<p>Nisha Poddar: స్టార్ మా ఛానల్‌లో ప్రసారమవుతున్న సరికొత్త సీరియల్ 'నువ్వు లేక నేను లేను' లో హీరోయిన్ రాధ పాత్రలో నటిస్తున్న నిషా పొద్దార్ బుల్లితెర ప్రేక్షకులను విశేషంగా ఆకట్టుకుంటోంది. ఈమె కెరీర్, విద్యాభ్యాసం, వ్యక్తిగత జీవితానికి సంబంధించిన ఆసక్తికరమైన వివరాలు తెలుసుకుందాం. </p>
<h3>కెరీర్ </h3>
<p>నిషా పోద్దార్ ఒక బెంగాలీ నటి. నిషా కోల్‌కతాలోనే తన పాఠశాల, కళాశాల విద్యను పూర్తి చేసింది. చదువుకునే రోజుల్లోనే నటనపై ఉన్న ఆసక్తితో థియేటర్ ఆర్ట్స్, మోడలింగ్ రంగాల్లో శిక్షణ తీసుకుంది. చైల్డ్ ఆర్టిస్ట్‌గా చిన్న వయసు నుంచే బెంగాలీ బుల్లితెరపై నటించడం ప్రారంభించింది. బెంగాలీలో 'ఇక్కనే ఆకాష్ నీల్', 'అమీ సిరాజెర్ బేగం', 'ప్రథమా కాదంబిని', 'గ్రామేర్ రాణి బినాపాణి', 'జోగోమాయా' వంటి పలు విజయవంతమైన సీరియల్స్‌లో నటించింది. ముఖ్యంగా 'దేవి' అనే సీరియల్‌లో ప్రధాన పాత్ర పోషించి మంచి గుర్తింపు తెచ్చుకుంది. అలాగే ప్రముఖ బెంగాలీ సీరియల్ 'అనురాగేర్ ఛోవా' లో 'సోనా' అనే నెగిటివ్ షేడ్స్ ఉన్న పాత్రలోనూ అలరించింది. </p>
<p>Also Read: <a title="తెలుగు, తమిళ, కన్నడ బుల్లితెరపై సత్తా.. బిగ్ బాస్ రన్నర్‌తో ప్రేమ పెళ్లి.. తేజస్విని గౌడ గురించి ఇంట్రెస్టింగ్ విషయాలు" href="https://telugu.abplive.com/entertainment/tv/tejaswini-gowda-real-life-inside-her-multilingual-career-love-marriage-with-amardeep-251210" target="_self">తెలుగు, తమిళ, కన్నడ బుల్లితెరపై సత్తా.. బిగ్ బాస్ రన్నర్‌తో ప్రేమ పెళ్లి.. తేజస్విని గౌడ గురించి ఇంట్రెస్టింగ్ విషయాలు</a></p>
<p>ప్రస్తుతం 'నువ్వు లేక నేను లేను' సీరియల్ ద్వారా ఆమె తెలుగు బుల్లితెరకు హీరోయిన్‌గా పరిచయమైంది. అమాయకత్వం, బాధ్యత గల 'రాధ' పాత్రలో తన క్యూట్ లుక్స్, నటనతో తెలుగు ప్రేక్షకులకు, ముఖ్యంగా యూత్‌కు క్రష్‌గా మారిపోయింది.</p>
<h3>రియల్ లైఫ్ & సోషల్ మీడియా </h3>
<p>నిషా వాస్తవ జీవితంలో చాలా సరదాగా, చురుగ్గా ఉంటుంది. మధ్యతరగతి కుటుంబం నుంచి వచ్చిన ఆమె, తన సొంత ప్రతిభతోనే ఇండస్ట్రీలో ఎదిగింది. నిషా సోషల్ మీడియాలో చాలా యాక్టివ్‌గా ఉంటుంది. ఇటీవల ఆమె తనకు కాబోయే భర్త.. బాయ్‌ఫ్రెండ్‌తో దిగిన క్యూట్ ఫొటోలను, లవ్ స్టోరీ విశేషాలను ఇన్‌స్టాగ్రామ్‌లో పంచుకోవడంతో అవి కాస్తా వైరల్ అయ్యాయి. ఇన్‌స్టాగ్రామ్ రీల్స్, తెరవెనుక షూటింగ్ విశేషాలు, సంప్రదాయ, మోడరన్ ఫొటోషూట్‌లను తరచూ షేర్ చేస్తూ అభిమానులకు లవర్ బాయ్స్, గర్ల్స్ కనెక్ట్ అయ్యేలా చూసుకుంటుంది. </p>
<p><iframe title="YouTube video player" src="https://www.youtube.com/embed/YgqzP7l7DrU?si=zuHTIA6gvXEb3zMv" width="560" height="315" frameborder="0" allowfullscreen="allowfullscreen"></iframe></p>
<p>Also Read: <a title="తెలుగు బుల్లితెరపై విలన్, ఇంటింటి రామాయణం ప్రణతి.. ప్రియా ప్రసాద్ రియల్ లైఫ్ ఇంట్రెస్టింగ్ విషయాలు" href="https://telugu.abplive.com/entertainment/tv/intinti-ramayanam-fame-priya-prasad-biography-career-unknown-real-life-facts-251116" target="_self">తెలుగు బుల్లితెరపై విలన్, ఇంటింటి రామాయణం ప్రణతి.. ప్రియా ప్రసాద్ రియల్ లైఫ్ ఇంట్రెస్టింగ్ విషయాలు</a></p>
<h3>రెమ్యూనరేషన్ </h3>
<p>తెలుగు సీరియల్స్‌లో ఇతర భాషల (బెంగాలీ, కన్నడ) నటీనటులకు మంచి డిమాండ్ ఉంటుంది. నిషా బెంగాలీలో లీడ్ యాక్ట్రెస్‌గా చేసిన అనుభవం ఉండటంతో, 'నువ్వు లేక నేను లేను' సీరియల్ కోసం ఆమెకు రోజుకు రూ.15,000 నుండి రూ.20,000 వరకు రెమ్యూనరేషన్ అందుతున్నట్లు ఇండస్ట్రీ టాక్. అయితే, అధికారికంగా దీనిపై ఎటువంటి కచ్చితమైన సమాచారం లేదు.</p>
<h3>ఆసక్తిక అంశాలు</h3>
<p>నిషా నటిస్తున్న 'నువ్వు లేక నేను లేను' సీరియల్.. కన్నడలో సూపర్ హిట్ అయిన 'నిన్నా జోతే నన్నా కథే' అనే సీరియల్‌కు రీమేక్. బెంగాలీ అమ్మాయి అయినప్పటికీ, తెలుగు డైలాగ్స్, ఎక్స్‌ప్రెషన్స్‌ను చాలా త్వరగా నేర్చుకుని, స్క్రీన్‌పై జీవించేస్తోంది. ఒక ఇంటర్వ్యూలో నిషా మాట్లాడుతూ.. తనకు బెంగాలీ సూపర్ స్టార్ 'దేవ్' (Dev) అంటే చాలా ఇష్టమని, ఆయనతో స్క్రీన్ షేర్ చేసుకోవాలని తన కోరిక అని తెలిపింది.</p>
<p>Also Read: <a title="తెలుగు సీరియల్స్‌లో బెస్ట్ నెగిటివ్ రోల్.. హోటల్ మేనేజ్మెంట్ నుంచి గ్లామర్ ఇండస్ట్రీ వైపు.. చైత్రా రాయ్ రియల్ లైఫ్ విషయాలు" href="https://telugu.abplive.com/entertainment/tv/chaithra-rai-real-life-inside-the-journey-of-telugu-serial-best-negative-role-actor-251208" target="_self">తెలుగు సీరియల్స్‌లో బెస్ట్ నెగిటివ్ రోల్.. హోటల్ మేనేజ్మెంట్ నుంచి గ్లామర్ ఇండస్ట్రీ వైపు.. చైత్రా రాయ్ రియల్ లైఫ్ విషయాలు</a></p>
4 months ago
2 
