<p><strong>Actor Nora Fatehi Video Gone Viral: </strong>సోషల్ మీడియా పుణ్యమా అని న్యూస్ ఏదైనా క్షణాల్లోనే ప్రచారం ఆర్భాటంగా సాగిపోతుంది. కొందరు నెటిజన్లు అది నిజమా.? కాదా..? అనేది కూడా క్లారిఫై చేసుకోకుండానే వైరల్ చేసేస్తున్నారు. తాజాగా, బాలీవుడ్ హీరోయిన్ నోరా ఫతేహి బంగీ జంప్ చేస్తూ ప్రమాదవశాత్తు మృతి చెందిందంటూ వస్తోన్న రూమర్స్ వైరల్ అయ్యాయి. ఈ మేరకు ఓ వీడియో సైతం నెట్టింట వైరల్‌గా మారింది. సదరు వీడియోలో ఓ మహిళ బంగీ జంప్ చేస్తూ ప్రమాదవశాత్తు కింద పడి చనిపోవడం కనిపించింది. పర్వత క్రీడల కార్యకలాపాల జిప్ లైనింగ్ చేస్తున్నట్లు కనిపిస్తుండగా.. అది తెగిపోయి ఆమె లోతైన లోయలో పడిపోయింది. ఈ వీడియోలో మహిళ ముఖం స్పష్టంగా కనిపించలేదు. అయితే, అందులో కనిపించేది నోరా ఫతేహి (Nora Fatehi) అంటూ వార్తలు హల్చల్ చేశాయి. దీంతో ఆమె అభిమానులు ఆందోళన వ్యక్తం చేశారు. </p>
<p><strong>ఇది క్లారిటీ..</strong></p>
<p>అయితే, నోరా ఫతేహి క్షేమంగా ఉన్నారని బాలీవుడ్ సినీ వర్గాలు స్పష్టం చేశాయి. ఆ వీడియోలో ఉన్నది ఆమె కాదని.. పలువురు నెటిజన్లు సైతం స్పష్టత ఇచ్చారు. అనవసర రూమర్స్ ప్రచారం చెయ్యొద్దంటూ హితవు పలికారు. అలాగే, ఫేక్ వీడియో ప్రచారం చేసిన సదరు ఇన్ స్టా పేజీపైనా చర్యలు తీసుకోవాలంటూ కొందరు సైబర్ పోలీసులకు ట్యాగ్ చేస్తున్నారు. కాగా, ఇప్పటికే పేజీ నిర్వాహకులు సదరు వీడియోను తొలగించారు. అయితే, ఈ విషయంపై నోరా ఫతేహినే స్వయంగా స్పందిస్తే ఇలాంటి ఫేక్ వార్తలకు పూర్తిగా చెక్ పడుతుందని ఆమె అభిమానులు భావిస్తున్నారు.</p>
<p><strong>స్పెషల్ సాంగ్స్‌తో..</strong></p>
<p>కాగా, నోరా ఫతేహి ఎలాంటి బ్యాక్ గ్రౌండ్ సపోర్ట్ లేకుండా వచ్చి అవకాశాల కోసం ప్రయత్నించింది. కెనడాలో పుట్టి పెరిగిన ఈ బ్యూటీ కెరీర్ తొలినాళ్లలో ఎన్నో అవమానాలు, సవాళ్లను ఎదుర్కొని తన డ్యాన్స్‌తో మెప్పించింది. చదువుకునే రోజుల్లో మోడలింగ్‌పై ఆసక్తితో ఆ రంగంలో అడుగుపెట్టింది. ఆమె నటించిన తొలి చిత్రం 'రోర్' 2014లో విడుదలైంది. సినిమాల్లో స్పెషల్ సాంగ్స్‌తో పాపులరై.. తెలుగులోనూ పలు చిత్రాల్లో స్పెషల్ సాంగ్స్‌తో ప్రేక్షకులకు మరింత దగ్గరైంది. ముఖ్యంగా జూనియర్ ఎన్టీఆర్ టెంపర్ సినిమాలో 'ఇట్టాగే రెచ్చిపోదాం' పాటకు డ్యాన్స్ చేసి తెలుగు ప్రేక్షకులను ఉర్రూతలూగించింది. అప్పటి నుంచి ప్రత్యేక గీతాలకు కేరాఫ్ అడ్రస్‌గా మారింది. బాహుబలి 1, కిక్ 2, షేర్, లోఫర్, ఊపిరి సినిమాల్లో స్పెషల్ సాంగ్స్‌లో మెరిసింది. </p>
<p>అనంతరం తెలుగులో వరుణ్ తేజ్ 'మట్కా'లో కీలక పాత్ర పోషించి మెప్పించింది. 'బిగ్ బాస్' వంటి టీవీ కార్యక్రమాల్లో కంటెస్టెంట్‌గా పాల్గొన్న ఈమె.. 'డ్యాన్స్ దీవానే జూనియర్స్' వంటి షోలకు న్యాయ నిర్ణేతగానూ వ్యవహరించింది. అలాగే, 'దిల్ బర్' అరబిక్ వెర్షన్, 'డర్టీ లిటిల్ సీక్రెట్', 'ఇట్స్ ట్రూ' పాటలతో గాయనిగానూ ఆమె అలరించింది.</p>
<p><strong>Also Read: <a title="SSMB 29: రాజమౌళి, మహేశ్ బాబు కొత్త సినిమా - హాలీవుడ్ రేంజ్ మూవీలో లేడీ విలన్‌గా స్టార్ హీరోయిన్, ఆ న్యూస్‌లో నిజమెంత?" href="https://telugu.abplive.com/entertainment/cinema/crazy-news-gone-viral-on-ssmb-29-movie-on-actress-priyanka-chopra-role-196867" target="_blank" rel="noopener">SSMB 29: రాజమౌళి, మహేశ్ బాబు కొత్త సినిమా - హాలీవుడ్ రేంజ్ మూవీలో లేడీ విలన్‌గా స్టార్ హీరోయిన్, ఆ న్యూస్‌లో నిజమెంత?</a></strong></p>
<p> </p>
10 months ago
8 
