<p>PM Kisan 24th Installment: దీపావళి పండుగ వేళ దేశవ్యాప్తంగా కోట్లాది మంది రైతులకు కేంద్ర ప్రభుత్వం తీపి కబురు చెప్పింది. రైతులు ఎంతో కాలంగా ఎదురుచూస్తున్న ప్రధాన మంత్రి కిసాన్ సమ్మాన్ నిధి (PM-KISAN) యోజన 24వ విడత నిధులను ప్రధాని మోదీ ఇవాళ విడుదల చేశారు. గుజరాత్‌లోని బనస్కాంత జిల్లాలో జరిగిన ప్రత్యేక కార్యక్రమంలో ప్రధాని మోదీబటన్ నొక్కి, డైరెక్ట్ బెనిఫిట్ ట్రాన్స్‌ఫర్ ద్వారా నేరుగా రైతుల బ్యాంకు ఖాతాల్లోకి ఈ మొత్తాన్ని జమ చేశారు.</p>
<h3>9.34 కోట్లకు పైగా రైతులకు రూ. 18,680 కోట్లు</h3>
<p>కేంద్ర వ్యవసాయ మంత్రిత్వ శాఖ సమాచారం ప్రకారం, ఈ 24వ విడత కింద దేశవ్యాప్తంగా 9.34 కోట్లకు పైగా అర్హులైన రైతు కుటుంబాలకు రూ. 2,000 చొప్పున జమ అయ్యాయి. ఈ విడత ద్వారా ప్రభుత్వం మొత్తం రూ. 18,680 కోట్లకు పైగా బదిలీ చేసింది. ఈ పథకం కింద ప్రతి నాలుగు నెలలకు ఒకసారి రూ. 2,000 చొప్పున, ఏడాదికి మొత్తం మూడు వాయిదాలలో రూ. 6,000 ఆర్థిక సాయాన్ని ప్రభుత్వం అందిస్తున్న సంగతి తెలిసిందే.</p>
<h3>మీ ఖాతాలో డబ్బులు పడలేదా? </h3>
<p>మీ మొబైల్‌కు మెసేజ్ రాకపోయినా లేదా ఖాతాలో డబ్బు జమ కాకపోయినా ఆందోళన పడాల్సిన అవసరం లేదు. బ్యాంకింగ్ సర్వర్ల రద్దీ వల్ల కొన్నిసార్లు ఆలస్యం కావచ్చు. ఒక్కొసారి వివిధ కారణాలతో డబ్బు జమ కాకపోవచ్చు. </p>
<p>1.ఇ-కేవైసీ (e-KYC) పూర్తి చేయకవపోవడం </p>
<p>2. భూమి రికార్డుల ధృవీకరణ పూర్తి కాకపోవడం </p>
<p>3. బ్యాంకు ఖాతాకు ఆధార్ కార్డు లింక్ లేకపోవడం </p>
<p>వివిధ రాష్ట్రాల్లో నిబంధనలను కఠినతరం చేయడంతో, ఈ లోపాల వల్ల దాదాపు 10 లక్షల మంది రైతులకు పీఎం కిసాన్ నిధులు నిలిచిపోయినట్లు అధికారులు వెల్లడించారు.<br /><br />Also Read: <a title="కుంభమేళా 2027: నాసిక్-త్రయంబకేశ్వర్ సింహస్థ పర్వం పూర్తి షెడ్యూల్, అమృతస్నానాల ప్రాముఖ్యత!" href="https://telugu.abplive.com/spirituality/kumbh-mela-2027-dates-nashik-trimbakeshwar-simhastha-parv-schedule-amrit-snan-religious-significance-262622" target="_self">కుంభమేళా 2027: నాసిక్-త్రయంబకేశ్వర్ సింహస్థ పర్వం పూర్తి షెడ్యూల్, అమృతస్నానాల ప్రాముఖ్యత!</a></p>
<h3>పేమెంట్ స్టేటస్ ఇలా చెక్ చేసుకోండి?</h3>
<ul>
<li>రైతులు బ్యాంకులు లేదా ప్రభుత్వ కార్యాలయాల చుట్టూ తిరగాల్సిన పనిలేకుండా, మొబైల్ ఫోన్ ద్వారానే పీఎం కిసాన్ స్టేటస్ తెలుసుకోవచ్చు. </li>
<li>పీఎం కిసాన్ అధికారిక వెబ్‌సైట్ pmkisan.gov.in ను విజిట్ చేయండి. </li>
<li>హోమ్ పేజీలో ఉన్న 'Know Your Status' ఆప్షన్‌పై క్లిక్ చేయండి.</li>
<li>మీ రిజిస్ట్రేషన్ నెంబర్, క్యాప్చా కోడ్‌ను నమోదు చేయండి.</li>
</ul>
<p>మీ రిజిస్టర్డ్ మొబైల్ నెంబర్ వచ్చే OTPని ఎంటర్ చేసి సబ్మిట్ కొట్టగానే, మీ చెల్లింపుల వివరాలన్నీ స్క్రీన్‌పై కనిపిస్తాయి. <br /><br />Also Read: <a title="నిత్యావసర వస్తువుల ధరల మంట - ప్రజా వ్యతిరేకత ముప్పు - ప్రభుత్వాల మాస్టర్ ప్లాన్లు ఇవే !" href="https://telugu.abplive.com/politics/ap-vs-ts-essential-commodities-subsidies-how-naidu-and-revanth-tackle-price-hike-262565" target="_self">నిత్యావసర వస్తువుల ధరల మంట - ప్రజా వ్యతిరేకత ముప్పు - ప్రభుత్వాల మాస్టర్ ప్లాన్లు ఇవే !</a></p>
13 hours ago
4 
