<p><strong>Nuvvu leka Neanu Lenu Serial Today Episode</strong>: స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది. భర్తకు క్యారేజీ తీసుకుని వచ్చిన రాధను పద్మ నిలదీయగా..నేను ప్రేమించినట్లే నా భర్త కూడా నన్ను ప్రేమించేరోజు వస్తుందని చెప్పి వెళ్లిపోతుంది. స్టేషన్‌కు వచ్చిన రామచంద్ర శీనయ్య ఫైల్‌ చూసి విక్కీని నిలదీస్తాడు. రంగాను ఎందుకు పట్టుకోలేదని మండిపడతాడు.నీకు చేతకాకపోతే నేనే ఈ కేసు చూసుకుంటానని అనడంతో రెండురోజుల్లో రంగాను పట్టుకుని శీనయ్యను బయటకు తీసుకొస్తానని విక్కీ హామీ ఇస్తాడు.అక్కడే ఉన్న రాధను చూసి రామచంద్రం తనతో తీసుకెళ్తాడు. విక్కీనీ నువ్వు ప్రేమిస్తన్నావా లేదా అని నిలదీస్తాడు.<br /><strong>భర్తకు క్యారేజీ తీసుకెళ్లిన రాధ</strong><br /> కొడుకు కోసం సునంద వండిన వంటకాలన్నీ క్యారేజీలో పెట్టి భర్తకు ఇవ్వగా...మామ దగ్గర నుంచి రాధ తీసుకుని స్టేషన్‌కు బయలుదేరుతుంది.అక్కడ రాధను చూసిన వాళ్ల అమ్మ పద్మ తిడుతుంది.నిన్ను ఇంతలా మోసం చేసి ఆ విక్రమ్‌కృష్ణ చుట్టూ ఇంకా ఎందుకు తిరుగుతున్నావని అడుగుతుంది.మీనాన‌్నను జైలు నుంచి బయటకు తీసుకొస్తానని చెప్పి మోసం చేసి అగ్రిమెంట్ పెళ్లి చేసుకున్నాడని అలాంటి వాడిని ఎందుకు నమ్ముతున్నావని అంటుంది.ఆయన నన్ను అగ్రిమెంట్ పెళ్లిచేసుకున్నా సరే ఎప్పుడైనా నా మెడలో నల్లపూసలు వేశారో అప్పటి నుంచి నేను అతన్ని భర్తగానే ఊహించుకుంటున్నానని...అతనిపై ప్రేమను పెంచుకున్నానని చెబుతుంది. నాకు నా భర్తపై ప్రేమ కలిగినట్లే...విక్కీకి కూడా నాపై ప్రేమపుడుతుందని..అప్పటి వరకు ఎదురుచూస్తూనే ఉంటానని అంటుంది.<br /><strong>శీనయ్య ఫైల్‌పై శ్రద్ధపెట్టిన విక్కీ</strong><br /> శీనయ్య కేసు ఫైల్‌ తెప్పించుకున్న విక్కీ మొత్తం పరిశీలిస్తాడు.ఈకేసులో రంగాను పట్టుకుంటే చాలని...శీనయ్యను బయటకు తీసుకురావచ్చని అనుకుంటాడు.ఈకేసను ఎప్పుడో క్లోజ్‌ చేసే అవకాశం ఉన్నా నేనే నాస్వార్థం కోసం ఆపని చేయలేదని అనుకుంటాడు. నా స్వార్థం కోసం రాధను అందరి ముందు దోషిగా నిలబెట్టానని బాధపడతాడు. వాళ్ల అమ్మ కోపంలోనూ న్యాయం ఉందని భావిస్తాడు. ఎలాగైనా సరే రంగాను పట్టుకుంటానని అంటాడు.కానిస్టేబుల్‌ను పిలిచి ఈ రంగాగాడు ఎక్కడకి వెళ్లాడో ఎంక్వైరీ చేశారా అని అంటాడు.వాడు మీకు భయపడి మూడు నెలలుగా ఇంటికే రావడంలేదని చెబుతారు. వాడు ఎక్కడికైనా పారిపోయి ఉంటాడని చెప్పడంతో వాడు ఎక్కడున్నా పట్టుకుని తీరతానని అంటాడు.ఇంతలో రాధ క్యారేజీ తీసుకుని వస్తుందన్న సంగతి కానిస్టేబుల్ చెబుతాడు. రాధ రావడంతో నువ్వు ఎందుకు వచ్చావని అడుగుతాడు.మీ అమ్మగారు ప్రేమతో వంట చేశారని నేను తీసుకుని వచ్చానని అంటుంది.వాళ్లిద్దరూ మాట్లాడుకుంటుండగా....రామచంద్రం అక్కడికి వస్తాడు.<br /><strong>విక్కీని నిలదీసిన రామచంద్రం</strong><br /> రామచంద్రం వస్తున్న విషయం కానిస్టేబుల్‌ చెప్పగా..రాధ క్యారేజీ అక్కడే వదిలేసి విక్కీ గదిలోకి వెళ్లి దాక్కుంటుంది.రామచంద్రం రావడంతోనే శీనయ్య ఫైల్‌ అడిగి తీసుకుంటాడు.ఇందులో రంగాను పట్టుకోవాలని నోట్ చేసి ఉంది కదా అని అడుగుతాడు.మరి ఎందుకు ఇన్నిరోజులు పట్టుకోలేదని నిలదీస్తాడు. నీ చేతగానితనం వల్లే ఈ కేసు ఇన్నిరోజులు పట్టిందని మండిపడతాడు. నిజంగా రంగా దొరకలేదా లేకపోతే నీ స్వార్థం కోసం ఇదంతా చేస్తున్నావా అని నిలదీస్తాడు.ఈ కేసు క్లోజ్ చేయడం నీవల్ల కాకపోతే నాకు వదిలేయమని అంటాడు.నేనే ఈ కేసు టేకప్‌ చేసి పరిష్కరిస్తానని అంటాడు. అలాంటిదేమీ లేదని రెండురోజుల్లో నేనే వాడిని పట్టుకుంటానని...శీనయ్యను బయటకు తీసుకురావడం నాకు చాలా ముఖ్యమని చెబుతాడు. నాకు చివరి ఛాన్స్ ఇవ్వమని కోరతాడు. క్యారేజీ అక్కడే ఉండటం చూసి రాధను బయటకు పిలిచి తీసుకెళ్తాడు. నువ్వు పదేపదే విక్కీని కలుస్తున్నావంటే...నిజంగా విక్కీపై నీకు ప్రేమ ఉంది కదా అని రాధను రామచంద్రం నిలదీస్తాడు</p>
4 weeks ago
2 
