Old Age Pension: వృద్ధాప్య పెన్షన్ తీసుకునేవారు ఈ తప్పులు చేయకండి, లేకపోతే పింఛన్ కట్ అవుతుంది

<p>రిటైర్మెంట్ తర్వాత చాలా మంది వృద్ధులు పెన్షన్ మీద ఆధారపడి జీవిస్తుంటారు. ఇంటి ఖర్చు, విద్యుత్, నీటి బిల్లులు, మందుల ఖర్చు, రోజువారీ అవసరాలు అన్నీ దీనితోనే అడ్జస్ట్ చేసుకుంటారు. అలాంటి కీలక సమయంలో పెన్షన్ ఆగిపోతే వారి ఇబ్బందులు పెరుగుతాయి. చాలాసార్లు ఇది పెద్ద కారణాల వల్ల కాదు, చిన్న తప్పులు లేదా నిర్లక్ష్యం కారణంగా పెన్షన్ నిలిచిపోతుంది. పెన్షన్ తీసుకునే వృద్ధులు ఏ తప్పులు చేయకూడదో ఆ వివరాలు ఇక్కడ తెలుసుకుందాం, లేకపోతే వారి పెన్షన్ ఆగిపోవచ్చు.<br /><br /><strong>పెన్షన్ తీసుకునే పెద్దలు ఈ తప్పులు చేయకూడదు</strong></p> <p>వృద్ధుల పెన్షన్ ఆగిపోవడానికి ప్రధాన కారణం సకాలంలో అవసరమైన డాక్యుమెంట్లు సమర్పించకపోవడం ప్రధానమైనది. సాధారణంగా లైఫ్ సర్టిఫికెట్ సకాలంలో సమర్పించకపోతే ప్రభుత్వం పెన్షన్ నిలిపివేసే అవకాశముంది. లైఫ్ సర్టిఫికెట్ అనేది పెన్షన్ తీసుకునే వ్యక్తి ఇంకా జీవించి ఉన్నారని నిరూపించే డాక్యుమెంట్ అని తెలిసిందే. పెన్షన్ సరైన వ్యక్తికే అందుతోందని, ఎలాంటి మోసం జరగడం లేదని నిర్ధారించుకోవడానికి ప్రభుత్వం ప్రతి ఏడాది ఈ సర్టిఫికెట్ అడుగుతుంది. ఇంతకుముందు వృద్ధులు ఈ సర్టిఫికెట్ సమర్పించడానికి బ్యాంకులు లేదా ప్రభుత్వ కార్యాలయాల చుట్టూ తిరగాల్సి వచ్చేది. ఇప్పుడు ఈ పని చాలా తేలికైంది. ప్రతి సంవత్సరం నవంబర్ 1 నుండి నవంబర్ 30 మధ్య పెన్షనర్లు తమ లైఫ్ సర్టిఫికెట్ ప్రభుత్వానికి సమర్పించాలి. అలా చేయకపోతే, మీ పెన్షన్ వచ్చే నెల నుంచి ఆగిపోయే ప్రమాదం ఉంది.<br /><br /><strong>ఇంటినుంచే లైఫ్ సర్టిఫికెట్ ఎలా సబ్మిట్ చేయాలి</strong></p> <p>ఇప్పుడు వృద్ధులు లైఫ్ సర్టిఫికెట్ సమర్పించడానికి బ్యాంకుల క్యూలలో నిల్చోవాల్సిన అవసరం లేదు. ప్రభుత్వం ఈ ప్రక్రియను డిజిటల్ చేసింది. దీంతో మీరు ఇంట్లో కూర్చుని జీవన్ ప్రమాణ్ యాప్ ద్వారా మీ లైఫ్ సర్టిఫికెట్ సమర్పించవచ్చు. దీని కోసం మొబైల్ లేదా ల్యాప్టాప్ నుంచి ఆధార్ బయోమెట్రిక్ అథెంటికేషన్ చేయాలి. దీనితో పాటు పోస్టాఫీసు ఏజెంటును ఇంటికి పిలిపించి కూడా ఈ ప్రక్రియను పూర్తి చేయవచ్చు. ఈ విధంగా మీరు ఎక్కడికీ వెళ్లకుండా లైఫ్ సర్టిఫికెట్ పొంది, సబ్మిట్ చేయవచ్చు.&nbsp;<br /><br /><strong>ఈ డాక్యుమెంట్లు లేకపోతే పెన్షన్ ఆగిపోవచ్చు</strong></p> <ul> <li><strong>వయసు ఆధారాలు-</strong> లైఫ్ సర్టిఫికెట్తో పాటు పెన్షన్ ఆగిపోయేందుకు కారణమైన మరికొన్ని ముఖ్యమైన డాక్యుమెంట్లు కూడా ఉన్నాయి. వాటిలో వయసుకు సంబంధించిన రుజువు ఒకటి. దీని కోసం మీరు ఆధార్ కార్డ్, ఓటర్ ఐడి, రేషన్ కార్డ్, పుట్టిన తేదీ ధృవీకరణ పత్రం, పదవ తరగతి మార్కుల జాబితా, పాస్&zwnj;పోర్ట్ లేదా డ్రైవింగ్ లైసెన్స్ చూపించాల్సి ఉంటుంది.</li> <li><strong>అడ్రస్ ప్రూఫ్-</strong> మీ అడ్రస్ ప్రూఫ్ లేకపోయినా మీ పెన్షన్ ఆగిపోవచ్చు. చిరునామాకు సంబంధించిన ప్రూఫ్ కోసం మీరు ఆధార్ కార్డ్, విద్యుత్ బిల్లు, బ్యాంక్ పాస్&zwnj;బుక్ లేదా రేషన్ కార్డులలో ఏదైనా ఒక డాక్యుమెంట్ చూపించాల్సి ఉంటుంది.</li> <li><strong>బ్యాంక్ వివరాలు-</strong> బ్యాంక్ వివరాలు సరిగ్గా లేకపోయినా మీ పెన్షన్ ఆగిపోవచ్చు. పెన్షన్ వివరాలలో మీ బ్యాంక్ ఖాతా నంబర్, IFSC కోడ్, పాస్&zwnj;బుక్ కాపీ సరిగ్గా ఉండటం చాలా ముఖ్యం.</li> <li><strong>పెన్షన్ సంబంధిత సమాచారం-</strong> పెన్షన్&zwnj;కు సంబంధించిన సమాచారం సరిగ్గా లేకపోయినా పెన్షన్ ఆగిపోవచ్చు. అటువంటి పరిస్థితిలో PPO నంబర్ లేదా పెన్షన్ ID, ఆదాయ ధృవీకరణ పత్రం మీ వద్ద ఉండటం అవసరం.</li> </ul> <p>&nbsp;</p>