<p><strong>Nuvvu leka Neanu Lenu Serial Today Episode</strong>: స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది.శీనయ్య కేసులో రహస్యంగా విచారణ చేపడుతున్న విక్కీ...తన గన్‌ జైలులో మర్చిపోయానని గుర్తించి జైలర్‌ను పట్టుకుంటాడు. ఆరోజు నా గన్‌ తీసుకెళ్లి ఎవరికి ఇచ్చావో చెప్పమని కొడతాడు.తనకు ఏ పాపం తెలియదని భార్యాబిడ్డలపై ఒట్టేసి చెప్పడంతో వదిలిపెడతాడు. ఖచ్చితంగా ఈ కేసు వెనక ఎవరున్నారో తేలుస్తానని హెచ్చరిస్తాడు.ఇదంతా తెలుసుకున్న భవానీశంకర్‌, దమయంతి ఇద్దరూ భయపడతారు. విక్రమ్ ఈ కేసువదిలిపెట్టేలా లేడని వెంటనే మనం శీనయ్య డెడ్‌బాడీ కనిపెట్టాలని అనుకుంటారు.<br /><strong>ప్రియాతో పిండి రుబ్బించిన రాధ</strong><br /> పద్మావతి వచ్చి ఇడ్లీ బాబాయితో పిండి రుబ్బించమని చెప్పి వెళ్లగా...విక్కీని ఎలాగైనా ఇక్కడి నుంచి తరిమికొట్టాలని రాధ ప్లాన్ వేస్తుంది.వెళ్లి పిండి రుబ్బమని ఆర్డర్ వేస్తుంది.విక్రమ్ సరేనంటూ వెళ్లి రోటిలో ఇడ్లీ పిండి రుబ్బుతూ వేలు అందులో పెట్టేస్తాడు.వేలు నలిగి రక్తంరావడంతో రాధ తల్లడిల్లిపోతుంది. వెంటనే పసుపు వేసి కట్టుకడుతుంది.రాధ కళ్లల్లో కన్నీళ్లు చూసి విక్రమ్‌ కూడా బాధపడతాడు.నామీద ఇంత ప్రేమ ఉంచుకుని ఎందుకు రాధ భయటపడటం లేదని అంటాడు. ప్రేమలేదు గీమలేదని రాధ అంటుంది. నీరక్తం పిండిలోపడితే పిండి పాడవుతుందని కట్టుకట్టానని అంటుంది. ఇంతలో ప్రియా అక్కడికి వచ్చి రాధ హోటల్‌లో ఉన్న కూర్చీలు,టేబుళ్లు అన్ని విరగ్గొడుతుంది. మా బావతోనే పిండి రుబ్బిస్తావా నీ సంగతి చూస్తానని అంటుంది. ఇది నీఇల్లుకాదని...నా అడ్డా అని రాధమ్మ అంటుంది. మర్యాదగా ఇవన్నీ కిందపడేసినందుకు నువ్వే ఇప్పుడు పిండి రుబ్బాలంటూ ప్రియాతో రాధ పిండి రుబ్బిస్తుంది.<br /><strong>జైలర్‌ను కొట్టి బెదిరించిన విక్కీ</strong><br /> భవానీశంకర్‌ మనుషులు 24 గంటలూ విక్కీని అనుసరిస్తుంటారు. వాడు ఏం చేస్తున్నాడురా అంటూ భవానీశంకర్‌ వాళ్లకు ఫోన్ చేసి కనుక్కుంటాడు. ఎప్పుడూ చూసినా స్టేషన్ దగ్గర ఉన్న హోటల్‌లోనే పనిచేస్తున్నాడని...అప్పుడప్పుడు బయటకు వచ్చి ఎవరికోసమే వెతుకుతున్నాడని చెబుతారు.అప్పుడే జైలర్‌ అటు నుంచి రాగా..విక్రమ్ కృష్ణ అతన్ని ఆపుతాడు.వాళ్లు ఏం మాట్లాడుకుంటున్నారో ఫోన్లో వినిపించమని భవానీశంకర్ రౌడీలకు చెబుతాడు. విక్కీ జైలర్‌ను ఆపి ఆరోజు నా గన్‌ను మీ దగ్గరే మర్చిపోయానని..ఆ గన్‌లో నుంచి వచ్చిన బుల్లెట్‌ తగిలి శీనయ్య చనిపోయాడని అంటాడు. మర్యాదగా ఆ గన్‌ మీరు ఎవరికి ఇచ్చారని నిలదీస్తాడు.</p>
<p>శీనయ్యను చంపడానికి వెనక ఉన్నది ఎవరని అడుగుతాడు.నాకు ఏం తెలియదని అనగా....విక్రమ్ జైలర్‌ను పిచ్చికొట్టుడు కొడతాడు. దీంతో భయపడిపోయిన జైలర్‌...నిజంగా నా భార్యాబిడ్డలపై ఒట్టేసి చెబుతున్నానని మీ గన్‌ ఎవరు తీసుకెళ్లారో నాకు తెలియదని అంటాడు.దీంతో విక్రమ్‌ జైలర్‌ను వదిలిపెట్టి స్ట్రాంగ్ వార్నింగ్ ఇస్తాడు. భార్యాబిడ్డలపై ఒట్టేశావు కాబట్టి వదిలిపెడుతున్నానని అంటాడు.అలా అని పూర్తిగా వదిలేస్తానని అనుకోవద్దని...నీపై ఉన్న అనుమానం తీరేవరకు నిన్ను వెంటాడుతూనే ఉంటానని నీ వెనక ఉన్న వాళ్లను, శీనయ్యను చంపాలనుకున్నవాళ్లను కనిపెట్టి తాట తీస్తానని హెచ్చరించి వదిలేస్తాడు. ఇదంతా విన్న భవానీశంకర్‌, దమయంతి ఇద్దరూ ఎంతో భయపడిపోతారు.మనం అర్జెంట్‌గా ఆ శీనయ్య డెడ్‌బాడీ కనిపెట్టకపోతే ఆ విక్రమ్‌ చేతిలో చావడం ఖాయమని అనుకుంటారు. అటు విక్కీని వెతుక్కుంటూ రామలింగం హోటల్ వద్దకు వస్తాడు. నీకు ఇక్కడ నిద్రపట్టదు కానీ...మా ఇంటికి పోదాం రమ్మని అంటాడు. శీనయ్య కేసు తేల్చే వరకు నేను ఎక్కడికి రానని చెబుతాడు.<br /> </p>
1 week ago
2 
