Phone Chargers : ఛార్జర్లు నలుపు, తెలుపు రంగులలోనే ఎందుకు ఉంటాయి? ఇంట్రెస్టింగ్ ఫ్యాక్ట్స్ ఇవే

<p style="text-align: justify;"><strong>Science Behind Black and White Chargers :</strong> మీరు గమనించే ఉంటారు.. స్మార్ట్&zwnj;ఫోన్&zwnj;ల నుంచి ల్యాప్&zwnj;టాప్&zwnj;ల వరకు ఛార్జర్&zwnj;లు నలుపు లేదా తెలుపు రంగులోనే ఉంటాయి. పరికరం ఏ రంగులో ఉన్నా.. దాని ఛార్జర్ మాత్రం నలుపు లేదా తెలుపు రంగులోనే ఉంటుంది. ఎందుకలా ఉంటుందో ఎప్పుడైనా ఆలోచించారా? కంపెనీలు ఇతర ఉపకరణాల మాదిరిగానే ఛార్జర్&zwnj;లను కూడా రంగురంగుల్లో తయారు చేయవచ్చు కదా.. మరి అలా ఎందుకు చేయవు? దీని వెనుక రీజన్స్ ఏంటో ఇప్పుడు చూసేద్దాం.&nbsp;</p> <h3 style="text-align: justify;"><strong>భద్రత (Safety)</strong></h3> <p style="text-align: justify;">కంపెనీలు తమ ఛార్జర్&zwnj;లను మార్కెట్లోకి విడుదల చేయడానికి ముందు ఫైర్ సేఫ్టీ, షార్ట్-సర్క్యూట్ టెస్ట్&zwnj;లతో సహా అనేక రకాల భద్రతా పరీక్షలలో ఉత్తీర్ణత సాధించాలి. న్యూట్రల్ రంగులతో కూడిన ప్లాస్టిక్ ఫార్ములా సాధారణంగా నమ్మకమైనదిగా పరిగణిస్తారు. ఇది ముందే సర్టిఫై చేయబడింది. కాబట్టి దీనివల్ల భద్రతా ఆమోదం త్వరగా లభిస్తుంది.</p> <h3 style="text-align: justify;"><strong>సౌలభ్యం (Convenience)</strong></h3> <p style="text-align: justify;">కంపెనీలకు నలుపు, తెలుపు ఛార్జర్&zwnj;లను తయారు చేయడం సులభం. పైగా చౌక కూడా. ఒకవేళ వారు పరికరాల రంగులకు అనుగుణంగా ఛార్జర్&zwnj;లను తయారు చేయడం ప్రారంభిస్తే.. వారికి వేర్వేరు రంగులు అవసరమవుతాయి. దీనివల్ల ఖర్చు పెరుగుతుంది. కాబట్టి నలుపు,&nbsp; తెలుపు ఛార్జర్&zwnj;లను తయారు చేయడం కంపెనీలకు సులభంతో కూడుకున్నది. రెండవది, వినియోగదారులకు కూడా దీనివల్ల ప్రయోజనం ఉంటుంది. ఒకవేళ వారి ఛార్జర్ పాడైపోతే.. పరికరంతో సరిపోయే రంగు ఛార్జర్&zwnj;ను కనుగొనడం వారికి కష్టమవుతుంది. ఏదైనా చోట ఒక రంగు కొరత కారణంగా వారికి ఛార్జర్ దొరకడంలో ఆలస్యం కూడా కావచ్చు. అందువల్ల కంపెనీలతో పాటు వినియోగదారులకు కూడా ఇది సౌకర్యవంతంగా ఉంటుంది.</p> <h3 style="text-align: justify;"><strong>సైన్స్ (Science)</strong></h3> <p style="text-align: justify;">భద్రత, సౌలభ్యంతో పాటు.. ఛార్జర్ నలుపు లేదా తెలుపు రంగులో ఉండటానికి సైన్స్ కూడా ఓ కారణం. వాస్తవానికి, నలుపు లేదా తెలుపు రంగుల వల్ల ఛార్జర్ నుంచి వెలువడే వేడిని సులభంగా వెదజల్లవచ్చు (dissipate). దీనివల్ల ఛార్జింగ్ సమయంలో ఉత్పత్తి అయ్యే వేడి లోపల చిక్కుకోదు. ఛార్జర్ ఓవర్&zwnj;హీట్ అవ్వకుండా కాపాడుతుంది. ఈ విధంగా రంగు ఎంపిక వెనుక సైన్స్ కూడా ఒక పెద్ద అంశం.</p> <p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/lifestyle/side-effects-of-using-mobile-devices-frequently-199238" width="631" height="381" scrolling="no"></iframe></p>