<p><strong>Podarillu Serial Today Episode</strong>: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది.ఇంట్లో పనులన్నీ చేస్తూ జమున అందరినకీ బాగా దగ్గరయ్యే ప్రయత్నం చేస్తుంది.అలాగే నారాయణను మచ్చిక చేసుకోవాలని చూడగా...అతను కోప్పడతాడు.అప్పుడే అక్కడికి వచ్చిన కన్నా మా అమ్మను ఏమైనా అన్నావంటే నిన్ను కూడా ఇంట్లో నుంచి బయటకు వెళ్లగొడతానని బెదిరిస్తాడు. దీంతో ఇంట్లోవాళ్లంతా జమునను నిలదీస్తారు.ఆయన మిమ్మల్ని చంపేంతా తప్పు ఏం చేశారని అడుగుతారు.అలాంటిదేమీ లేదని ఆయన తాగివస్తే మనిషే కాదని...ఎక్కడ నన్ను చంపేస్తాడేమోనన్న భయంతోనే ఇంట్లో నుంచి వెళ్లిపోయానని అబద్ధం చెప్పి తప్పించుకుంటుంది.<br /><strong>కన్నాపై తల్లిప్రేమ..ఇబ్బందిపడిన మాధవ్</strong><br /> చిన్నప్పటి నుంచి కన్నాను వదిలి ఒక్కరోజు కూడా ఉండని మాధవ్‌కు కన్నా తనకు దూరమవుతున్నాడేమోనని బాధ కలుగుతుంది. కొత్తగా వచ్చిన అమ్మ దగ్గరే కన్నా ఎక్కువగా ఉండటం చూసి కొంచెం ఫీల్‌ అవుతాడు. అన్నం తినడం,పడుకోవడం అన్నీ వాళ్ల అమ్మ దగ్గరే చేస్తుండటంతో మాధవ్‌కు కొంచెం ఇబ్బందిగా అనిపిస్తుంది.ఇదంతా గమనించిన మహా కూడా చాలా బాధపడుతుంది. ఉదయం లేచిన వెంటనే మాధవ్ కూరగాయలు కొనుక్కుని రావడానికి వెళ్లి వచ్చేసరికి జమున వంటపని మొదలుపెడుతుంది. ఇవన్నీ నీకు ఎందుకమ్మా నేను చేస్తానులేనని మాధవ్ అనగా..నేను వచ్చాను కదా ఇక నేను చూసుకుంటానని చెప్పి జమున టీ పెట్టి ఇస్తుంది.<br /><strong>నాన్ననే ఇంట్లో నుంచి వెళ్లిపొమ్మన్న కన్నా</strong><br /> అందరినీ బుట్టలో వేసుకున్న జమున..నారాయణను కూడా మచ్చిక చేసుకోవాలని చూస్తుంది. టీ తీసుకుని నారాయణ దగ్గరకు వెళ్లబోతుండగా....అందరూ వద్దని వారిస్తారు.అసలే ఆయన మీపై చాలా కోపంగాఉన్నారని చెబుతారు. నేను చూసుకుంటానులేనని చెప్పి జమున టీ తీసుకుని వెళ్తుంది. ఆమెను చూడగానే నారాయణ చాలా కోపంతో రగిలిపోతాడు.టీ గ్లాస్ విసిరికొట్టి మంచం పైకెత్తి కొట్టబోతాడు.అంతలో అందరూ అక్కడికి వచ్చి ఆపుతారు. వీళ్లందరినీ మాయ చేసినట్లు నన్ను కూడా మోసం చేద్దామని చూస్తున్నావా అని ఆగ్రహం వ్యక్తం చేస్తాడు. వాడు పాలు తాగే వయసులో వదిలిపెట్టి వెళ్లి ఇప్పుడు టీ చేసి ఇస్తావా అని ప్రశ్నిస్తాడు. అందరూ సర్దిచెబుతున్నా వినకుండా మీరు చాలా బాధపడతారని..దీన్ని ఇంటికి తెచ్చినందుకు అనుభవిస్తారని నారాయణ అంటాడు. ఇది అసలు మామూలు ఆడదేకాదని అంటాడు. దీంతో కన్నాకు కోపం వస్తుంది.ఇంకోసారి మా అమ్మ గురించి మాట్లాడావంటే నిన్ను ఇంట్లో నుంచి బయటకు వెళ్లగొడతానని అంటాడు. దీంతో నారాయణ అక్కడి నుంచి వెళ్లిపోతాడు.<br /><strong>జమునను నిలదీసిన చక్రి</strong><br /> అసలు ఆయన అంతలా కోప్పడటానికి మీరు ఏం చేశారని చక్రి,మహా జమునను నిలదీస్తారు.ఇన్నేళ్లయినా ఆయనకు మీపై కోపం ఎందుకు తగ్గడం లేదని అడుగుతారు.దీంతో జమున చాలా కంగారుపడుతుంది. ఆయన తాగి ఇంటికి వస్తే మనిషే కాదని ఎప్పుడూ కొడుతుండేవాడని అంటుంది. ఊరిలో అందరూ కూడా మీ అమ్మను చంపినట్లే నన్ను కూడా చంపుతాడని భయపెట్టారని అందుకే నేను ఆరోజు ఇల్లు వదిలేసి వెళ్లిపోవాల్సి వచ్చిందని అంటుంది. ఇంతకు మించి ఏ కారణం లేదని చెబుతుంది.చిన్నపిల్లాడిని వదిలిపెట్టి వెళ్లిపోయినందుకు కోపం పెంచుకుని ఉంటారని అంటుంది.</p>
2 weeks ago
2 
