<p><strong>Nuvvunte Naa Jathaga Serial Today Episode </strong>భాను దేవాతో తన పెళ్లి జరగబోతుందని చాలా చాలా సంబరపడిపోతుంది. ఇక మిథునని తీసుకొని రిషి బయటకు వెళ్తాడు. మిథునని నవ్విస్తాడు. నీ నవ్వు చాలా బాగుందని చెప్తాడు. ఎప్పుడూ నవ్వుతూ ఉండు మిథున అని చెప్తాడు. </p>
<p>రిషి మిథునతో మాట్లాడుతూ అటుగా వస్తున్న భాను ఆటోని ఢీ కొడుతుంది. భాను కారు దిగరా అంటూ రిషితో గొడవ పడుతుంది. మిథున భానుని చూసి భాను అని అనుకుంటుంది. భాను రిషి ఇద్దరూ గొడవ పడతారు. రాంగ్ రూట్‌లో వచ్చావ్ అని రిషి అంటాడు. ఇది మా ఏరియా ఎలా అయినా వస్తాను అని భాను అంటే మిథున వచ్చి మీ ఏరియా అయితే నీకు ఇష్టం వచ్చినట్లు వస్తావా అంటుంది. మిథునని చూసి భాను షాక్ అయిపోతుంది. </p>
<p>మిథున భానుని మాటలు అంటున్నా భాను రిషి, మిథునని పక్క పక్కనే చూసి అలా ఉండిపోతుంది. భానుకి విషయం అర్థమైపోయి ఎవరు సార్ మీరు తను మీకు ఏం అవుతుంది అని అంటుంది. తను నాకు కాబోయే భార్య అని రిషి చెప్పగానే భానుకి మరోసారి షాక్ తగులుతుంది. తను పెళ్లికి ఒప్పుకున్నారా సార్ అంటుంది. నీకు ఏమైనా పిచ్చా తను ఒప్పుకుంటే కదా పెళ్లి జరిగేది అని రిషి అంటాడు. భాను సంతోషంతో రిషికి సారీ చెప్పి నేనే రాంగ్ రూట్‌లో వచ్చా క్షమించండి అని మీ జంట సూపర్‌గా ఉంటుంది సార్ అని చెప్తుంది. సార్ ఒక్క సారి మీతో సెల్ఫీ తీసుకుంటా.. మీ జంట నాకు సెలబ్రిటీ జంటలా కనిపిస్తుంది అని అంటుంది. దాంతో రిషి సరే అంటాడు. భాను సెల్ఫీ తీసుకుంటుంది. </p>
<p>రిషి వాళ్లు వెళ్లిపోయిన తర్వాత భాను డ్యాన్స్ చేస్తుంది. ఇక షెడ్‌లో దేవా భర్త్‌డేకి కేక్ రెడీ చేస్తారు. దేవాన డల్‌గాఉంటే దేవాని పిలిచి కేక్ కట్ చేయించడానికి ఒప్పిస్తారు. దేవా కట్ చేసే టైంకి రిషి, మిథున అక్కడికి వస్తారు. మిథునని చూసి దేవా బాధ పడతాడు. మిథున కన్నీరు పెట్టుకుంటుంది. రిషి మిథునని దేవా దగ్గరకు రమ్మని పిలుస్తాడు. ఇద్దరూ ఒకర్ని ఒకరు చూసుకుంటారు. రిషి మిథునతో నా ఫ్రెండ్‌కి భర్త్‌డే విష్ చేయ్ అంటాడు. హ్యాపీ భర్త్‌డే అని మిథున అంటే రిషి షేక్‌హ్యాండ్ ఇచ్చి చెప్పమని అంటాడు. మిథున దేవాకి షేక్ హ్యాండ్ ఇచ్చి హ్యాపీ భర్త్‌డే అని చెప్తుంది.</p>
<p>దేవా తన ఫ్రెండ్స్‌తో రిషిని పరిచయం చేస్తాడు. ఇక రిషి మిథునని పరిచయం చేస్తాడు. మాఇద్దరికీ త్వరలో పెళ్లి అని చెప్తాడు. దేవా ఫ్రెండ్స్ నోరెళ్లబెడతారు. వదినా నీకు పెళ్లా అని అడిగేస్తారు. అందరూ షాక్ అయిపోతారు. రిషి వాళ్లతో మీకు ఇప్పుడే కదా తనని పరిచయం చేశా ఎప్పుడో తెలిసినట్లు వదినా అన్నావ్ అంటే మీరు మాకు అన్న కదా అందుకే తనని వదినా అన్నాను అంటారు. ఇక దేవా కేక్ కట్ చేస్తాడు. మిథునకు కూడా కేక్ తినిపిస్తాడు. మిథున కూడా కేక్ తినిపిస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
1 week ago
1 
