<p><strong>Apply For PAN 2.0 Online:</strong> భారత ప్రభుత్వం ఇటీవల PAN 2.0 ప్రాజెక్ట్‌ను ప్రారంభించింది. కార్డ్‌దారుల వ్యక్తిగత వివరాల భద్రత & కార్డ్ వినియోగ సామర్థ్యాన్ని పెంచడంతో పాటు పన్ను చెల్లింపుదారుల గుర్తింపును ఆధునీకరించడం ఈ ప్రాజెక్ట్‌ లక్ష్యం. కేంద్ర మంత్రి అశ్విని వైష్ణవ్‌ చెప్పిన ప్రకారం.. కొత్త కార్డ్‌లో మెరుగైన పనితీరు & భద్రతతో కూడిన ప్రామాణీకరణ కోసం (PAN authentication) కోసం క్యూఆర్‌ కోడ్‌ (QR code on PAN) ఉంటుంది.</p>
<p><strong>PAN 2.0 ప్రాజెక్ట్ అంటే ఏంటి?</strong><br />పన్ను చెల్లింపుదారుల రిజిస్ట్రేషన్‌ను మరింత సులభంగా మార్చడానికి రూపొందించిన అప్‌డేటెడ్‌ ఇ-గవర్నెన్స్ ఇనీషియేటివ్‌ ఇది. ఇప్పటి వరకు వేర్వేరుగా ఉన్న PAN (Permanent Account Number) & TAN (Tax Deduction and Collection Account Number) వ్యవస్థలను ఈ ప్రాజెక్ట్ ఒకే డిజిటల్ ప్లాట్‌ఫామ్‌గా కలిపేస్తుంది. దీనివల్ల, దీనిని వినియోగించడం & భద్రత రెండూ మెరుగుపడతాయి.</p>
<p><strong>PAN 2.0 లక్షణాలు</strong><br />QR కోడ్ ఇంటిగ్రేషన్: కార్డుదారు గుర్తింపును వేగంగా ధృవీకరించడానికి & ప్రామాణీకరించడానికి వీలవుతుంది.<br />ఏకీకృత డిజిటల్ పోర్టల్: పాన్, టాన్‌ సేవలు ఒకే వ్యవస్థలోకి ఏకీకృతం అవుతాయి.<br />పాన్ డేటాకు భద్రత: పాన్‌లోని వ్యక్తిగత సమాచారం కేంద్రీకృత విధానంలో సురక్షితంగా నిల్వ ఉంటుంది, నిర్వహణ సమర్థవంతంగా ఉంటుంది.</p>
<p><strong>పాన్ కార్డ్‌ను 2.0ను ఎవరు తీసుకోవాలి?</strong><br />ఇప్పటికే పాన్ కార్డ్ ఉన్న వ్యక్తులంతా పాన్ కార్డ్‌ 2.0కు అప్‌గ్రేడ్‌ కావడానికి అర్హులు, దీనికోసం ప్రత్యేకంగా దరఖాస్తు చేసుకోవలసిన అవసరం లేదు. ఇప్పటికే కార్డ్‌ ఉన్నవాళ్లు QR-ఆధారిత వెర్షన్‌ కోసం అభ్యర్థించవచ్చు. కొత్త దరఖాస్తుదారులు తగ్గిన అర్హత ప్రమాణాలు కలిగి ఉండాలి. చెల్లుబాటు అయ్యే వ్యక్తిగత గుర్తింపు పత్రాన్ని, చిరునామా రుజువును అందించాలి. పన్ను చెల్లింపుదారులందరికీ (taxpayers) అప్‌గ్రేడ్ ఉచితం.</p>
<p><strong>పాన్ 2.0 కోసం ఆన్‌లైన్‌లో ఎలా అప్లై చేయాలి?</strong><br />స్టెప్‌ 1: NSDL అధికారిక వెబ్‌సైట్‌ను సందర్శించండి, PAN రిక్వెస్ట్‌ పేజీలోకి వెళ్లండి<br />స్టెప్‌ 2: మీ PAN & వ్యక్తిగత సమాచారాన్ని నమోదు చేయండి. మీ గుర్తింపు, చిరునామా, జనన తేదీ రుజువు కోసం స్కాన్ చేసిన కాపీలను సమర్పించండి.<br />స్టెప్‌ 3: OTP డెలివరీ పద్ధతిని ఎంచుకుని వివరాలను ధృవీకరించండి. <br />స్టెప్‌ 4: నిబంధనలు & షరతులకు అంగీకరిస్తూ సంబంధిత గడిలో టిక్‌ మార్క్‌ పెట్టండి.<br />స్టెప్‌ 5: చివరిగా, మీరు ఇచ్చిన సమాచారాన్ని మరొకసారి చెక్‌ చేసుకుని సబ్మిట్‌ చేయండి. కొన్ని రోజుల్లో కొత్త కార్డ్ మీ ఇంటికి వస్తుంది.</p>
<p><strong>పాన్ 2.0 దరఖాస్తు కోసం అవసరమైన పత్రాలు</strong><br />గుర్తింపు రుజువు: ఆధార్ కార్డ్, పాస్‌పోర్ట్, ఓటరు ID లేదా డ్రైవింగ్ లైసెన్స్. <br />చిరునామా రుజువు: బ్యాంక్ స్టేట్‌మెంట్‌, యుటిలిటీ బిల్లులు లేదా అద్దె ఒప్పందాలు. <br />జనన తేదీ రుజువు: జనన ధృవీకరణ పత్రం, 10వ తరగతి మార్క్స్‌ లిస్ట్‌ లేదా పాస్‌పోర్ట్. </p>
<p>మరో ఆసక్తికర కథనం: <a title="రూ.12 లక్షల ఆదాయంపై పన్ను మిహాయింపు గ్రాస్‌ శాలరీ మీదా, నెట్‌ శాలరీ మీదా? సమాధానం మీకు తెలుసా?" href="https://telugu.abplive.com/business/personal-finance/according-to-the-new-tax-regime-is-the-tax-deduction-on-income-of-rs-12-lakhs-on-gross-salary-or-net-salary-198387" target="_self">రూ.12 లక్షల ఆదాయంపై పన్ను మిహాయింపు గ్రాస్‌ శాలరీ మీదా, నెట్‌ శాలరీ మీదా? సమాధానం మీకు తెలుసా?</a> </p>
9 months ago
7 
