<p>జనవరి 14 నుంచి 19 వరకు కొన్ని మోస్ట్ అవైటింగ్ తెలుగు, తమిళ, మలయాళ కొరియన్ సినిమాలు ఓటీటీలలో రిలీజ్ కాబోతున్నాయి. పాణి నుంచి అయామ్ కథలన్ వరకు ఈ వారం డిజిటల్ ప్లాట్ ఫామ్ లలో రిలీజ్ కాబోతున్న సినిమాలు ఏంటో తెలుసుకుందాం. </p>
<p><strong>అన్ మాస్క్డ్</strong><br />ఆఫీస్ కామెడీతో పాటు యాక్షన్, ఇన్వెస్టిగేషన్ వంటి అంశాలన్నీ ఉండే సినిమా కోసం చూస్తున్నారా? అయితే ఈ కొరియన్ డ్రామా 'అన్‌మాస్క్డ్' మీ కోసమే. ఇందులో కిమ్ హే-సూ, జంగ్ సంగ్-ఇల్, జూ జోంగ్-హ్యూక్ ప్రధాన పాత్రలు పోషించారు. 'అన్‌మాస్క్‌డ్' స్టోరీ విషయానికొస్తే... జర్నలిస్ట్ ల బృందం ఒక ప్రముఖ నటుడితో సంబంధం ఉన్న ఇరవై ఏళ్ల నాటి కోల్డ్ బ్లడెడ్ మర్డర్ కేసును ఇన్వెస్టిగేట్ చేసి, పరిష్కరించడానికి ప్రయత్నిస్తుంది. ఆ హత్యలో దాగి ఉన్న నిజాలు, కుట్రల నెట్‌వర్క్‌ను వెలికితీసే క్రమంలో దర్యాప్తు ఎలా సాగుతుందనేది ఆసక్తికరంగా ఉంటుంది. డిస్నీ ప్లస్ హాట్ స్టార్ లో ఈ మూవీ జనవరి 15 నుంచి స్ట్రీమింగ్ అవుతోంది. </p>
<p><strong>పాణి</strong> <br />'పాణి' కథ ఓ పెళ్ళయిన జంట చుట్టూ తిరుగుతుంది. సంతోషంగా బ్రతుకుతున్న ఈ జంట జీవితంలోకి అనుకోని విధంగా నేర ప్రవృత్తి ఉన్న ఇద్దరు యువకులు ఎంట్రీ ఇవ్వడంతో స్టోరీ మలుపు తిరుగుతుంది. ఈ చిత్రంలో జోజు జార్జ్, మెర్లెట్ ఆన్ థామస్, సాగర్ సూర్య, బాబీ కురియన్, జునైజ్ వీపీ కీలక పాత్రలు పోషిస్తున్నారు. ఈ మలయాళ క్రైమ్ థ్రిల్లర్ జనవరి 16 నుంచి సోనీ లివ్ లో స్ట్రీమింగ్ అవుతుంది. </p>
<p><strong>రైఫిల్ క్లబ్</strong><br />ఆయుధ వ్యాపారి ముఠాను ఎదుర్కొనే చారిత్రక రైఫిల్ క్లబ్ స్టోరీనే ఈ మూవీ. ఈ చిత్రంలో హనుమాన్‌ కైంద్, అనురాగ్ కశ్యప్, దిలీష్ పోతన్, విష్ణు అగస్త్య, వాణీ విశ్వనాథ్, సురభి లక్ష్మి కీలక పాత్రలు పోషిస్తున్నారు. ఈ మలయాళ చిత్రం జనవరి 16 నుంచి నెట్‌ఫ్లిక్స్‌లో అందుబాటులో ఉంటుంది. </p>
<p><strong>అయామ్ కథలన్ </strong><br />ఒక కళాశాల విద్యార్థి... తన మాజీ ప్రియురాలి తండ్రికి చెందిన కంపెనీ భద్రతా వ్యవస్థను హ్యాక్ చేయాలని డిసైడ్ అవుతాడు. మరి అతను అనుకున్నది చేయగలిగాడా? అసలు అలా చేయాలని ఎందుకు అనుకున్నాడు? అనేది తెరపై చూడాల్సిందే. ఈ చిత్రంలో నస్లెన్ కె. గఫూర్, అనీష్మా, లిజోమోల్ జోస్, వినీత్ వాసుదేవన్, సజిన్ చెరుకైల్ ముఖ్య పాత్రలు పోషిస్తున్నారు. ఈ మలయాళ చిత్రం మనోరమ మ్యాక్స్‌లో జనవరి 17 నుంచి స్ట్రీమింగ్ కానుంది. </p>
<p><strong>విడుతలై పార్ట్ 2 </strong><br />విజయ్ సేతుపతి, మంజు వారియర్, భవానీ శ్రీ, సూర్య సేతుపతి, రాజీవ్ మీనన్ ముఖ్య పాత్రలు పోషించిన ఈ మూవీ గత ఏడాది డిసెంబర్ లో థియేటర్లలో రిలీజైన సంగతి తెలిసిందే. ఈ తమిళ చిత్రం జనవరి 17 నుంచి జీ5 లో స్ట్రీమింగ్ కానుందని సమాచారం.</p>
<p>Also Read<strong>: <a title="టీడీపీ, జనసేనకు బుల్లి రాజు ప్రచారం... ఏపీ ఎన్నికల్లో వెంకీ కొడుకుగా నటించిన చైల్డ్ ఆర్టిస్ట్ రేవంత్ భీమల ఏం చేశాడో చూశారా?" href="https://telugu.abplive.com/entertainment/cinema/bulli-raju-in-sankranthiki-vasthunam-played-by-child-artist-revanth-once-campaigned-for-tdp-janasena-bjp-alliance-watch-video-194292" target="_blank" rel="noopener">టీడీపీ, జనసేనకు బుల్లి రాజు ప్రచారం... ఏపీ ఎన్నికల్లో వెంకీ కొడుకుగా నటించిన చైల్డ్ ఆర్టిస్ట్ రేవంత్ భీమల ఏం చేశాడో చూశారా?</a></strong></p>
<p><strong>పాతాళ్ లోక్ సీజన్ 2</strong> <br />ఐదేళ్ల ఎదురు చూపుల తర్వాత 'పాతాళ్ లోక్' రెండవ సీజన్‌ తెరపైకి రాబోతోంది. ఈ సిరీస్ లో జైదీప్ అహ్లావత్, గుల్ పనాగ్, నీరజ్ కబీ, ఇష్వాక్ సింగ్, స్వస్తిక ముఖర్జీ, అభిషేక్ బెనర్జీ, తిలోటమా షోమ్, నగేష్ కుకునూర్ ప్రధాన పాత్రలు పోషిస్తున్నారు. 'పాతాళ్ లోక్' సీజన్ 2 జనవరి 17 నుంచి అమెజాన్ ప్రైమ్ వీడియోలో స్ట్రీమింగ్ కానుంది. </p>
<p><strong>ది రోషన్స్ </strong><br />శశి రంజన్ దర్శకత్వం వహించిన ఈ డాక్యు-సిరీస్ భారతీయ సినిమాపై హృతిక్ రోషన్ ఫ్యామిలీ మూడు తరాల ప్రభావం ఎలా ఉంది? అనే విషయాన్ని ప్రేక్షకులకు చూపించనుంది. రోషన్ ఫ్యామిలీ విజయం, కష్టాలు, వారసత్వాన్ని ఇందులో చూడవచ్చు 'ది రోషన్స్' జనవరి 17న నెట్‌ఫ్లిక్స్ లో అందుబాటులో ఉంటుంది. </p>
<p>అలాగే జనవరి 17న ఆహాలో '<strong>రామ్ నగర్ బన్నీ</strong>' అనే తెలుగు మూవీ స్ట్రీమింగ్ కానుంది. </p>
<p>Also Read<strong>: <a title="కెరీర్‌లో ఒక్క ప్లాప్ కూడా చూడని బ్లాక్ బస్టర్ పొంగల్ డైరెక్టర్... అనిల్ రావిపూడి సక్సెస్ మంత్ర ఇదే" href="https://telugu.abplive.com/entertainment/cinema/anil-ravipudi-100-percentage-sankranti-hit-director-in-telugu-film-industry-know-his-success-mantra-deets-inside-194199" target="_blank" rel="noopener">కెరీర్‌లో ఒక్క ప్లాప్ కూడా చూడని బ్లాక్ బస్టర్ పొంగల్ డైరెక్టర్... అనిల్ రావిపూడి సక్సెస్ మంత్ర ఇదే</a></strong></p>
10 months ago
8 
