<p><strong>Nuvvu leka Neanu Lenu Serial Today Episode:</strong> స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది.చిట్టితో ఎక్కువ సమయం గడపడానికి రామచంద్రం తాపత్రయం...ఆ బాధ భరించలేక సుందరి అవస్థలు. అటు రాధ విషయం చిట్టికి తెలియకుండా ఎలా తప్పించుకోవాలా అని విక్కీ ఎత్తులు వేస్తుంటాడు.రామలింగాన్ని సలహా అడిగితే బాగా ఆలోచించి చెబుతానని చెప్పడంతో ఈరోజు ఎపిసోడ్ ఆసక్తిగా మారుతుంది.<br /><strong>చిట్టికి పాటలు వినిపించిన రామచంద్రం</strong><br /> బాగా తిని పడుకుందామని బెడ్‌రూమ్‌లోకి వచ్చిన సుందరి వద్దకు అమ్మా చిట్టి అనుకుంటూ రామచంద్రం వస్తాడు. అబ్బా వీడు మళ్లీ వచ్చాడని సుందరి విసుక్కుంటుంది.ఇక నిద్రకూడా పోనివ్వకుండా చిట్టిచిట్టి అని చంపుతాడని ఫీల్‌ అవుతుంది.తలుపు తెరిచే ఉంది నాన్నగారు అనడంతో రామచంద్రం లోపలికి వస్తాడు. చిన్నప్పుడు నువ్వు పడుకునే ముందు నేను నీకు ఒకటి చేసేవాడినని చెప్పి గ్రామ్‌ఫోన్‌ రికార్డ్ తీసుకొచ్చి చూపిస్తాడు.అందులో ఓ పాట పెట్టి చిన్నప్పుడు ఎక్కువుగా నువ్వు ఇదే పాట విని పాడుకుంటూ నిద్రపోయేదానివి అని చెబుతాడు. దీంతో సుందరి నాకు బాగా నిద్ర వస్తుంది నాన్న మీరు వెళ్తే నేనుపడుకుంటానని చెబుతుంది. దీంతో రామచంద్రం బయటకు వచ్చేస్తాడు.లోపల నుంచి ఆ రికార్డు విన్న రాధ బయట అదే పాట పాడుతుంది. ఆమె దగ్గరకు వచ్చిన రామచంద్రం...ఏంటమ్మా ఈ పాట పాడుతున్నావని అడుగుతాడు.ఎందుకో తెలియదు గురూజీ చిన్నప్పటి నుంచి ఈపాట వింటే చాలు నేను మళ్లీ పాడేస్తాను అని చెబుతుంది.చిన్నప్పుడు మా చిట్టి కూడా ఇదే పాట పాడేదమ్మా అని అంటాడు.<br /><strong>దొరికిపోతానని విక్కీకి భయం</strong><br /> భోజనాల దగ్గర రాధ ఎవరో తెలియకుండా చేయడానికే విక్కీ తల ప్రాణం తోకలోకి వచ్చింది.అమ్మో రోజూ ఈ నరకం అనుభవించడం నావల్ల కాదని...అనవసరంగా రాధ నా ఫ్రెండ్ అని చిట్టికి చెప్పి తప్పు చేశానని బాధపడుతుంటాడు.అప్పుడే అక్కడికి వచ్చిన రామలింగాన్ని సలహా ఇవ్వమని అడుతాడు. నేరుగా వెళ్లి చిట్టికి విషయం చెప్పేయమని చెబుతాడు.వామ్మో నా కోసం అంత దూరం నుంచి వచ్చిన చిట్టికి ఈ విషయం చెబితే ఇక ఏమైనా ఉందా దాని చిట్టి గుండె ఆగిపోతుందని అంటాడు. కొన్నిరోజులు పోయిన తర్వాత నెమ్మదిగా చెబుతానని....అలాగే మా అగ్రిమెంట్ పెళ్లి గురించి కూడా ఇంట్లో అందరికీ చెప్పి రాధను పంపిచేస్తానని అంటాడు. దీంతో నీచావు నువ్వుచావు అనుకుంటూ రామలింగం అక్కడి నుంచి వెళ్లిపోతాడు.<br /><strong>హాల్లో పడుకున్న విక్కి...గదిలోకి పంపించిన తల్లి</strong><br /> రాధ దగ్గరకు వచ్చిన విక్కీ మనమిద్దరం ఒకే రూమ్‌లో పడుకుంటే చిట్టికి అనుమానం వస్తుందని అప్పుడు తను చాలా బాధపడుతుందని అంటాడు. అయితే ఇప్పుడు ఏం చేస్తారని అడిగితే నువ్వు బెడ్‌మీద పడుకుంటే నేను వెళ్లి హాల్ల్లో పడుకుంటానని అంటాడు.అయితే ఇంట్లో వాళ్లకు ఏం చెబుతావని అంటే...వాళ్లు నిద్రలేచే సరికి నేను నిద్రలేచిపోతానని చెప్పి చాప తీసుకుని హాల్‌లోకి వెళ్లిపోతాడు. మందులోకి వాటర్‌ అయిపోయాయని గోపాల్ గొడవ చేస్తుంటే నీళ్లకోసం కిందకు వచ్చిన సునంద...కొడుకు కాలు తొక్కడంతో విక్కి అరుస్తాడు. బయట ఎందుకు పడుకున్నావని వాళ్ల అమ్మ నిలదీస్తే లోపలి ఆడదోమలు కుడుతున్నాయని చెబుతాడు.దీంతో రాధతో గొడవపడి బయటకు వచ్చావా అని అరుస్తుంది. ఏమున్నా మీరిద్దరూ బెడ్‌రూమ్‌లోనే చూసుకోవాలని ఇలా హాల్‌లోకి వచ్చి పడుకుంటే అందరికీ తెలిసిపోతుందని చెప్పి గట్టిగా తిట్టి విక్కీని మళ్లీ లోపలికి పంపిస్తుంది. </p>
3 months ago
7 
