<p><strong>Nindu Noorella Saavasam Serial Today Episode:</strong> రూంలోంచి మనోహరి వచ్చి రామ్మూర్తిని తిడుతుంది. రామ్మూర్తి కోపంగా మనును కొట్టబోయి ఆగిపోతాడు. కన్న బిడ్డల ఉంటే నీకు అర్థం అయ్యేది వాళ్లు దూరం అయితే ఎంత బాధుంటుందో అని రామ్మూర్తి అనగానే.. మనోహరి షాక్‌ అవుతుంది.</p>
<p><strong>రామ్మూర్తి:</strong> అల్లుడు గారు…</p>
<p><strong>భాగీ:</strong> ఆయన లేరు నాన్నా బయటకు వెళ్లారు</p>
<p><strong>రామ్మూర్తి:</strong> ఏమయ్యా రాథోడ్‌ నాకు సమాధానం చెప్పలేక మీ సార్‌ ముఖం చాటేశాడా..? నువ్వైనా నిజం చెప్పయ్యా</p>
<p><strong>అంజు:</strong> రాథోడ్‌ నువ్వు ఏమీ చెప్పకపోతే డాడీ నిజం దాస్తున్నాడని అర్తం అవుతుంది. డాడీ తప్పు చేయడని చెప్పు రాథోడ్‌</p>
<p>అనగానే రాథోడ్‌, రామ్మూర్తిని తీసుకుని అక్కడి నుంచి వెళ్లిపోతాడు. ముసలోడి ఆవేశం చూస్తుంటే.. అమర్‌ తో నిజం చెప్పించేలా ఉన్నాడని మనోహరి అనుకుంటుంది. భాగీ కూడా కొన్నిసార్లు అమర్‌ చెప్పిన విషయాలు గుర్తు చేసుకుని రాథోడ్‌ వాళ్ల వెనకాలే వెళ్తుంది.</p>
<p><strong>గుప్త:</strong> అసలు ఇప్పుడు ఏమైందని ఆ మానవుడు అంతలా అరుస్తున్నాడు. అసలు ఈ మానవులకు కొంచమైనా ఓపిక ఉండదు.</p>
<p><strong>అరుంధతి:</strong> ఏం దాస్తున్నారు గుప్త గారు మీరు ఏదో దాస్తున్నారు చెప్పండి. అసలు ఇక్కడ ఏం జరుగుతుంది గుప్త గారు. ఆయన నా తల్లిదండ్రులు ఎవరో తెలిసినా చెప్పడం లేదు. మిస్సమ్మ అక్క గురించి తెలిసినా చెప్పడం లేదు. ఎందుకు ఆయన ఇంతలా దాస్తున్నారు..?</p>
<p><strong>గుప్త:</strong> అతగాడి ఆలోచనలు అతడికి ఉన్నాయి. ఏం జరిగినా ఈ మూడు రోజులు చూస్తూ సంతోషంగా ఉండు తల్లి</p>
<p><strong>అరుంధతి:</strong> దేనికి నేను సంతోషంగా ఉండాలి. నా స్నేహితురాలు నన్ను చంపి నా కాపురాన్ని ముక్కలు చేసి నా పిల్లలను అనాథలను చేయాలని చూస్తున్నందుకా..? నిజం చెప్పండి గుప్త గారు. లేదా ఆయన దగ్గరకు నన్ను తీసుకెళ్లండి.</p>
<p><strong>గుప్త:</strong> సరే బాలిక ఇది నీవు కోరి తెచ్చుకున్న కష్టం. ఒక్కసారి నిజం తెలుసుకున్నచో దాన్ని నువ్వు మరువలేవు</p>
<p>అంటూ వెల్దాం పద అని ఆరు తీసుకుని అమర్‌ ఉన్నచోటికి బయలు దేరుతారు. రాథోడ్‌, రామ్మూర్తి కారులో వెళ్తుంటారు. వాళ్లను భాగీ ఆటోలో ఫాలో అవుతుంది. ఒక దగ్గర ఆటో ఆగిపోవడంతో దిగి పరుగెడుతుంది. రాథోడ్‌ కారును ఆశ్రమం దగ్గర ఆపేస్తాడు.</p>
<p><strong>రామ్మూర్తి:</strong> ఇక్కడికి ఎందుకు తీసుకొచ్చావు రాథోడ్‌</p>
<p><strong>రాథోడ్‌:</strong> 30 ఏళ్ల క్రితం ఇక్కడ మొదలైన కథకు ఇక్కడే ముగింపు పలకాలని మా సార్‌ మిమ్మల్ని ఇక్కడికి తీసుకురమ్మన్నారు.</p>
<p><strong>రామ్మూర్తి :</strong> మీకు నిజం తెలిసినా నాకు చెప్పకుండా అడ్డుపడ్డారా..? అల్లుడు గారు.</p>
<p>అవును అన్నట్లుగా అమర్‌ తల ఊపుతాడు.</p>
<p><strong>రామ్మూర్తి:</strong> నిజం కోసం 30 ఏళ్లుగా పరుగెత్తి నా ప్రాణం అలసిపోయింది బాబు ఇక నాకు ఓపిక లేదు మీకు దండం పెడతాను నా కూతురు ఎవరో.. ఎక్కడుందో చెప్పండి బాబు</p>
<p>అంటూ రామ్మూర్తి ఏడుస్తూ వేడుకుంటాడు. అమర్‌ పలకడు</p>
<p><strong>రామ్మూర్తి:</strong> బాబు గారు మీరు ఎందుకు నిజం దాస్తున్నారు చెప్పండి..</p>
<p><strong>రాథోడ్‌:</strong> మీరు ఎన్ని చెప్పినా ఆయన అలాగే మౌనంగా ఉంటారు. ఎందుకంటే నిజం తెలిస్తే తట్టుకునే ధైర్యం మీకు లేదు సార్‌.</p>
<p><strong>రామ్మూర్తి:</strong> అయితే రాథోడ్‌ నా కూతురు గురించి నీకు కూడా తెలుసా..? తెలిస్తే నువ్వైనా చెప్పు రాథోడ్‌</p>
<p><iframe class="vidfyVideo" style="border: 0px;" src="https://telugu.abplive.com/web-stories/entertainment/heroine-anjalis-career-on-ram-charan-game-changer-192948" width="631" height="381" scrolling="no"></iframe></p>
<p><strong>రాథోడ్‌:</strong> నిజం విని తట్టుకునే శక్తి మీకు ఉందేమో కానీ నిజం చెప్పేంత ధైర్యం నాకు లేదు సార్‌. ఉండి ఉంటే ఎప్పుడో చెప్పేవాణ్ని సార్‌. ఈ నిజం ఎప్పటికైనా మా సారే చెప్పాలి. ఆ ధైర్యం ఆయనకే ఉంది సార్‌.</p>
<p><strong>రామ్మూర్తి:</strong> అల్లుడు గారు మీ కళ్లలో నీళ్లేంటి.. అయినా సరే మీరు నిజం చెప్పకపోతే నేను చచ్చిపోయినంత ఒట్టు</p>
<p>అమర్‌ షాకింగ్‌ గా చూస్తుంటాడు. ఇంతలో అక్కడికి ఆరు, గుప్త వస్తారు. బాలిక నీ గతం గురించి నిజం నీవు ప్రత్యక్షంగా తెలుసుకోవడానికి ఇక్కడకు తీసుకొచ్చాను. ఆ నిజం విన్నాక తట్టుకునే శక్తి నీకు ఆ దేవుడు ఇవ్వాలి అంటూ గుప్త చెప్తాడు. ఇంతలో అమర్, ఆరును చూస్తుంటాడు. ఏంటి గుప్త గారు నేను మా ఆయనకు కనిపిస్తున్నానా..? నా వైపే చూస్తున్నారు అని ఆరు అడుగుతుంది. ఇంతలో ఇవాళ్టీ ఏపిసోడ్‌ అయిపోతుంది.</p>
<p> </p>
<p><a title="ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట! " href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_blank" rel="noopener">ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట! </a></p>
<p> </p>
11 months ago
8 
