మాధవ్‌కు ఇస్తుంది. ఇవి అమ్మి మీ తమ్ముడికి ఇవ్వండని చెబుతుంది. మాధవ్‌ వద్దని చెబుతాడు.ఇన్నాళ్లను నాకు వచ్చే భార్య మా తమ్ముళ్లను ఎలా చూసుకుంటుందోనని కంగారుపడ్డాడనని...కానీ వాళ్లకు మళ్లీ ఓ అమ్మ వచ్చినందుకు సంతోషంగా ఉందని అంటాడు. అందుకే ఆ దేవుడు ఇన్నాళ్లు నాకు ఏ సంబంధం కుదరకుండా చేశాడని అనుకుంటాడు. అటు చక్రి కూడా కారేశ్వర్‌ దగ్గరకు వెళ్లి అడ్వాన్స్‌గా డబ్బులు తీసుకోవాలని అనుకుంటాడు. కానీ ఓనర్‌ ఓంకారేశ్వర్‌ సెలవుపెట్టి తీర్థయాత్రలకు వెళ్తాడు.వాళ్ల తమ్ముడి సీటులో ఉంటాడు. డబ్బులు అడగ్గానే మండిపడతాడు.నీ నక్కజిత్తులన్నీ మా అన్నయ్య నాకు చెప్పాడని...నీకు ఒక్కరూపాయి కూడా ఇవ్వొద్దన్నాడని చెబుతాడు.కానీ చక్రి అతన్ని బురిడీ కొట్టించి లక్షన్నర రూపాయలు అడ్వాన్స్‌గా తీసుకుంటాడు.<br /><strong>జమున ప్రయత్నాలు</strong><br /> ఇంట్లో ఉన్న విలువైన వస్తువులు, డబ్బు ఎక్కడ ఉందో జమున వెతుకుతుంటుంది. ఎంత ఎక్కువ వీలైతే అంత తీసుకుని పరారవ్వాలని చూస్తుంటుంది.ఇంతలో కన్నా కాలేజీ నుంచి వచ్చి వాళ్ల అమ్మకోసం వెతుకుతాడు.ఇంట్లో కనిపించకపోయేసరికి కంగారుపడతాడు.ఆవిడ వచ్చి ఏమైందిరా అని అంటే నువ్వు మళ్లీ వెళ్లిపోయావేమోనని కంగారుపడ్డానని అంటాడు. అసలు నన్ను వదిలి ఎందుకు వెళ్లిపోయావని ఏడుస్తాడు.నువ్వు వస్తే నీకు ఓ గిఫ్ట్ ఇవ్వాలని దాచిపెట్టానని చెప్పగా...జమున ఏ బంగారమో అని మురిసిపోతుంది.ఓ గాజు బొమ్మ తెచ్చి ఇవ్వగా తీసుకుని పక్కన పడేస్తుంది.</p>
2 weeks ago
2 
