<p><strong>Nuvvu leka Neanu Lenu Serial Today Episode:</strong> స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఏపీసోడ్ ఆసక్తిగా సాగుతుంది. తండ్రి ఫోన్‌ చేసి విక్కీ చేసిన సాయం గురించి చెప్పడం...తనకు దెబ్బలు తగిలినట్లు తానే చెప్పొద్దానని చెప్పడం విని భర్తపై రాధకు మరింత ప్రేమ కలుగుతుంది. అలాగే హస్పెండ్‌ డే కు విక్కీకి మంచి గిప్ట్‌ ఇస్తుంది. చిన్ని ఏమైందో తెలుసుకోవడం కోసం స్వామిజీ ఇంటికి వచ్చి తను ఇక్కడే ఉందని చెప్పడంతో ఇవాల్టి ఏపీసోడ్ సస్పెన్స్‌గా సాగుతుంది.<br /><strong>నిజం చెప్పిన శీనయ్య</strong><br /> తండ్రి దెబ్బలు తగిలిన విషయం తనకు చెప్పకుండా దాచిపెట్టాడని విక్కీమీద అరిచి అలిగి అన్నం తినడం మానేస్తుంది రాధ. దీంతో విక్కీ జైలుకు ఫోన్ చేసి వాళ్ల నాన్న రాధతో మాట్లాడేలా చేస్తాడు. తనకు దెబ్బలు తగిలాయని తెలియగానే అల్లుడుగారు పరుగెత్తుకుంటూ జైలుకు వచ్చారని...మంచి ట్రీట్‌మెంట్ కూడా ఇప్పించారని చెబుతాడు.నువ్వు అనవసరంగా కంగారుపడతావని నేనే నీకు ఈ విషయం చెప్పొద్దని చెప్పానని అనడంతో భర్తను తప్పుగా అర్థం చేసుకున్నానని రాధ బాధపడుతుంది. తాను ఇక్కడ బాగానే ఉన్నానని అనవసరంగా అల్లుడిగారిని ఇబ్బంది పెట్టొద్దని తండ్రి చెప్పడంతో రాధ మనసు శాంతిస్తుంది. విక్కీకి సారీ చెప్పి...అన్నం తినడంతో వారిద్దరూ ఒక్కటైపోతారు.అదిచూసిన విక్కీ తల్లిదండ్రులు చాలా ఆనందపడతారు. వాళ్లు కలకాలం ఇలాగే ప్రేమతో ఉండిపోవాలని అనుకోవడం విన్న దమయంతి కోపంతో రగిలిపోతుంది.వాళ్లిద్దరి మధ్య ఎలాగైనా చిచ్చుపెట్టి విడదీసి నా కూతురిని ఈ ఇంటి కోడలిగా చేస్తానని అనుకుంటుంది.<br /><strong>విక్కీకి రాధ గిఫ్ట్</strong><br /> తమ మధ్య నిజమైన భార్యాభర్తల బంధం లేకున్నా విక్కీ తనపైనా, తన కుటుంబంపై చూపిస్తున్న ప్రేమ,బాధ్యత చూసి రాధ చాలా మురిసిపోతుంది. తన జీవితంలో జరిగిన విషయాలన్నీ డైరీలో రాసుకుంటుంది. ఒక ఏడాది కాంట్రాక్ట్‌ పెళ్లి కాస్త జీవితాంతం ముడిపడితే బాగుండని అనుకుంటుంది. ఇంతలో తనకు ఇవాళ నేషనల్ హస్పెండ్‌ డే అని గుర్తుకు రావడంతో వెళ్లి అద్దంపై హ్యాపీ హస్పెండ్‌ డే అని రాస్తుంది. అప్పుడే అక్కడికి వచ్చిన విక్కీ చూస్తాడేమోనని చీర అడ్డుపెడుతుంది. దీంతో విక్కీ ఏం రాశావో తనకు చూపించమంటూ ఆమెను అడ్డుతప్పుకోమంటాడు. కానీ రాధ అలాగే అడ్డుగా నిలబడి విక్కీని మంచం మీదకు తోసిపడేస్తుంది. ఇంతలో డైరీ చూసి అందులో ఏం ఉందో చూద్దామని తీసుకుంటాడు. అది చూసిన రాధ పరుగెత్తుకుంటూ వచ్చి డైరీ లాక్కునే క్రమంలో ఒకరిపై ఒకరు పడిపోతారు. తేరుకున్న విక్కీ అద్దం మీద రాసింది ఎందుకు చెరిపివేశావని అడుగుతాడు.డైరీలో ఏం ఉందో చూపించమని కోరతాడు. నేను చూపించనని రాధ ఆటపట్టిస్తుంది. కళ్లు మూసుకుంటే మళ్లీ రాస్తానని చెప్పి ....తన షర్ట్‌కు వెనక వైపు మై డియర్ హబ్బి అని రాస్తుంది.<br /> షర్ట్‌కు వెనకవైపు రాసింది కనిపించక విక్కీ అందరి దగ్గరకు వెళ్లి ఏంరాసి ఉందో అడుగుతుంటాడు.అందరూ అది చూసి నవ్వుకుంటారు. చివరకు వాళ్ల నాన్న చదివి వినిపించండతో అందరూ నవ్వుకుని అక్కడి నుంచి వెళ్లిపోతారు. ఎందుకు మన మధ్య ఏ బంధం లేదుకదా మరి ఎందుకు రాశావని విక్కీ రాధను నిలదీస్తాడు.మనం ఎలాగూ భార్యాభర్తలమని నాటకం ఆడుతున్నాం కదా...ఇది కూడా అందులో భాగమేనని రాధ తప్పించుకుంటుంది.<br /><strong>స్వామీజి ఇచ్చిన షాక్‌</strong><br /> విక్కీ ఇంటికి వచ్చిన స్వామీజీకి చిట్టి జాతకం చూపిస్తారు. తను చిన్నప్పుడే తప్పిపోవడంతో మా బావగారు చాలా బాధపడుతున్నారని....ఆమె ఇప్పుడు ఎక్కడ ఉందో కాస్త చూసి చెప్పగలరా అని విక్కీ వాళ్ల నాన్నఅడుగుతాడు. స్వామీజీ జాతకం చూసి మీరు వెతుకుతున్న చిట్టి ఎక్కడో లేదని మీ మధ్యనే ఉందని చెప్పడంతో అందరూ షాక్‌ తింటారు.</p>
<p> </p>
4 months ago
11 
