<p><strong>Nuvvunte Naa Jathaga Serial Today Episode </strong>మిథున ఇంటి నుంచి వెళ్లిపోవాలని నిర్ణయించుకుంటుంది. కాంతం మిథునకు తాళి తీసి ఇవ్వమని అంటుంది. దేవా కూడా ఇచ్చేయమని అంటాడు. కాంతం మిథున తాళి పట్టుకొని తెంపేయడానికి ప్రయత్నిస్తే శారద వచ్చి తాళి మీద చేయి తీయకపోతే చేయి విరిచేస్తా అని అంటుంది. దాంతో కాంతం తాళి ఇవ్వకపోతే మళ్లీ వచ్చేస్తుందని అంటుంది.</p>
<p>దేవా కూడా తాళి తీయకపోతే తను ఆ తాళి అడ్డుపెట్టుకొని నన్ను బ్లాక్మెయిల్ చేస్తుందని అంటాడు. తనకు నీ అంత తెలివి లేదులేరా అని శారద అంటుంది. తండ్రిని కాపాడమని ప్రాదేయపడితే ఇంటి నుంచి వెళ్లిపోమని బ్లాక్ మెయిల్ చేయడం నీకు మాత్రమే తెలుసురా తనకు తెలీదు.. తనకు మోసం చేయడం తెలీదు.. అన్నింటికంటే ముఖ్యంగా ఒక భార్యగా తాళి తన హక్కు అది తెంచేయడం నీకే కాదు ఆ దేవుడికి కూడా లేదు అని శారద అంటుంది. </p>
<p>మిథున శారద దగ్గరకు వెళ్లి మిమల్ని అమ్మా అని మనసారా అనుకున్నా.. నేను ఎక్కడ ఉన్నా,, ఎంత దూరంలో ఉన్నా మీరు పంచిన ప్రేమని మిమల్ని మర్చిపోలేను అమ్మా అని ఏడుస్తుంది. శారద దగ్గర ఆశీర్వాదం తీసుకుంటుంది. వాడు అదృష్టాన్ని చేతులారా దూరం చేసుకుంటున్నాడు.. వాడి మూర్ఖత్వానికి దురదృష్టానికి బాధ పడటం కంటే ఏం చేయలేని తల్లిగా మిగిలిపోయానమ్మా అని శారద ఏడుస్తుంది. </p>
<p>మిథున బ్యాగ్ తీసుకొని సత్యమూర్తి దగ్గరకు వెళ్తుంది. మీరు నన్ను కన్న కూతురిలా చూసుకున్నారు. ఈ ఇంటితో నాకు బంధం తెగిపోవచ్చు కానీ మీతో నాకు ఎప్పటికీ బంధం తెగిపోదు అని ఆశీర్వాదం తీసుకుంటుంది. అందరూ బాగుండాలి అనుకునే నీ జీవితం ఎప్పటికీ బాగుంటుంది అమ్మా అని సత్యమూర్తి చెప్పి డీలా పడిపోతాడు. మిథున తర్వాత ప్రమోదిని ఆనంద్‌లకు కూడా చెప్తుంది. బావ అక్కని బాగా చూసుకోండి మంచిగా జాబ్ చేసుకోండి.. పాపని మీ దగ్గరకు తీసుకొచ్చి బాగా చదివించండి అని చెప్తుంది. కాంతం దగ్గరకు వెళ్లి కూడా చెప్తుంది కానీ కాంతం మాత్రం గడుసుగా మాట్లాడుతుంది. మిథున ఏడుస్తూ దేవాని చూస్తూ గుమ్మం దాటుతుంది. దేవాతో తను గడిపిన అన్ని క్షణాలు గుర్తు చేసుకొని ఏడుస్తుంది. వెళ్తూ వెళ్తూ దేవాని చూస్తుంది. దేవా కూడా ఏడుస్తాడు. మిథున చూసే టైంకి ముఖం తిప్పేస్తాడు. కానీ మిథున వెనకే వెళ్తాడు. </p>
<p>దేవా మిథునని చూసి నీ మీద ఎంత ప్రేమ ఉన్నా ఆపలేకపోతున్నా అని అనుకుంటాడు. కాంతం భానుమతి దగ్గరకు పరుగున వెళ్లి మిథున దేవాల కండీషన్ చెప్పి మిథున శాశ్వతంగా ఇంటి నుంచి వెళ్లిపోయిందని చెప్తుంది. ఇద్దరూ సంతోషంగా మాస్ డ్యాన్స్ చేస్తారు. భాను గుడ్ న్యూస్ చెప్పినందుకు కాంతానికి డబ్బు ఇస్తానని పది వేలు తీసి పది రూపాయల నోటు ఇస్తుంది. కాంతం ముఖం మాడిపోతుంది. ఇక హరివర్థన్, లలిత, అలంకృత సంతోషంగా మాట్లాడుకుంటారు. అక్క సంతోషంగా మిమల్ని చూడటానికి వస్తుంది అని అలంకృత అంటుంది. అప్పుడే మిథున పుట్టింటికి వచ్చేస్తుంది. మిథునని చూసి అందరూ హరివర్థన్‌ని చూడటానికి వచ్చిందన సంబర పడిపోతారు. కానీ మిథున డల్‌గా గుమ్మం ముందు నిల్చొంటుది. దీంతో ఇవాళ్టి ఎపిసోడ్ పూర్తయిపోతుంది. </p>
4 weeks ago
2 
