<p><strong>Nindu Manasulu Serial Today Episode </strong>ప్రేరణ సిద్ధూ మీద కోపమై తర్వాత సిద్ధూని కూర్చొపెట్టి నిదానంగా చెప్తుంది. గుమ్మం ముందు ఆగిన ఆ ఒక్క క్షణం చాలు నువ్వు మీ అమ్మని కోల్పోవడానికి.. ఆ ఒక్క క్షణమే అంత విలువైనది అయినప్పుడు నువ్వు ఇన్నాళ్లుగా మీ అమ్మకి దూరంగా గడిపిన క్షణాలు ఎన్ని.. మీ అమ్మ బాధపడిన క్షణాలు ఎన్ని.. మీ అమ్మ ఎంతలా మానసిక క్షోభ అనుభవించుంటుందో ఎప్పుడైనా ఆలోచించావా.. పంచుకుంటే పెరిగేది బంధం.. పెంచుకుంటే పెరిగేది ద్వేషం.. అని సిద్ధూకి చెప్తూ ఉంటుంది. <br /><img src="https://feeds.abplive.com/onecms/images/uploaded-images/2025/10/24/dae5a97576892b2bce5de27b70d3501b1761288946868882_original.jpg" width="1088" height="612" /></p>
<p><strong>ప్రేరణ:</strong> సిద్ధూ తప్పు నువ్వు చేసి ఇప్పుడు మీ నాన్న మీద అరుస్తున్నావ్ ఆయన్ని తప్పు పడుతున్నావ్.. ఆయన తప్పు చేశాడు అనుకుందాం. మీ అమ్మని నిర్లక్ష్యం చేశారు అనుకుందాం. కానీ నువ్వు అయన్ను కాలర్ పట్టుకొని నిలదీసినప్పుడు ఆయన తిరిగి నువ్వు ఏమైనా ఇంట్లో ఉన్నావా ఆలోచించావా.. బాధ్యత తీసుకున్నావా అంటే నీ సమాధానం ఏంటి.. మనఃసాక్షిని చంపుకోకుండా సమాధానం చెప్పేవాడివా.. సిద్ధూ నిన్ను తప్పు పట్టే అర్హత నాకు లేదు.. చనువు అంతకంటే లేదు కానీ ఆయన్ను ప్రశ్నించే అర్హత నువ్వు కోల్పోయావు అని చెప్తున్నా.. నిజానికి మీ అమ్మగారి పట్ల బాధ్యతగా ఉంది మీ నాన్నే.. ఆయన ఆ ఇంట్లోనే సెంట్రీలా కాపలా కాస్తున్నాడు. మీ అమ్మని చెల్లిని చూసుకుంటున్నాడు. ఒక్క రోజు ఆయన లేడు కాబట్టి ప్రశ్నిస్తున్నావ్ కానీ నువ్వు ఎక్కడున్నావో ఆలోచించాలి.. మీ నాన్న మంచోడో చెడ్డోడో నాకు తెలీదు కానీ.. నువ్వు దూరంగా ఉన్నావని కుమిలిపోతూ.. తన బిడ్డ తనకు అర్థం కావడం లేదని బాధ పడుతూ ఇప్పటికీ మీ అమ్మ మీ నాన్నకే విలువ ఇస్తూ ఆయన వైపే నిలబడింది అది గమనించావా.. అది ఎందుకో తెలుసా.. ప్రేగు బంధం దూరం అయిపోతుందనే బాధ తనకు తొలిచేస్తున్నా మూడు ముళ్ల బంధానికి విలువ ఇచ్చారు కాబట్టి.. నిన్ను ఆ బంధాన్ని కలపాలి అనుకుంటున్నారు కాబట్టి.. ఆశగా చూస్తే సరిపోదు సిద్ధూ అందుకోవడానికి ఒక ప్రయత్నం అయినా చేయాలి.. అందుకు నువ్వు ఆ ఇంటికి వెళ్లాలి.. శాశ్వతంగా అక్కడే ఉండాలి.. <br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2025/10/24/5d61eae9f03b8d4d67479868bb74eeac1761288978549882_original.jpg" width="1044" height="587" /><br /><strong>సిద్ధూ:</strong> ప్రేరణ..<br /><strong>ప్రేరణ:</strong> వాళ్ల అవసరం నీకు లేకపోవచ్చు కానీ నీ అవసరం మీ అమ్మకి ఉంది.. ఇప్పుడు కూడా నేను మీ నాన్న కోసం వెళ్లమనడం లేదు.. నీ మీద బెంగతో మంచం పట్టిన మీ అమ్మ కోసం.. ఈ రోజు నువ్వు నీ తల్లిని కాపాడుకున్నావ్.. ఇంకోసారి ఇదే పరిస్థితి వస్తే.. టైం నీది కాకపోవచ్చు సిద్ధూ. ఇప్పుడు నేను నీ పార్టనర్‌గా చెప్పడం లేదు నీ ఫ్రెండ్ ప్రేరణగా చెప్తున్నా.. తర్వాత నీ ఇష్టం అని ప్రేరణ వెళ్లిపోతుంది. <br /><img src="https://feeds.abplive.com/onecms/images/uploaded-images/2025/10/24/884c138cbbb12d2ce05648cd5b5226d11761289012085882_original.jpg" width="1093" height="615" /></p>
<p>ఇందిర సుధాకర్, ఐశ్వర్యలకు రాజశేఖరం కన్ను ఆర్పిన సంగతి చెప్తుంది. ముగ్గురు చాలా సంతోషపడతారు. ఇలాగే కొన్నిరోజులు సేవ చేస్తే మీ అందరి జీవితాలు మారిపోతాయ్ అయి సుధాకర్ అంటే దానికి ఇందిర సేవ కాదురా చెక్‌ అప్ చేయించాలి అని అంటుంది. ఇలా వెళ్లి అలా వచ్చేద్దాంరా అని ఇందిర అంటే ఏంటే నువ్వు ఇలా పొగిడానో లేదో అలా ఇరికించేయాలి అనుకుంటున్నావ్.. హాస్పిటల్‌కి తీసుకెళ్తే నేను ప్రాణాలు వదిలేయడమే అని అంటాడు సుధాకర్.. తెలీకుండా తీసుకెళ్లి తీసుకొచ్చేద్దాంరా అని ఇందిర అంటుంది. ఐశ్వర్య, ఇందిర ఇద్దరూ పట్టుపడతారు. దాంతో సుధాకర్ నన్ను నువ్వు ఒక్క నిమిషం కూడా ప్రశాంతంగా ఉండనివ్వవే అని అంటాడు. ఇంతలో ప్రేరణ వస్తే ఇందిర సంతోషంగా విషయం చెప్తుంది. <br /><img src="https://feeds.abplive.com/onecms/images/uploaded-images/2025/10/24/b3fdfc9aa24da2cf47f8317f970adb2c1761289041403882_original.jpg" width="1065" height="599" /></p>
<p>సిద్ధూ విజయానంద్‌, మంజుల గురించి ఆలోచిస్తూ ఉంటాడు. ఇంతలో ప్రేరణ కాల్ చేస్తుంది. సిద్ధూ ఏం ఆలోచించావ్ వెళ్తున్నావా లేదా అని అంటుంది. దానికి సిద్ధూ కోపమవుతాడు. మా అమ్మ పరిస్థితి మాత్రమే నీకు అర్థమవుతుందా.. నా పరిస్థితి నీకు అర్థం కావడం లేదా.. నీకేం నువ్వు ఎన్ని అయినా చెప్తావ్.. మోసే వాడికి తెలిస్తుంది. నన్ను ఒంటరిగా వదిలేయ్ అని ప్రేరణ మీద అరిచి ఫోన్ పెట్టేస్తాడు. <br /><img src="https://feeds.abplive.com/onecms/images/uploaded-images/2025/10/24/6cc04484f5ec2e051273a23d20d680981761289070712882_original.jpg" width="1109" height="624" /></p>
<p>విజయానంద్ విశ్వాసంతో సిద్ధూ గురించి మాట్లాడుతాడు. చిన్నప్పటి నుంచి వాడిని ఇబ్బంది పెడుతూ ఈ ఇంటి మీద విరక్తి పుట్టేలా చేశా.. కానీ మొదటి సారి ఇంటి గుమ్మం తొక్కాడు వాడిలో మార్పు వస్తుందా కలలో కూడా మళ్లీ ఈ ఇంటి గుమ్మం తొక్కడు కదా అని విశ్వాసంతో అంటాడు. ఆ ఛాన్సే లేదు అని విశ్వాసం అంటాడు. మేడం మీద ఎంత ప్రేమ ఉన్నా మీ మీద ఉన్న అసహ్యం సిద్ధూ బాబుని ఈ ఇంటి వైపు రానివ్వదు అని అంటాడు. అబ్బా అదే జరిగితే నేను వంద శాతం సక్సెస్ అయినట్లే అని విజయానంద్ అంటాడు.<br /><img src="https://feeds.abplive.com/onecms/images/uploaded-images/2025/10/24/5bf0a980cc0c03933b8ec3605751d3b71761289114540882_original.jpg" width="1129" height="635" /></p>
<p>అప్పుడే గుమ్మం ముందు సిద్ధూ బైక్ ఆగుతుంది. విజయానంద్‌ బిత్తరపోయి అలా ఉండిపోతాడు. సిద్ధూ ఎంట్రీ సీన్ చూస్తే విజిల్స్ పడాల్సిందే.. విశ్వాసం, విజయానంద్ నోరెళ్ల బెట్టి చూస్తూ ఉంటారు. చేతిలో బ్యాగ్‌తో సిద్ధూ గుమ్మం లోపలికి రావడం చూసి విజయానంద్ గుండె వణికిపోతుంది. ఏంటి విశ్వాసం సర్‌ప్రైజ్ అయ్యావా అని సిద్ధూ అడిగితే లేదు సార్ షాక్ అయ్యా అని అంటాడు. ఇలాంటి షాక్‌లు ఇక ముందు ముందు చాలా ఉంటాయి రెడీగా ఉండు అని సిద్ధూ అంటాడు. అంతా బ్లర్ అయిపోయింది బాబు అని విశ్వాసం అంటే.. కళ్లకి కళ్ల జోడు పెట్టుకోవడం కాదు మనసుకి ఉన్న మాస్క్ తీసేస్తే అన్నీ కనిపిస్తాయి.. అర్థమైందా అని విజయానంద్‌ని చూసి అంటాడు. మా అమ్మా చెల్లి ఎక్కడా..అని అంటాడు.. ఈ బ్యాగ్ తీసుకెళ్లి నా గదిలో పెట్టు రేపటి నుంచి నువ్వే నా గది క్లీన్ చేయాలి అని మా అమ్మతో మాట్లాడి వస్తా అని వెళ్తాడు..<br /><img src="https://feeds.abplive.com/onecms/images/uploaded-images/2025/10/24/b015ae40c7fdc305a5ba7784e58d8ed71761289166120882_original.jpg" width="1072" height="603" /></p>
<p>విజయానంద్ తేరుకొని రేయ్ ఒక్క సారి గిల్లరా ఇది కలో నిజమే అర్థం కావడం లేదు అని గిల్లించుకుంటాడు. ఇదేంట్రా విశ్వాసం ఇంత రాంగ్ బటన్ నొక్కాను అని విజయానంద్ కూలబడిపోతాడు. సిద్ధూ తల్లి దగ్గరకు వెళ్తాడు. సాహితి చూసి షాక్ అయిపోతుంది. మంజుల కూడా ఏడుస్తూ అలా ఉండిపోతే నువ్వు చూస్తుంది నిజమే అమ్మ నేను వచ్చాను అని అంటాడు. అమ్మా ఏడ్వకు నీరసంగా ఉన్నావ్ అని సిద్ధూ అంటే నిన్ను చూశాకా ఇంకా అమ్మకి నీరసం ఏంట్రా.. ఇంత కంటే ఇంకేం కావాలిరా అని ఏడుస్తుంది. సిద్ధూ చేయి పట్టుకొని నువ్వు మళ్లీ వెళ్లిపోవు కదా ఈ అమ్మ చేయి పట్టుకొని వెళ్లిపోవు కదా అని అడుగుతుంది. అమ్మ నేను ఎక్కడికీ వెళ్లను అమ్మ శాశ్వతంగా నీతోనే ఉండిపోవాలని వచ్చాను. ఇక ఎప్పటికీ నీ పక్కనే ఉంటాను అమ్మా అని అంటాడు. ప్రామిస్ చేయ్ అని మంజుల అడగటంతో సిద్ధూ ప్రామిస్ చేస్తాడు. దీంతో ఇవాళ్టి ఎపిసోడ్ పూర్తయిపోతుంది. </p>
1 month ago
2 
