<p><strong>Nuvvunte Naa Jathaga Serial Today Episode </strong>దేవా మిథునని తీసుకురావడంతో భాను జీవితం నాశనం అయిపోయిందని దేవా ఇచ్చిన మాట మీద నిల్చోలేదని.. తన పరువు అంతా పోయిందని సత్యమూర్తి చాలా బాధ పడతారు. జరిగింది ఏదో జరిగిపోయింది వదిలేయ్‌రా అని బామ్మ చెప్తుంది. ఏంటమ్మా వదిలేసేది.. ఇన్నాళ్లు వీడికి తండ్రి మాట అంటేనే విలువ లేదు అనుకున్నా కానీ ఆడపిల్లల జీవితాలు అన్నా లెక్క లేదని ఈ రోజే తెలిసింది. పీటల మీద పెళ్లి ఆగిపోతే ఓ ఆడపిల్లకి ఎంత బాధ ఉంటుంది.. నలుగురిలో నవ్వుల పాలు అయినందుకు ఎంత మానసిక క్షోభ అనుభవిస్తుంది.. ఆ బాధ తట్టుకొని వాళ్లు బతకగలరా అని అంటారు.</p>
<p>దేవా నాన్న అని అంటే ఛీ నువ్వు నాతో మాట్లాడకు.. దీవించడానికి వచ్చిన వాళ్లు అంతా నువ్వు చేసిన దరిద్రపు పనికి నా మీద ఉమ్మేసి వెళ్తారురా అని అంటాడు. నాన్న తప్పు నాదే అని దేవా అంటే నీకు కాదురా తప్పు అంతా మాదేరా.. నీకు జన్మనివ్వడం మా మొదటి తప్పురా అని శారద ఏడుస్తుంది. రౌడీగా ఉన్నా నా కొడుకు ఏదో రోజు మారుతాడు అని చూడటం మా రెండో తప్పురా.. నీ గురించి తెలిసి కూడా భానుతో నీ పెళ్లిని ఇక్కడి వరకు తీసుకొచ్చాం చూడు అదిరా అన్నింటి కంటే పెద్ద తప్పు.. ఇన్ని తప్పులు చేసినందుకు మా చెప్పుతో మేమే కొట్టుకోవాలి అని ఏడుస్తుంది. అమ్మ నువ్వే అర్థం చేసుకోకపోతే ఎవరు అర్థం చేసుకుంటారు అని అంటాడు దేవా.. </p>
<p>శారద ఏడుస్తూ అర్థం చేసుకున్నారా.. నువ్వు ఈ అమ్మని పిచ్చిదాన్ని చేశావని బాగా అర్థం చేసుకున్నా.. నిన్ను వెనకేసుకొచ్చి మీ నాన్నతో గొడవ పడేదాన్ని.. ముగ్గురు కొడుకుల్లో నువ్వే గొప్పోడివి అని అందరికీ చెప్పుకునేదానిరా,,అందుకు గొప్ప గుణపాఠం చెప్పావురా.. ఛీ ఏం బతుకురా నీది.. ఏం పాపం చేస్తే మా కడుపున పుట్టావురా.. అని చాలా ఏడుస్తుంది. అమ్మ ద్వేషిస్తే నేను భరించలేను అమ్మా అని దేవా అంటే నీ మాటలతో నన్ను ఇన్నినాళ్లు మభ్యపెట్టింది చాలురా ఇంకా పిచ్చిదాన్ని చేయకురా.. మా పరువు కంటే మా అందరి కంటే నీకు ఈవిడే ఎక్కువైపోయింది కదా.. అందుకే మాకు నువ్వు కూడా అక్కర్లేదు..వెళ్లరా వెళ్లిపో,, ఈవిడను తీసుకొని మాకు దూరంగా వెళ్లిపోయి..నీకు ఇష్టం వచ్చినట్లు ఊరేగరా.. వెళ్లు.. అని శారద అంటుంది. </p>
<p>బామ్మ శారదతో వాళ్లని ఇంటికి రావొద్దు అంటావేంటి బుద్ధి లేకుండా అని అంటుంది. శారద చెప్పింది కరెక్టే అమ్మా.. కన్నతండ్రి పరువుకి గౌరవం ఇవ్వని కొడుకు నాకు కూడా భరువే.. కన్నతండ్రి మాటకు విలువ ఇవ్వని కొడుకు నాకు అక్కర్లేదు అని సత్యమూర్తి చెప్తాడు. నన్ను మాట్లాడనివ్వండి మామయ్య అని మిథున అంటే ఇది నీకు సంబంధం లేని విషయం నువ్వు మాట్లాడకు.. వాడితో నిజంగా నీకు బతకాలి అని ఉంటే నువ్వు వాడు పొమ్మన్నా పోయేవాడివి కాదు.. వేరే వాడితో పెళ్లికి రెడీ అయ్యేదానివి కూడా కాదు.. పది నిమిషాలు ఆగుంటే నీ మెడలో ఎవరో తాళి కట్టేవాళ్లు.. నువ్వు మాకు నీతులు చెప్పకు.. అని అంటారు. నాన్న మిథున తప్పు లేదు మిథునని ఏం అనొద్దు అని దేవా అంటాడు.</p>
<p>శారద కొడుకుతో మేం తన మీద నిందలు వేస్తున్నామా.. షభాష్‌రా.. మా పరువు పోయినా మీకు పర్లేదు. మీ ఇద్దరూ బతకాలి అనుకున్నారు కదా.. మీ బతుకు బతకండి అని అంటుంది. సత్యమూర్తి తల్లితో వీళ్లు ఇలా చేస్తారు అని నీకు ముందే తెలుసు కదా.. అందుకే గుండె పోటు నాటకం ఆడావు. ఇంకా వాళ్లని వెనకేసుకొచ్చి తల్లి మీద గౌరవం పోగొట్టుకోకు.. ఓరేయ్ ఈ జన్మలో నువ్వు నీ ముఖం నాకు చూపించకు.. ఈ రోజుతో నా చిన్న కొడుకు చచ్చిపోయాడు అనుకుంటా.. ఒకవేళ నేను చచ్చిపోతే నా శవాన్ని కూడా చూడటానికి కూడదు అని సత్యమూర్తి చెప్పి ఫ్యామిలీని తీసుకొని వెళ్లిపోతాడు. </p>
<p>మిథున దేవాని చూసి చాలా ఏడుస్తుంది. దేవా మిథున చేయి ఏం కాదు అన్నట్లు తలూపుతాడు. తర్వాత ఇద్దరూ గుడి ఆవరణలో కూర్చొని ఒకరికి ఒకరు కుంకుమ పెట్టుకుంటారు. దేవా మిథునతో నమ్మకంతో నేను కట్టిన తాళి నీ మెడలో ఉంచుకున్నాయని అడుగుతాడు. తెలీదు.. కానీ ఏదో శక్తి అలా ఆపిందని.. ఒక వైపు దేవుడి మీద నమ్మకం మరోవైపు మన ప్రేమ నమ్మకం అవే నా మెడలో తాళి తీయకుండా ఉంచేలా చేశాయని అంటుంది. చాలా గిల్టీగా ఉంది.. అసలు నేను నీకు తగినవాడినేనా.. నీ చదువు, నీ కుటుంబం ఎందులోనూ నేను నీకు సరిపోను.. మరి నువ్వు నన్ను ఎలా ప్రేమించావు అని అడుగుతాడు. ఎప్పుడు ఎందుకు మొదలైందో తెలీదు.. కానీ నువ్వే ప్రాణం అన్నంతగా ప్రేమ పెరిగి పోయింది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/actor-nandu-singer-geetha-madhuri-children-names-family-details-wedding-date-revealed-232800" width="631" height="381" scrolling="no"></iframe></p>
<p>దేవా మిథునతో మొదట్లో నువ్వు నాకు నచ్చలేదు.. నువ్వు మా మెడలో తాళి కట్టినందుకు పగ తీర్చుకోవడానికి వచ్చా కానీ ప్రేమ పుట్టేసింది అని చెప్తుంది. ఇద్దరూ ప్రేమగా మాట్లాడుకుంటారు. దేవా మిథున చేయి పట్టుకొని నువ్వు నమ్మిన పార్వతి పరమేశ్వరుల సాక్షిగా నిండు గుడిలో చెప్తున్నా కలలో కూడా నీ చేయి వదలను.. ఈప్రాణం పోయే వరకు నిన్నే ప్రేమిస్తూ ఉంటాను.. మన జీవితాన్ని మనం హాయిగా గడుపుదాం.. ఇక మన జీవితంలో కష్టాలు ఉండవు.. అన్నీ సంతోషాలే అని దేవా చెప్తాడు. ఇంతలో అక్కడే ఉన్న అమ్మవారి ఉపాశకురాలు వాళ్లతో బాధలు పోయావి జీవితం కొత్తగా సంతోషంగా గడపాలి అనుకుంటున్నారా.. నీకు తనతో తనని నీతో ఆ పరమేశ్వరుడు ఎప్పుడో ముడి వేశాడు. ఇక నుంచి మీ జీవితంలో ఎన్నో ఊహించని పరిణామాలు ఇప్పటి నుంచే మొదలవుతున్నాయి.. వాటిని ఎదుర్కోవడానికి మీకు అంత ధైర్యం ఉందని అనుకుంటున్నారా.. అని అడుగుతుంది. దేవా మిథున చేయి పట్టుకొని నా భార్య నా పక్కనే ఉన్నంత వరకు యుద్ధమే వచ్చినా సరే ఎదుర్కొంటా అని అంటాడు. దీంతో ఇవాళ్టి ఎపిసోడ్ పూర్తయిపోతుంది. </p>
3 months ago
6 
