<p><strong>Podarillu Serial Today Episode</strong>: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది. కన్నా ద్వారా మహాను ఒప్పించి అందరూ పార్క్‌కు వెళ్లేలా ప్లాన్ చేస్తాడు చక్రి. శైలూ రమ్మనడంతో కేశవ్‌ ఇంట్లో అబద్ధం చెప్పి ఆమెనే తీసుకుని అదే పార్కుకు వస్తాడు. మహా మంచి మూడులో ఉండటం చూసి చక్రి తన మనసులో మాట చెప్పడానికి ట్రై చేస్తాడు. అప్పుడు ఏ జరిగిందో ఈరోజు ఎపిసోడ్‌లో చూద్దాం.<br /><strong>శైలూను మళ్లీ కొట్టిన తల్లిదండ్రులు</strong><br /> కేశవ్ ఇంట్లో జరిగిన అవమానంతో వరాలు రగిలిపోతుంది.ఇంటికి వచ్చిన తర్వాత శైలూను పిలిచి కొడుతుంది.నీవల్లే ఈ రోజు మేం రోడ్డుమీద నిల్చునే పరిస్థితి వచ్చిందని అంటుంది. అడ్డమైన వాళ్లతో మాటలు పడాల్సి వచ్చిందని చెబుతుంది. నీవల్ల మీ నాన్నగారు ఆ బైక్‌ మెకానిక్‌గాడి కుటుంబంతో తిట్లు కూడా తిన్నారని చెప్పి ఏడుస్తుంది. అయినా మీరు వాళ్ల ఇంటికి ఎందుకు వెళ్లారని శైలూ నిలదీస్తుంది. మళ్లీ వాడి పేరు చెప్పినా...వాడిని కలిసినట్లు తెలిసినా ప్రాణాలు తీస్తానని కొడుతుంది.ఇంతలో తండ్రి వచ్చి వరాలను అడ్డుకుంటాడు. మీరు అతి గారాభం చేయబట్టి అది ఇలా తయారైందని మండిపడుతుంది. మీరు ఏం చేసుకున్నా నేను కేశవ్‌ను ప్రేమిస్తూనే ఉంటాను...పెళ్లి చేసుకుంటానని శైలూ తెగేసి చెబుతుంది.<br /><strong>పార్కుకు ప్లాన్ చేసిన చక్రి</strong><br /> కేశవ్‌, చక్రి, కన్నా, మహా అందరూ కలిసి క్యారెమ్స్ ఆడుకుంటారు. మహా మంచినీళ్లు తాగడానికి వెళ్లిన గ్యాప్‌లో చక్రి కన్నాను పిలిచి ఇవాళ ఆదివారం కదా నేను చెప్పినట్లు చెప్పకుండా పార్కుకు వెళ్దామని చెప్పు అని అంటాడు. ఇంతలో మహా వచ్చి ఏం గుసగుసలాడుతున్నారని అడుగుతుంది. మనం అందరం కలిసి సరదాగా పార్కుకు వెళ్దామని అంటున్నాడని...తను అడిగినట్లు కాకుండా నేనే మిమ్మల్ని అడిగినట్లు చెప్పమంటున్నాడని కన్నా చక్రిని ఇరికిస్తాడు.అవసరం లేదని మహాలక్ష్మీ చెబుతుండగా...మాధవ్‌ వచ్చి ఏంటని అడుగుతాడు. మహాకు ఇంట్లో ఉండి బోరు కొడుతుందంటా పార్కుకు వెళ్దామని అంటోందని చక్రి అబద్ధం చెబుతాడు. దీంతో మాదవ్ అందరం కలిసి పార్కుకు వెళ్దామని అంటాడు.<br /><strong>ఇంట్లో అబద్ధం చెప్పిన కేశవ్‌</strong><br /> శైలూ పదేపదే ఫోన్ చేయడంతో ఏం జరిగిందోనని కేశవ్ ఆమెకు ఫోన్ చేస్తాడు. మీ ఇంట్లో జరిగిన గొడవతో మా ఇంట్లో నన్ను పిచ్చకొట్టుడు కొడుతున్నారని శైలూ చెబుతుంది. అయినా మీ అన్నయ్యను తీసుకుని వచ్చి మా ఇంట్లో గొడవ చేయాలా అని నిలదీస్తుంది. దీంతో కేశవ్ తిట్ల దండకం అందుకుంటాడు. మీవాళ్లే మా ఇంటికి వచ్చి గొడవ పెట్టుకున్నారని అసలు నిన్ను ప్రేమించడం వల్లే నాకు ఇదంతా జరిగిందని బాగా తిడతాడు. దీంతో శైలూ అలిగినట్లు నాటకం ఆడుతుంది. నేను నిన్నటి నుంచి అన్నం కూడా తినలేదని అబద్ధం చెబుతుంది. నువ్వు వచ్చి నన్ను వెంటనే బయటకు తీసుకెళ్లమని చెబుతుంది. దీంతో కేశవ్ సరేనంటాడు. వీళ్లేమో పార్కుకు ప్లాన్ చేశారు...ఇదేమో బయటకు అంటోందని కేశవ్ సతమతమవుతాడు. ఇంట్లోకి వెళ్లి నాకు బైక్‌ డెలివరీ ఉందని....నేను పార్కుకు రానని చెప్పేస్తాడు. దీంతో కేశవ్‌ను వదిలేసి మిగిలినవాళ్లు పార్కుకు వెళ్లడానికి బయలుదేరుతుండగానే బన్సీ వాళ్ల చెల్లి వస్తుంది. తనను కూడా పార్కుకు రమ్మని చెబుతారు. నారాయణను ఎవరూ పిలవలేదని అలిగి కూర్చోవడంతో మహా వెళ్లి రమ్మనడంతో ఆనందంతో గెంతులేసుకుంటూ నారాయణ వస్తాడు.<br /><strong>మహా బ్యాగ్‌లో మందు</strong><br /> పార్కు వద్ద టిక్కెట్లు తీసుుకునే క్రమంలో చక్రి ఓ ఆంటీకి తగులుతాడు.ఆమె చక్రిని చూసి మురిసిపోతుండగా...వాళ్ల ఆయన కండలరాయుడు చక్రిని చూసి గట్టిగా వార్నంగ్ ఇచ్చి పంపించేస్తాడు. పార్కు బయట చెకింగ్ చేస్తున్నారని తెలిసి నారాయణ చిన్నగా తన జేబులో ఉన్న క్వార్టర్‌ బాటిల్‌ తీసుకుని మహా బ్యాగ్‌లో వేస్తాడు. చెకింగ్‌ వద్ద ఆమె బ్యాగ్ చెక్‌ చేయకపోవడంతో లోపలికి వెళ్తుంది. అటు కేశవ్‌ కూడా ఇదే పార్కుకు శైలును తీసుకుని వస్తాడు. మహా బ్యాగ్‌లో ఉన్న మందు బాటిల్ తీసుకోవడానికి నారాయణ విశ్వప్రయత్నం చేస్తుండగా చక్రి పట్టేసుకుంటాడు. దీంతో మహా నారాయణను తిట్టి బాటిల్ తన బ్యాగ్‌లోనే దాచేసుకుంటుంది. మరోవైపు చక్రి మహాకు దగ్గరయ్యేందుకు ప్రయత్నిస్తుంటాడు. తన మనసులో మాట ఆమెకు చెబుతాడు. ఆ మాటలు విన్న మహా ఏం చేసిందో రేపటి ఎపిసోడ్‌లో చూద్దాం.</p>
<p> </p>
3 months ago
9 
