<p><strong>Nindu Noorella Saavasam Serial Today Episode: </strong>బాధలో ఉన్న పిల్లలకు రాథోడ్‌ నిజం చెప్పగానే పిల్లుల అందరూ సంతోషంతో డాన్స్‌ చేస్తుంటారు. మనోహరి మాత్రం భయంగా చూస్తుంటుది. పిల్లుల సంతోషంగా పైకి రూంలోకి వెళ్లిపోతారు. రాథోడ్‌ బయటకు వెళ్తాడు.</p>
<p><strong>చంభా:</strong> మనోహరి నేను చెప్పాను కదా నీకు చెడు రోజులు మొదలవబోతున్నాయని</p>
<p>పైన రూంలో..</p>
<p><strong>అమ్ము:</strong> మిస్సమ్మ, బుజ్జమ్మ తిరిగి వస్తున్నారు ఐదేళ్ల తర్వాత హమ్మయ్యా</p>
<p><strong>అంజు:</strong> ఇక నువ్వు హాస్టల్ కు నేను కొడైకెనాల్‌కు వెళ్లాల్సిన అవసరమే లేదు అమ్ము</p>
<p><strong>చంభా:</strong> ఇప్పటికైనా నా మాట నమ్ముతావా మనోహరి.. నేను చెప్పేది నిజమని ఒప్పుకుంటావా..?</p>
<p><strong>ఆనంద్‌:</strong> మేము కూడా డెహ్రాడూన్‌ వెళ్లం ఇక్కడే ఉంటాం..</p>
<p><strong>ఆకాష్‌:</strong> అవును బెటర్‌ మనం వెళ్లక ముందే మిస్సమ్మ, బుజ్జమ్మ వచ్చారని తెలిసింది. మనకు మళ్లీ హ్యాపీడేస్‌ మొదలయ్యాయి</p>
<p><strong>చంభా:</strong> మనోహరి ఆ పిల్ల జన్మించినప్పుడే నీ మృత్యువు ఈ భూమి మీద అడుగుపెట్టిందని నాకు అర్థం అయింది మనోహరి. ఇక నువ్వు ప్రతిక్షణం జాగ్రత్తగా ఉండాలి మనోహరి</p>
<p><strong>మనోహరి:</strong> (మనసులో) బిడ్డతో హైదరాబాద్‌ వచ్చిన భాగీ ఇక్కడికి రాకుండా ఎక్కడికి వెళ్లినట్టు</p>
<p>అనుకుని అనుమానంగా అమర్‌ రూం దగ్గరకు వెళ్తుంది. రూంలో అమర్‌, రాథోడ్‌ మాట్లాడుతుంటారు.</p>
<p><strong>రాథోడ్‌:</strong> సార్‌ మీతో చెప్పుకోలేని కారణం అయ్యుంటుంది సార్‌</p>
<p><strong>అమర్‌:</strong> రాథోడ్‌ నాతో చెప్పుకోలేని కారణం ఉందంటే.. అది తనకు నాకు మధ్య దూరం ఉందని అర్థం అందుకే తను నన్ను విడిచి దూరంగా వెళ్లిపోయింది.</p>
<p><strong>రాథోడ్‌:</strong> లేదు సార్‌ మిస్సమ్మకు మీరంటే ఎంతో ప్రేమ గౌరవం.. మీ పెళ్లి అయ్యాక మీకు దగ్గర అవ్వాలని మిస్సమ్మ ఎంతలా ప్రత్నించారో నాకు తెలుసు.. సార్‌.. అలాంటిది మిస్సమ్మ మిమ్మల్ని దూరం చేసుకుంటుందా..?</p>
<p><strong>అమర్‌:</strong> ఇప్పుడు దూరం చేసుకుందిగా.. ఐదేళ్లుగా దూరంగానే ఉంది కదా..?</p>
<p><strong>రాథోడ్‌:</strong> పోనీ నేను ఒక్కడినే అరకు వెళ్లి అక్కడ ఎంక్వైరీ చేసి వస్తాను సార్‌</p>
<p><strong>అమర్‌:</strong> నువ్వు కూడా అరకు వెళ్లి ఎంక్వైరీ చేయకు.. రాథోడ్‌ ఇట్స్‌ మై ఆర్డర్‌.. నాకు తెలియకుండా నువ్వు తన గురించి ఎంక్వైరీ చేశావో నా గురించి నీకు బాగా తెలుసు రాథోడ్‌..</p>
<p>అంతా విన్న చంభా, మనోహరి అక్కడి నుంచి హాల్లోకి వెళ్తారు.</p>
<p><strong>చంభా:</strong> మనోహరి, అమరేంద్ర మంచి పని చేశాడు. భాగీ గురించి తను వెతకడమే కాదు రాథోడ్‌ ను కూడా వెతకొద్దు అంటున్నాడు</p>
<p><strong>మనోహరి:</strong> అమర్‌ వెతక్కపోయినా.. రాథోడ్ వెతక్కపోయినా మనం భాగీని వెతకాలి చంభా</p>
<p><strong>చంభా:</strong> ఏ ఎందుకు..?</p>
<p><strong>మనోహరి:</strong> మనం పెట్టిన భయంతో అది పారిపోయింది. ఈ అయిదేళ్లు అజ్ఞాతంలో ఉంది. అంతవరకు బాగానే ఉంది. కానీ ఏడేళ్ల గడువులో ఇంకా రెండేళ్లు మిగిలి ఉండగానే అది తిరిగి వచ్చింది. ఏ ధైర్యంతో తిరిగి వచ్చిందో దాన్ని నడిపిస్తున్న ధైర్యం ఏంటో నాకు తెలియాలి. ఆ పిల్లతో నాకు ప్రాణగండం అని చెప్పావు.. దాని అడుగు మళ్లీ ఈ ఇంట్లో పడకూడదు.. భాగీ తిరిగి ఈ ఇంటికి రాకూడదు.</p>
<p><strong>చంభా:</strong> భాగీ ఇంటికి వచ్చేదే అయితే ఈ పాటికి వచ్చేదే కదా..? తను ఎటో వెళ్లిపోయిందని రాథోడ్‌ చెప్పాడు కదా..? ఒకవేళ భాగీ బిడ్డతో ఇంటికి వచ్చినా అమరేంద్ర రానిచ్చేలా లేడు కదా..?</p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/who-is-simran-choudhary-know-hyderabad-telugu-actress-movies-fitness-secrets-age-232791" width="631" height="381" scrolling="no"></iframe></p>
<p><strong>మనోహరి:</strong> పిచ్చి చంభా నువ్వు అమర్‌లో పైకి కనిపించే కఠినత్వమే చూస్తున్నావు.. కానీ తన మనసులో అరుందతిపైన భాగీపైన ఆ బిడ్డపైన ఎంత ప్రేమ ఉందో నాకు తెలుసు..? వాళ్లు రానంత వరకే అమర్‌ రాయిలా ఉంటాడు.. వాళ్లు వచ్చాక వెన్నలా కరిగిపోతాడు.. అందుకే వాళ్లు ఎక్కడున్నారో తెలుసుకుని వాళ్లను మట్టుబెట్టాలి..</p>
<p><strong>చంభా:</strong> అర్థమైంది మనోహరి కానీ ఇంత పెద్ద సిటీలో వాళ్లు ఎక్కడున్నారని వెతకాలి.?</p>
<p>అనగానే.. దానికోదారి ఉంది అదేంటో నేను చెప్తాను పదా అంటూ ఇద్దరూ కలిసి లోపలికి వెళ్లిపోతారు. తర్వాత అంజుతో స్కూల్‌కు వెళ్లిన అమర్‌ అక్కడ బుజ్జమ్మను చూసి ఎమోషనల్‌ అవుతాడు. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title="ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self">ALSO READ: <strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
3 months ago
6 
