<p><strong>Nuvvu leka Neanu Lenu Serial Today Episode</strong>: స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది. కాఫీలో ప్రియ మత్తుమందు కలిపి తన ప్లాన్ చెడగొట్టిందని కోపంతో రగిలిపోయిన రాధ ఇంటికి వచ్చిన తనకు తగిన గుణపాఠం చెబుతుంది.అయితే రాధ,విక్కీని విడదీయడానికి దమయంతి రాధను రెచ్చగొడుతుంది.అదే నిజమని నమ్మిన రాధ విక్కీ గురించి తెలుసుకోవడానికి ఎవరిని కలిసింది అన్నది నేటి ఎపిసోడ్‌లో ఆసక్తిగా మారుతుంది.</p>
<p><strong>ప్రియకు బుద్ధిచెప్పిన రాధ</strong><br /> విక్కీని బయటకు తీసుకెళ్లి తన మనసులో మాట చెప్పడానికి రాధ ప్రయత్నించినా...ప్రియా కాఫీలో కలిపిన మత్తుమందుతో అతని నిద్రపోవడంతో రాధకు చాలా కోపం వస్తుంది.ఇదంతా ప్రియా చేసిందని తెలుసుకుని ఆమెకు గట్టిగా బుద్ధి చెప్పాలని నిర్ణయించుకుంటుంది. నిద్రమత్తులో తూలుతూ ఇంటికి వచ్చిన బావ, రాధను చూసి ఆనందపడాలని ఎదురుచూస్తున్న ప్రియకు రాధ షాకు ఇస్తుంది. కారులో నుంచి దిగగానే విక్కీ స్పృహలోలేకపోయినా తనతో రొమాన్స్‌ చేస్తున్నట్లు, డ్యాన్స్ చేస్తున్నట్లు నాటకం ఆడుతుంది. విక్కీ తనను కౌగిలింంచుకుని ముద్దులు పెడుతున్నట్లు రాధ నటించడంతో ప్రియాకు ఒళ్లు మండిపోతుంది.</p>
<p>తన ప్లాన్‌ ఏంటి ఇలా అయ్యిందని ఉడుక్కుంటుంది. కోపంతో ప్రియా లోపలికి వెళ్లిపోగానే...రాధ విక్కీని తీసుకుని చిన్నగా బెడ్‌రూమ్‌లోకి వెళ్లిపోతుంది. అక్కడికి కూడా ప్రియా వచ్చిందని తెలుసుకుని విక్కీ దుప్పట్లో దూరి తాను ముద్దులుపెడుతున్నట్లు నటిస్తుంది. ఇదంతా చూసిన ప్రియా కోపంతో అక్కడి నుంచి వెళ్లిపోతుంది. ఆ త‌ర్వాత బయటకు వచ్చిన రాధ...నీవల్లే మీబావ నాకు దగ్గరయ్యాడని చెబుతుంది.అదెలా అంటే తాను బయట ఏం చేశాడో చూపిస్తూ ప్రియాకు గట్టిగా బుద్ధి చెబుతుంది.</p>
<p><iframe title="YouTube video player" src="https://www.youtube.com/embed/pOYBsHJhzqA?si=iId383JAmD7mSHVv" width="560" height="315" frameborder="0" allowfullscreen="allowfullscreen"></iframe></p>
<p><strong>రాధ మనసులో చిచ్చుపెట్టిన దమయంతి</strong><br /> దస్తగిరిని బాగు చేయించడం కోసం విక్కీ విదేశాల నుంచి డాక్టర్లను పిలిపిస్తున్నాడని తెలుసుకున్న దమయంతి భయపడిపోతుంది.వాడు స్పృహలోకి వస్తే తన బండారం భయటపడుతుందని అందుకే ఈలోగా ఈ రాధను ఇంట్లో నుంచి వెళ్లగొట్టి విక్కీకి తన కూతురిని ఇచ్చి పెళ్లి చేయాలని అనుకుంటుంది. ముగ్గులు వేస్తున్న రాధ దగ్గరకు వెళ్లి...ఆమెకు విక్కీ గురించి లేనిపోని అబద్ధాలు చెబుతుంది. విక్కీ గురించి ఎక్కువ ఆశలు పెట్టుకోవద్దని....వాడంత స్వార్థపరుడు ఇంకొడు ఉండడని చెబుతుంది. పోలీసులు ఉద్యోగం అడ్డుపెట్టుకుని లంచాలు తీసుకుంటాడని...తన అవసరం కోసం ఎదుటివారిని ఎంతవరకు అయినా వాడుకుంటాడని చెబుతుంది.</p>
<p>మీ నాన్నను కేసు నుంచి బయటకు తీసుకొస్తాడని నమ్మి నువ్వు....నా కూతురిని పెళ్లి చేసుకోవాల్సి వస్తుందని వాడు ఇద్దరు కలిసి అగ్రిమెంట్ పెళ్లి చేసుకున్నారని నాకు తెలుసునని అంటుంది. కానీ నీకు తెలియని ఇంకో నిజం ఏంటంటే వాడు ఎప్పటికీ మీనాన్నను బయటకు తీసుకురాడని చెబుతుంది.ఎందుకంటే మీనాన్న బయటకు వచ్చేస్తే నువ్వు మీ ఇంటికి వెళ్లిపోతావని వాడికి తెలుసునని అంటుంది. అప్పుడు చచ్చినట్లు ప్రియను పెళ్లిచేసుకోవాల్సి వస్తుందని వాడు కావాలనే మీనాన్నను బయటకు తీసుకురావడం లేదని చెబుతుంది. మీ నాన్న నిర్దోషి అని చెప్పే అన్ని ఆధారాలు వాడి దగ్గర ఉన్నాయని చెప్పడంతో రాధ షాక్‌ తింటుంది.</p>
<p><strong>నిజం కోసం రాధ ఎవరిని కలిసింది</strong><br /> దమయంతి చెప్పిన మాటల్లో కొంత నిజం ఉందని నమ్మిన రాధ....అసలు నిజం తెలుసుకునేందకు విక్కీ ప్రెండ్‌ లాయర్‌ను కలుస్తుంది. మానాన్నను ఎందుకు బయటకు తీసుకురావడం లేదని నిలదీస్తుంది.అందుకు అవసరమైన సాక్ష్యాలు కావాలి కదామ్మ అని అంటే...విక్కీ దగ్గర నిజంగా ఆధారాలు లేవా అని ప్రశ్నించడంతో ఇవాల్టి ఎపిసోడ్‌ ముగుస్తుంది.</p>
<p> </p>
4 months ago
9 
