<p><strong>Nuvvunte Naa Jathaga Serial Today Episode </strong>దేవా మిథున నడుం చూడటంలో మిథున దేవాతో ఓ భార్యని భర్త ఎలా చూడాలో అలా చూశావ్.. నీలో మెల్లగా మార్పు వచ్చేస్తుంది. నీలోంచి భర్త మెల్లగా బయటకు వచ్చేస్తాడు. త్వరలోనే నీలో పరిపూర్ణ భర్త వచ్చేస్తాడు అని అంటుంది. నీ మనసులో నేను ఉన్నాను ఐలవ్యూ మిథున అని చెప్పొచ్చు కదా ఏం మాయరోగం అని మిథున అడుగుంది. </p>
<p>దేవా ఏం మాట్లాడకుండా అద్దం మీద రెండు గీతలు పక్కపక్కనే గీసి మనం రైలు పట్టాలు లాంటి వాళ్లం కలిసి సాగుతాం కానీ ఎప్పటికీ కలవలేం అని అంటాడు. మిథున ఆ గీతల్లో ఒక గీత చెరిపేసి నిన్ను నా ట్రాక్‌లోకి ఎలా తీసుకురావాలో నాకు తెలుసు అని అనుకుంటుంది. </p>
<p>శ్రీరంగం కళ్ల మీద దోసకాయ ముక్కలు పెట్టుకొని ఉంటే కాంతం పువ్వులు, పసుపు అన్నీ తీసుకొచ్చి శ్రీవారు మీ కాళ్లు ఇవ్వండి పాద పూజ చేసుకోవాలి అని భర్తే నమః, నగలు కొనేవాడు నమః, డబ్బులు ఇచ్చేవాడు. షాపింగ్‌లకు తీసుకెళ్లే వాడు అని కాళ్లకు పూజ చేస్తుంది. హారతి ఇస్తూ కాళ్లు కాల్చేస్తుంది. రంగం చుట్టూ తిరుగుతూ పూజలు చేస్తుంది. మొత్తానికి పూజల పేరుతో రంగం ముఖం నల్లగోడలా మార్చేస్తుంది. </p>
<p>దేవా, మిథున, శారద గుడికి వస్తారు. ఇప్పుడెందుకు అమ్మ అని దేవా అడిగితే నీకు అన్నప్రాసన చేయాలని తీసుకొచ్చా అని అంటుంది. హా అని దేవా షాక్ అయిపోతాడు. నీ భార్య మొక్కుకుందిరా అని అంటుంది. నాకు పని ఉంది నేను వెళ్లుపోతా అని దేవా అంటే ఎక్కడికి వెళ్తావ్ ఆగరా అని శారద ఉంచుతుంది. </p>
<p>గుడిలో ఒకామె మెట్ల పూజ చేస్తుంటే మిథున చూసి దేవా కోసం కూడా మిథున మెట్లకు పసుపు కుంకుమ రాయాలని అనుకుంటుంది. అత్తయ్యతో చెప్పి చేస్తానని అంటుంది. నీకు అంత సీన్ లేదు నువ్వు చేయలేవ్ రెండు మెట్లకు చేయగానే కళ్లు తిరిగి పడిపోతావ్.. మీ ఇంట్లో చాలా సుకుమారంగా పెరిగావ్ మా ఇంట్లో ఒక్క బిందె నీరు మోయడానికే అష్టకష్టాలు పడతావ్ అన్ని మెట్లకు పూజ అంటే నీ పని అయిపోతుంది అని దేవా అంటాడు. దానికి మిథున ప్రాణం పోయినా నీ కోసం చేస్తా అని అంటుంది. దేవా అలా చూస్తూ ఉండిపోతాడు.</p>
<p>మిథున వెళ్లగానే శారద దేవాని కూడా తోడు వెళ్లమని చెప్తుంది. దేవా వెళ్లను అంటే నీ కోసం అంత తపన పడే భార్య దొరకడం నీ అదృష్టంరా అని పంపిస్తుంది. మిథున దేవాతో ఒక మనిషికి అన్నింటి కన్నా కష్టమైన పని ఏంటో తెలుసా ప్రేమను మనసులో దాచడం.. ఎంత దాచుకోవాలి అనుకున్నా ఆ ప్రేమ ఎప్పుడో ఒకప్పుడు ఇలా బయట పడిపోతుందని అంటుంది. ఎందుకు నీకు ఇంత శ్రమ అని దేవా అంటే ఒక మనిషి మీద ప్రేమ ఇంటేనే వాళ్ల కష్టం కనిపిస్తుంది. నా మీద ఇంత ప్రేమ ఉంచుకొని మా నాన్నకి ఇచ్చిన మాట కోసం ఎందుకు దాన్ని చంపుకుంటావ్ అని మిథున దేవాని అడుగుతుంది. నీ రౌడీయిజం వల్ల నా ప్రాణాలకు ఏమైనా అవుతుంది అనే భయం ఉండి అలా మాట తీసుకున్నారు మరి నువ్వు ఆ భయం నాన్నలో పోగొట్టాలి కానీ ఇలా ప్రేమని చంపుకోవడం ఏంటి దేవా అని అడుగుతుంది. </p>
<p>దేవా లేచి వెళ్లిపోతుంటే మిథున చేయి పట్టుకొని ఆపుతుంది. నన్ను వదిలేసి కాదు నా ప్రేమని వదిలేసి నువ్వు వెళ్లలేవు అని అంటుంది. ఇక మిథున మెట్లకు పసుపు రాస్తుంటే దేవా ఓ చోట ఆగిపోతాడు. మిథున దేవాకి పసుపు రాస్తే దేవా మిథునకు కుంకుమ రాస్తాడు. ఇక మిథున దేవాని పిలిచి నా బంగారం కదా అంటే దేవా మిథున చూడకుండా నవ్వుకుంటాడు. దేవా మిథున దగ్గరకు వెళ్తుంటే ఓ వ్యక్తి వెళ్తూ మీద పువ్వులు విసిరేస్తాడు. లలిత, హరివర్ధన్‌ని తీసుకొని గుడికి వెళ్తుంది. దేవా పని ఉందని వెళ్లిపోతా అంటే మిథున వద్దు అంటుంది. ముడుపు కడతాను అని చెప్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
1 month ago
2 
