<p><strong>Nuvvunte Naa Jathaga Serial Today Episode </strong>హరివర్ధన్‌ మిథునను దూరం పెట్టమని దేవా దగ్గర మాట తీసుకుంటాడు. అందుకు మిథునకు విడాకులు ఇవ్వాలని కూడా దేవాతో చెప్తాడు. మామా అల్లుడి మధ్య ఏం జరిగిందో తెలియని ఇంటి సభ్యులు మిథున కాలికి దేవాతో మెట్టెలు తొడిగించాలని అనుకుంటారు. తాళి కట్టడం, నల్లపూసలు వేయడం ఇవేవీ దేవా ఇష్టప్రకారం జరగకపోవడం, ఇరు కుటుంబాలు లేకపోవడంతో ఈ తంతు ఇరు కుటుంబాల సమక్షంలో జరుగుతున్న మొదటి తంతు కావడంతో సత్యమూర్తి కుటుంబం మొత్తం హడావుడిగా సందడిగా అంగరంగ వైభవంగా గుడిలో కార్యక్రమం ఏర్పాటు చేస్తారు. మిథునతో ఆదిత్య దేవా నిన్ను మోసం చేస్తున్నాడు. దేవా నిన్ను వదిలేస్తాడు.. ముందే ఫిక్స్ అయిపో.. రాసి పెట్టుకో అని చెప్తాడు. దేవా అలా చేయడని కచ్చితంగా కార్యక్రమానికి వచ్చి నాకు మెట్టెలు తొడుగుతాడని చెప్తుంది. </p>
<p>హరివర్ధన్ దేవాని కలిసి మిథున మీ ఇంట్లో ఉంటే నీ కారణంగా తనకు ప్రమాదం ఏర్పడమే కాదు.. ఇలాంటి ఫంక్షన్లు ఏర్పాటు చేస్తారు. మీ బంధం మరింత బలంగా మారిపోతుంది. అందుకే రేపు మెట్టెల ఫంక్షన్‌లో నువ్వు విడాకుల పేపర్ల మీద సంతకం పెట్టాలి. మిథునతో పెట్టించాలి అని అంటాడు. దేవా మిథునకు దూరంగా ఉండటం తన వల్ల కాదని కావాలి అంటే చంపేయండి కానీ ఇంత పెద్ద శిక్ష వేయొద్దు అని విడాకుల పత్రాలు చింపేస్తాడు. దేవా వెళ్లిపోతుంటే హరివర్ధన్ ఆపి మెట్టెల తంతు జరిగితే కోనేటిలో దూకి చనిపోతా అని దేవాతో చెప్తాడు. దాంతో దేవా షాక్ అయిపోతాడు. ఏడుస్తూ వెళ్లిపోతాడు. <br /> <br />గుడికి వచ్చిన దేవాని మిథున ఆదిత్య దగ్గరకు వెళ్తుంది. ఆదిత్య ఏమన్నావ్ నువ్వు దేవా రాడా.. నాకు మెట్టెలు తొడగడా.. దేవా వచ్చాడు.. ఇప్పుడేమంటావ్.. దేవా మనసులో నేను లేనా.. దేవా మనసులో నేను లేనా.. నన్ను వదిలించుకోవడానికి నాటకాలు ఆడి మోసం చేస్తున్నాడా.. అసలు ఎలా అనగలిగావ్ ఆదిత్య నువ్వు ఆ మాటలు.. దేవా నన్ను మోసం చేస్తున్నాడు అనడానికి నీకు మనసు ఎలా వచ్చింది ఆదిత్య.. ఇందాక నువ్వు అలా మాట్లాడితే నాకు చాలా కోపం వచ్చింది. నువ్వు దేవా కోసం అలా అనకూడదు అని నోరుమూయించాలి అనుకున్నా. ఇప్పటికైనా నీకు అర్థమైందా నా నమ్మకం విలువ. నా నమ్మకానికి బలమేంటో తెలుసా దేవాకి నా మీద ఉన్న ప్రేమ అని మిథున దేవా గురించి చెప్తుంటే దేవా చాలా బాధపడతాడు. దేవా చేయి పట్టుకొని దేవా నన్ను వదిలిపెట్టడు. నాకు దూరం అవ్వాలి అనే ఆలోచన చేయడు అని మిథున మాటలకు దేవా చాలా బాధపడతాడు. </p>
<p>మెట్టెల కార్యక్రమం మొదలవుతుంది. పట్టు బట్టలతో దేవా మిథున పీటల మీద కూర్చొంటారు. అందరూ చాలా సంతోషపడతారు. మిథునకు దేవా తల్లిదండ్రులు, దేవాకి మిథున తల్లిదండ్రులు బట్టలు పెడతారు. అప్పుడే హరివర్ధన్ దేవా చెవిలో చెప్పింది గుర్తుంది కదా అని అంటాడు. పంతులు దేవా చేతికి మెట్టలు ఇచ్చి మిథునకు తొడగమంటాడు. దేవా మెట్టెలు పట్టుకొని ఏడుస్తూ వాటికి కింద పడేస్తాడు. అందరూ షాక్ అయిపోతారు. మిథున దేవాని నిలదీస్తుంది. దాంతో దేవా మిథునతో దారుణంగా మాట్లాడుతాడు. అసలు నిన్ను నేను భార్యగానే చూడటం లేదు. వద్దు అన్నా వెంట పడే ఆడదాన్ని ఏమంటారో నువ్వే ఆలోచించుకో అని దారుణంగా మాట్లాడటంలో మిథున ఏడుస్తూ వెళ్లిపోతుంది. దేవా కూడా చాలా ఏడుస్తాడు. ఇదే ఛాన్స్‌గా త్రిపుర దేవా కన్నవాళ్లని అవమానిస్తుంది. డబ్బు కోసమే సత్యమూర్తి ఇదంతా కొడుకుతో చేయించాడని రాహుల్ సత్యమూర్తి కాలర్ పట్టుకొని గొడవ పడి షర్ట్ చింపేస్తాడు. పరువు పోవడంతో సత్యమూర్తి కుప్పకూలిపోతాడు. </p>
<p>మిథున ఆదిత్య మాటలు దేవా మాటలు తలచుకొని బాధ పడుతుంటే హరివర్ధన్ వచ్చి కూతురి పక్కన కూర్చొంటాడు. ఇలాంటి టైంలో కన్నీరు కాదమ్మా జ్ఞానోదయం కావాలి.. నువ్వు అంటే ప్రేమ లేని చోట నువ్వు ఎంత ప్రేమ వెతుక్కున్నా నీకు జీవితం ఉండదమ్మా.. పెళ్లి అంటే ఇద్దరి ప్రమాణం.. ఒకరి తాపత్రయం కాదు.. ఇప్పటికైనా నువ్వు తెలుసుకుంటే మంచిది. ఇప్పటికైనా వాస్తవం అర్థం చేసుకో నీ జీవితానికి సంబంధించి సరైన నిర్ణయం తీసుకోమ్మా.. కన్నీటిని ఇక్కడితో వదిలేయకపోతే జీవితాంతం బాధ పడతావ్.. నువ్వు బాధ పడి మమల్ని బాధ పెట్టకు అని అంటాడు. మిథున చాలా ఏడుస్తుంది. </p>
<p>మిథున ఓ చోట బాధ పడుతూ ఉంటే సత్యమూర్తి తనకు జరిగిన అవమానం గుర్తు చేసుకొని కనీసం బట్టలు కూడా మార్చకుండా చిరిగిన బట్టలతోనే కూర్చొని ఉంటాడు. శారద సత్యమూర్తికి బట్టలు మార్చుకోమని చెప్తుంది. కాంతం అత్తతో షర్టు మార్చుకున్నంత మాత్రాన అంత మందిలో జరిగిన అవమానం మానిపోతుందా అని అంటుంది. దేవా వల్లే అడుగడుగునా నాన్నకి అవమానాలే అని రంగం అంటాడు. ఇంతలో దేవా ఇంటికి వస్తాడు. శారద దేవాని ఆపి కొట్టి ఎందుకు ఇలా చేశావ్ రా మాకు మళ్లీ కడుపు కోతని తనకి కన్నీటి కోతని ఇచ్చావ్ ఎందుకు ఇలా చేశావ్‌రా అని నిలదీస్తుంది. కలిసిపోయిన రెండు కుటుంబాలను మళ్లీ విడిపోయేలా ఎందుకు చేశావ్‌రా.. దేవత లాంటి నీ భార్యని అందరి ముందు ఎందుకురా అంతలా బాధ పెట్టావ్ అని అడుగుతుంది. దేవా ఏం మాట్లాడడు. </p>
<p>సత్యమూర్తి లేచి వెళ్లిపోతూ రక్తం మరిగిన పులి మారుతుందని నమ్మడం ఎంత తప్పో.. వీడు మారాడని నమ్మడం మన తప్పు అంతే అమాయకత్వం వీడిని ఎంత నమ్మితే అంత మోసపోవాలి.. కొన్ని సార్లు గుడ్డిగా నమ్మినందుకు మన మీద మనకే అసహ్యం వేస్తుంది. ఒక ఆడపిల్ల కన్నీటికి చాలా శక్తి ఉంది ఆ ఉసురు అంత తేలికగా వదిలి పెట్టదు అని చెప్పి వెళ్లిపోతాడు. ప్రమోదిని దేవాతో మిథున అంటే నీకు ఎంత ఇష్టమో వీళ్లకి తెలీదు కానీ నాకు తెలుసు.. మిథునని నువ్వు నా భార్య అనడం నేను విన్నాను.. మిథున కోసం అంత ఆరాట పడిన నువ్వు ఈ రోజు మెట్టెలు తొడక్కుండా తనని ఎందుకు అంతలా బాధపెట్టావ్ అని అడుగుతుంది. దేవా ఏం మాట్లాడకుండా ఏడుస్తున్న మిథునని చూసి మౌనంగా వెళ్లిపోతాడు. దేవా అద్దంలో చూసుకొని చా ఏం లైఫ్‌రా నీది అనుకొని చాలా ఏడుస్తాడు. </p>
<p>శారద బాధ పడుతుంటే మిథున యాక్టివ్‌గా వెళ్లి అత్తయ్యా ఏంటి అత్తయ్యా ఎందుకు ఇలా బాధ పడుతున్నారు అని అంటుంది. నవ్వులతో సంతోషాలతో నిండిపోవాల్సిన ఈ ఇళ్లు ఏడుపుతో నిండిపోయింది అని ఏడుస్తుంది. చిన్ని విషయానికి ఇంతలా బాధ పడతారా.. నన్ను దూరం చేసుకోవాలని దేవా అనుకుంటే నేను దూరం అయిపోతానా.. తను నన్ను ఎంత దూరం పెట్టాలి అనుకుంటే నేను అంత దగ్గరవుతా జరిగిన విషయం మీరు మర్చిపోండి..నాలా సంతోషంగా ఉండండి అని చెప్తుంది. ఆయన మనసులో నాకు భార్య స్థానం ఉంది.. నా మీద ప్రేమ ఉంది కానీ ఏదో సంఘటన తనని ఆపేసింది అదేంటో తెలుసుకోవాలి తెలుసుకుంటా అని ప్రమోదిని, శారదలతో చెప్తుంది. </p>
<p>లలిత జరిగింది అంతా తలచుకొని బాధ పడుతుంది. అలంకృత తల్లిని ఓదార్చుతుంటే రాహుల్, త్రిపురలు రౌడీ భారీ నుంచి మన మిథున సేవ్ అయిందని సంతోషించమని అంటారు. దేవా డబ్బు కోసం ఏం చేయడు..స్వార్థపరుడు కాడు. ఎప్పుడో మిథునకు మనస్ఫూర్తిగా భార్య స్థానం ఇచ్చేశాడు. కానీ హాస్పిటల్‌లో నుంచే ఏదో జరిగింది.. అందుకే మిథునని దూరం పెడుతున్నాడు అని లలిత అంటే అంత కంటే మూర్ఖత్వం మరొకటి ఉండదు అని హరివర్ధన్ అంటాడు. దేవాకి నిజంగా మిథున మీద ప్రేమ ఉండుంటే ఆ రోజే చెప్పేవాడు. ఇలా ఇంటికి రాగానే ప్రేమ మొదలైందా ఏదో ఇన్‌టెన్షన్‌తోనే ఇంటికి వచ్చాడని అలాంటి వాడితో మన మిథునకు ఎప్పటికైనా ప్రమాదమే వాడి అంత వాడు వెళ్లి పోవడం మంచిదైంది.. ఇప్పటికైనా మిథునని వచ్చేయమని చెప్పు అని హరివర్ధన్ అంటాడు. </p>
<p>మిథున దేవా కోసం వంట చేసి దేవా రావడంతో తినడానికి పిలుస్తుంది. దేవా వెళ్లిపోతుంటే మిథున చేయి పట్టుకుంటుంది. చేయి వదులు అని దేవా అంటే పట్టుకున్నది జీవితాంతం వదలకుండా ఉండటానికి తినకపోతే రెండు వేసి అయినా తినిపిస్తా అని దేవాని తీసుకెళ్లి వడ్డిస్తుంది. దేవా మిథునని అలా చూస్తూ ఉంటాడు. ఎంత అందంగా ఉంటే మాత్రం అలా చూపులతో తినేస్తావా నాకు సిగ్గేస్తుంది అని మిథున అంటుంది. నిన్ను వెళ్లిపోమన్నా వెళ్లడం లేదని ఎందుకు అని దేవా అంటాడు. దానికి మిథున నువ్వేంటో తెలీనప్పుడే నువ్వు వెళ్లమంటే పోలేదు.. ఇప్పుడు నీ గురించి నాకు తెలుసు.. నీ మీద నాకు మనసు నిండా ప్రేమ ఉంది.. నీ గుండెల నిండా నా మీద ప్రేమ ఉంది.. మరి ఇప్పుడు నిన్ను వదిలేసి ఎలా వెళ్లిపోతా మొగుడ్స్ అని అంటుంది. ఈ జన్మకి నువ్వే నా భర్తవి.. ఇదే నా మెట్టెనిల్లు నేను నిన్ను వదిలేసి వెళ్లే ప్రసక్తే లేదు. నువ్వు కూడా ఫిక్స్ అయిపో.. అని అంటుంది. దేవా మందు తాగుతూ మిథున మాటలు తలచుకొని ఏడుస్తాడు. మిథున నువ్వు మనసులో సముద్రం అంత దుఃఖాన్ని మోస్తూ పైకి నవ్వుతున్నావు అని నాకు తెలుసు నేను అంతే నీపై సముద్రం అంత ప్రేమ ఉన్నా పైకి నీ మీద కోప్పడుతున్నా.. నీకు ఎలా దూరం కావాలో అర్థం కావడం లేదు ఐలవ్‌యూ మిథున అని అంటాడు. </p>
<p>గతంలో దేవా మీద కన్నేసిన నేత్ర దేవాకి కాల్ చేసి భయపడుతూ మా ఇంట్లోకి ఎవరో అనుమానాస్పద వ్యక్తి ఉన్నట్లు ఉన్నాడని దేవాని రమ్మని పిలుస్తుంది. దేవా రాగానే నేత్ర కావాలనే దేవాని చుట్టు తిప్పించి హగ్ చేసుకుంటుంది. కమింగ్ బ్యాక్‌లో దేవా తన మీద అత్యాచార ప్రయత్నం చేశాడని తనని పాడు చేయాలని చూశాడని పోలీసులకు కంప్లైంట్ ఇచ్చి అందరిని పిలిచి రచ్చ చేస్తుంది. ఇది ఈ వారం హైలెట్స్. </p>
2 months ago
3 
