<p><strong>Nindu Noorella Saavasam Serial Today Episode: </strong> పెళ్లికి ముందు పార్తుపై రెండు సార్లు అటాక్‌ జరిగింది. ఆ అటాక్‌ చేసింది పార్తు శత్రువులు అయితే కాదు అంటే నీ శత్రువులా నిన్ను కాపాడటానికే పార్థు వాళ్లపై ఫైట్‌ చేశాడు అని వైజయంతి అడిగితే అయ్యుండొచ్చు అని మనోహరి చెప్తుంది. అయితే నీకు శత్రువులు ఉన్నారా.? ఉంటే ఎవరు వాళ్లు అని వైజయంతి అడిగితే.. అరుంధతిని చంపిన వాళ్లు అంటూ మనోహరి చెప్పగానే.. అందరూ షాక్‌ అవుతారు.</p>
<p><strong>అరుంధతిని చంపిన వాళ్లే దాడి చేశారన్న మనోహరి</strong></p>
<p><a title="ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self">ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p>అమర్‌ ఎమోషనల్‌గా వాళ్లెవరో నీకు తెలుసా మనోహరి అంటే తెలియదు అమర్‌ వాళ్లే నా మీద దాడి చేశారేమో అనిపిస్తుంది వాళ్లలో ఒకడు ఆరోజు నా పేరు చెప్పాడు కదా అంటూ మనోహరి చెబితే.. అరుంధతి శత్రువులు నిన్ను ఎందుకు చంపాలి అనుకుంటున్నారు అని వైజయంతి అడిగితే.. అరుంధతి నా స్నేహితురాలు కాబట్టి అని మనోహరి చెప్తుంది. నీ స్నేహం ఎవరికో ఇష్టం లేనట్టు ఉంది కదా అంటే తెలియదు మేడం అరుందతిని ఎందుకు చంపారో తెలియదు.. నా వెంట ఎందుకు పడుతున్నారో నాకేం తెలియదు అంటూ మనోహరి చెప్పగానే.. వైజయంతి ఓకే ఓకే కాసేపు నువ్వు రిలాక్స్‌ గా ఉండు అంటుంది.</p>
<p><strong>మనోహరి గురించి సరస్వతిని అడిగిన వైజయంతి</strong></p>
<p>అంటూ సరస్వతి గారు ఈ మనోహరి మీకు ఎప్పటి నుంచి తెలుసు అని అడుగుతుంది. అందుకు సరస్వతి నెలల పసికందుగా ఉన్నప్పటి నుంచి తెలుసు అంటూ చెప్పగానే.. అంటే అరుంధతితో పాటు మనోహరిని కూడా మీరే పెంచారు అని అడిగితే.. అవును మేడం ఇద్దరూ నా చేతుల్లోనే పెరిగారు అంటూ చెప్తుంది వార్డెన్‌ సరస్వతి. ఒకరు తులసి మొక్క అయితే మరొకరు కలుపు మొక్క అయ్యారు అని రాజు మనసులో అనుకుంటాడు. అరుంధతి, మనోహరి ఎలా ఉండేవారు అని వైజయంతి అడిగితే.. చాలా స్నేహంగా అన్యోన్యంగా ఉండేవారు అని వార్డెన్‌ చెప్పగానే.. ఈ స్నేహితులిద్దరికీ శత్రువులు ఎవరైనా ఉండేవారా..? అని వైజయంతి అడుగుతుంది.</p>
<p><strong>ఆరు గురించి గొప్పగా చెప్పిన సరస్వతి</strong></p>
<p>అరుంధతి ఉన్న చోట స్వార్థానికి శత్రుత్వానికి స్థానం లేదు మేడం పువ్వు పుట్టగానే పరిమళిస్తుంది అన్నట్టు అరుంధతి చిన్నప్పటి నుంచి తన గొప్పదనాన్ని మంచితనాన్ని చాటుకుంది. ఆశ్రమంలో అందరికీ అన్నం పెట్టలేని పరిస్థితి వచ్చినప్పుడు ఎవరైనా పస్తులు ఉండాల్సి వస్తే అరుందతి పస్తులు ఉండేది. తను ఆకలితో ఉంటూ మరోకరి కడుపు నింపేది. తను చిరిగిన బట్టలు వేసుకుని ఎదుటి వారికి మంచి బట్టలు ఇచ్చేది అంటూ వార్డెన్‌ చెప్తుంటే.. మరి మనోహరి ఎలా ఉండేది అని వైజయంతి అడగ్గానే.. వార్డెన్‌ షాకింగ్‌గా చూస్తుంది. అందరూ ఆశ్చర్యంగా చూస్తుంటారు. భాగీ ఏమీ చెప్పొద్దని సైగ చేస్తుంది.</p>
<p><strong>మనోహరి గురించి చెప్పిన వార్డెన్‌</strong></p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p>వార్డెన్‌ కొద్దిసేపు ఆగి ఆలోచించుకుని మనోహరి ఎంతైనా అరుంధతి ఫ్రెండ్ కదా మేడం అరుంధతి మంచితనం అన్ని మనోహరిలోనూ ఉండేవి.. అంటూ చెప్పగానే.. మనోహరి ఊపిరి పీల్చుకుంటుంది. ఈ అరుంధతి మళ్లీ బతికి పోయింది అని మనసులో అనుకుంటుంది చంభా.. ఆ తర్వాత ఏం జరిగింది అని వైజయంతి అడిగితే.. ఆరుంధతి పెళ్లి జరగడం మనోహరి కోల్‌కతా వెళ్లిపోవడం తర్వాత తిరిగి రావడం అమర్‌ ఇంట్లో ఉండటం వరకు చెప్తుంది వార్డెన్‌. దీంతో వైజయంతి కోల్‌కతా వెళ్లి అక్కడ ఏం చేసేదానివి మనోహరి అని వైజయంతి అడిగితే.. మనోహరి షాక్‌ అవుతుంది. కోల్‌కతా గురించి కూపీ లాగితే మొత్తం తెలిసిపోతుంది ఇప్పుడెలా అని మనోహరి మనసులో అనుకుంటూ ఆశ్రమం బాధ్యతలు చూసుకునే దాన్ని అంటూ చెప్తుంది.</p>
<p><strong>అరుంధతి నువ్వొచ్చాకే చనిపోయిందా అంటూ ప్రశ్నించిన వైజయంతి</strong></p>
<p>మళ్లీ హైదరాబాద్‌ ఎందుకు వచ్చావు.. అని అడిగితే.. అరుంధతిని చూడాలని వచ్చాను అని మనోహరి చెప్పగానే.. అప్పుడే అరుంధతి చనిపోయింది కదా అంటూ వైజయంతి అడగ్గానే.. మనోహరి తల తిరుగుతుంది నాకు కొంచెం రెస్ట్‌ కావాలని అడుగుతుంది. సరే కానీ నువ్వు కోల్‌కతాలో ఉన్న ప్పుడు ఏం చేశావో ఎవరు చెప్తారు అని వైజయంతి అడిగితే కోల్కతా విషయాలు అయితే రణవీర్‌ చెప్తాడు మేడం అంటూ రాథోడ్‌ చెప్పగానే.. అందరూ షాక్‌ అవుతారు. ఇంతలో ఇవాళ్టీ నిండు నూరేళ్ల సావాసం సీరియల్‌ ఏపిసోడ్‌ అయిపోతుంది. </p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p> </p>
2 weeks ago
2 
