<p><strong>Nindu Noorella Saavasam Serial Today Episode: </strong>ప్లాన్‌ ప్రకారం బుజ్జమ్మను చంపేసేందుకు ప్రచండ బయటకు తీసుకెళ్తాడు. బయట లారీతో గుద్దించి బుజ్జమ్మను చంపాలనుకుంటాడు. అయితే భాగీ వెళ్లి అడ్డుపడటంతో ప్రచండ ప్లాన్‌ ఫెయిల్‌ అవుతుంది. కానీ భాగీ రోడ్డు మీద పడిపోవడంతో లారీ పాస్ట్‌గా భాగీ వైపు వస్తుంది. ఇంకా నిండు నూరేళ్ల సావాసం ఈరోజు ఏపిసోడ్‌లో ఏం జరిగిందో తెలుసుకుందాం.</p>
<p><strong>మనోహరికి వార్నింగ్‌ ఇచ్చిన భాగీ</strong></p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p>అంజులో ఉన్న ప్రచండ, బుజ్జమ్మను చంపడానికి బయటకు తీసుకుని వెళ్లిపోతాడు. ఇంట్లో భాగీ బుజ్జమ్మను పిలుస్తుంది. బుజ్జమ్మ, అంజు కనబడకపోయే సరికి కంగారు పడుతుంది. ఆనంద్‌, ఆకాష్‌లను అడుగుతుంది. వాళ్లిద్దరూ తమకు తెలియదని చెప్పగానే.. భాగీ కంగారుపడుతూ మనోహరిని అడుగుతుంది. మనోహరి తనకు తెలియదని చెప్తుంది. దీంతో భాగీ కోపగా యాదమ్మను తిడుతుంది. పిల్లలను చూసుకోకుండా ఏం చేస్తున్నావని కోప్పడుతుంది. ఎప్పుడూ ఆ మనోహరి వెనకాలే తిరుగుతావు.. అందుకో జీతం తీసుకుంటున్నావా..? ఇప్పుడు వంట కూడా చేయడం లేదు కదా..? అంటూ కోప్పడితే యాదమ్మ సారీ మేడం పొరపాటు అయిపోయింది అంటూ నిర్లక్ష్యంగా సమాధానం చెప్తుంది. భాగీ కోపంగా యాదమ్మను తిడుతూ.. ఆనంద్‌, ఆకాష్‌లు తాను వచ్చే వరకు ఎక్కడికి వెళ్లొద్దని చెప్పి బయటకు పరుగున వెళ్లిపోతుంది. మనోహరి, యాదమ్మ బయటకు వచ్చి చూస్తుంటారు. మనోహరి అనుమానంగా భాగీ, బుజ్జమ్మను కనిపెడుతుందేమో అంటుంది. అందుక యాదమ్మ అంత లేదు.. ఇవాళే బుజ్జమ్మకు ఆఖరి రోజు అంటూ చెప్తుంది.</p>
<p><strong>ప్లాన్‌ ప్రకారం బుజ్జమ్మను బయటకు తీసుకెళ్లిన ప్రచండ</strong></p>
<p>మరోవైపు రోడ్డు మీద బుజ్జమ్మను తీసుకెళ్తున్న అంజులో ఉన్న ప్రచండతో బుజ్జమ్మ అక్కా చాట్‌ బండి ఇటువైపు అయితే అటు తీసుకెళ్తున్నావేంటి..? అని అడిగితే అటువైపు ఉంది ఇటువైపు ఉంది బుజ్జమ్మ. ఇటువైపు కొత్తగా పెట్టారట.. చాలా బాగుంటుందట.. మా ఫ్రెండ్స్‌ చెప్పారు అనగానే.. బుజ్జమ్మ అయితే అటే వెళ్దాం పద అంటూ ఇద్దరూ కలిసి నడుస్తూ వెళ్తుంటారు. కొంచెం దూరం వెళ్లాక అంజు ఏవేవో మంత్రాలు చదువుతూ.. కొద్ది దూరంలో ఆగి ఉన్న లారీ డ్రైవర్‌కు సైగలు చేస్తుంది. డ్రైవర్‌ లారీ ఎక్కి స్టార్ట్‌ చేస్తాడు. మరోవైపు భాగీ రోడ్ల మీద పరుగెడుతూ వెతుకుతుంది. అంజులో ఉన్న ప్రచండ, బుజ్జమ్మను చూస్తూ.. కాసేపట్లో నీ ప్రాణాలు గాల్లో కలిసిపోతాయి. నీలో ఉన్న ఆత్మను దాని శక్తులను నేను వశం చేసుకుని వెళ్లిపోతాను అని మనసులో అనుకుంటాడు. ఇంటి దగ్గర ఉన్న మనోహరి అనుమానంగా నాకెందుకో భాగీ, బుజ్జమ్మను కాపాడేస్తుందని అనిపిస్తుంది చంభా అనగానే.. చాన్సే లేదు మనోహరి అక్కడున్నది ప్రచండ వాడు పట్టువదలని విక్రమార్కుడు అని చెప్తుంది.</p>
<p><strong>లారీతో గుద్దించి బుజ్జమ్మను చంపాలనుకున్న ప్రచండ</strong></p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p>కొంచెం దూరం వెళ్లాక చాట్‌ బండి కనిపిస్తుంది. బండిని చూపిస్తున్న ప్రచండ బుజ్జమ్మ చాట్‌ బండి అటువైపు ఉంది మనం రోడ్డు క్రాస్‌ చేసి వెళ్లాలి అని చెప్పగానే.. బుజ్జమ్మ సరే అక్కా అంటూ రోడ్డు క్రాస్‌ చేస్తుంటే.. అంజు చేయి వదిలేస్తుంది. బుజ్జమ్మ ఒక్కతే రోడ్డు దాటుతూ వెళ్తుంది. బుజ్జమ్మను చంపేయడానిక లారీ డ్రైవర్‌ చాలా స్పీడుగా వస్తుంటాడు. అప్పుడే అటు వైపు పరుగెత్తుకుంటూ వచ్చిన భాగీ చూస్తుంది. గట్టిగా బుజ్జమ్మ అని పిలుస్తుంది. ఆ సౌండ్‌కు భాగీని చూసిన అంజులో ఉన్న ప్రచండ ఈవిడెందుకు ఇక్కడకు వచ్చింది. నా పాచిక పారలేదు.. ఇప్పుడు నేను బుజ్జమ్మను కాపాడినట్టు బిల్డప్‌ ఇవ్వాలి లేకుంటే అంజు మీద అనుమానం వస్తుంది. అనుమానం వస్తే తర్వాత నాకే ఇబ్బందులు ఎదురవుతాయి అని మనసులో అనుకుంటూ బుజ్జమ్మ అంటూ వెళ్లి అంజు బుజ్జమ్మను సేవ్‌ చేయడానికి ప్రయత్నిస్తుంటే.. బుజ్జమ్మ, అంజు తప్పుకోండి అంటూ భాగీ పరుగెడుతుంది.</p>
<p><strong>బుజ్జమ్మను కాపాడి ప్రమాదంలో పడిపోయిన భాగీ</strong></p>
<p>అటువైపు కారులో వెళ్తున్న అమర్‌ భాగీని గమనించి రాథోడ్‌ మిస్సమ్మ ఏంటి అలా పరుగెడుతుంది అనగానే. రాథోడ్‌ చూసి సార్‌ రోడ్డు మీద అంజు, బుజ్జమ్మ ఉన్నారు.. లారీ వాళ్లను గుద్దేసేలా ఉంది సార్‌ అని చెప్పగానే.. రాథోడ్‌ పాస్ట్‌గా వెళ్లు అంటూ చెప్తాడు. ఇంతలో భాగీ వెళ్లి పిల్లలను పక్కకు తోసేసి కింద పడిపోతుంది. అప్పుడే కంగారు పడుతూ వచ్చిన అమర్‌, భాగీని సేవ్‌ చేస్తాడు. ఇంతలో ఇవాళ్టీ నిండు నూరేళ్ల సావాసం సీరియల్‌ ఏపిసోడ్‌ అయిపోతుంది.</p>
<p><a title="ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self">ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
3 months ago
10 
