<p><strong>Nindu Manasulu Serial Today Episode </strong>ప్రేరణ సిద్ధూ ఇంట్లో అందరికీ భోజనం వడ్డిస్తుంది. సిద్ధూ కాకరకాయ కూర తినను అంటే ప్రేరణ చెప్పడంతో తినమని చెప్పడంతో సిద్ధూ తింటాడు. దాంతో సాహితి మా అన్నయ్య ఎవరు చెప్పినా వినడు.. మీరు చెప్తుంటే వింటున్నాడు అని అంటుంది. మంజుల చాలా హర్ట్ అయిపోతుంది. ఆడపిల్ల కదమ్మా ఇప్పుడు అలాగే ఉంటుందని మినిస్టర్ అంటాడు.<br /><img src="https://feeds.abplive.com/onecms/images/uploaded-images/2025/11/04/db1a5a9c1097ac0a386ef5976f13fc621762229678901882_original.jpg" width="1132" height="637" /></p>
<p>మినిస్టర్ ప్రేరణకు సాంబారు వేయమని అంటాడు. ప్రేరణ వేస్తుంటే విజయానంద్‌ ప్రేరణ చేయి తోసేస్తారు దాంతో సాంబారు మినిస్టర్ మీద పడిపోతుంది. సారీ సార్ చూసుకోలేదు అని ప్రేరణ అంటే మనసు ఓ చోట మనిషి ఒక చోట ఉంటే ఇలాగే ఉంటుంది. బంగారం లాంటి బట్టలు పోయావి అని అంటాడు. ఏంటి విజయానంద్ ఇది అని మినిస్టర్ అంటే మీ విలువ మీ బట్టలు విలువ ఇలాంటి వాళ్లకు తెలీదు అని విజయానంద్ అంటాడు. దాంతో సిద్ధూ విలువ బట్టల్లో ఉండదు అని అంటాడు. <br /><img src="https://feeds.abplive.com/onecms/images/uploaded-images/2025/11/04/e8545632e295ea395a8c6c594058a6691762229710322882_original.jpg" width="1163" height="654" /></p>
<p>శైలు కలగజేసుకొని నాన్న సాంబారే కదా కడుక్కుంటే పోతుంది. నువ్వు మినిస్టర్ నాన్న డ్రస్‌ కోసం గొడవ ఎందుకు.. పైగా తను నా ఫ్రెండ్ వదిలేయండి అని అంటుంది. దాంతో మినిస్టర్ నువ్వు చెప్తే ఓకే అమ్మా.. పైగా నీ ఫ్రెండ్ కదా మర్చిపోయా. . అని అంటాడు. మినిస్టర్ డ్రస్‌ కడుక్కోవడానికి వెళ్తాడు. <br /><img src="https://feeds.abplive.com/onecms/images/uploaded-images/2025/11/04/1074f2621c5c7636e7fa2741e0fc33321762229739615882_original.jpg" width="1127" height="634" /></p>
<p>మంజుల ప్రేరణ మనకు రాని పనిలో దూరడం కాదు.. పని చక్కగా చేయాలి.. మన చుట్టూ ఉన్న వాళ్ల విలువ గుర్తించాలి అని అంటుంది. మినిస్టర్ బయల్దేరుతాడు. మంజుల శైలుకి రిటర్న్‌ గిఫ్ట్ ఇస్తుంది. నువ్వు రిటర్న్ గిఫ్ట్ ఇస్తే ఏం అడుగుతావో అని భయంగా ఉందని అంటాడు. అందరూ నవ్వుతారు. శైలు వెళ్తూ కుమార్‌ని గిచ్చేస్తుంది. దాంతో కుమార్ అరుస్తాడు. ఏమైందని మినిస్టర్ అడిగితో దోమ అని చెప్తాడు. ప్రేరణ కూడా వెళ్తాను అని అంటే సిద్ధూ కాసేపు ఉండమని అంటాడు. ప్రేరణ విజయానంద్‌తో కూడా వెళ్లొస్తా సార్ అని చెప్తుంది. మంజు ప్రేరణ ఒక్క నిమిషం ఆగమని చెప్పి రిటర్న్ గిఫ్ట్ ఇస్తుంది.<br /><img src="https://feeds.abplive.com/onecms/images/uploaded-images/2025/11/04/68012d7e3beaf8b56815a27e408e57bb1762229765556882_original.jpg" width="1122" height="631" /></p>
<p>ప్రేరణ ఈ ఫార్మాలిటీస్ వద్దు మేడం అని అంటే దానికి మంజు ఫార్మాలిటీస్ ఉండాలి. సొంత వాళ్లకి ఏం ఇవ్వకపోయినా పర్లేదు కానీ బయట వాళ్లకి ఇవ్వాలి.. మినిస్టర్ వాళ్లు కూడా బయట వాళ్లే వాళ్లకి వాళ్ల బౌండరీస్ తెలుసు అందరూ అలాగే వాళ్ల బౌండరీస్ తెలుసుకొని ప్రవర్తించాలని ఇన్‌ డైరెక్ట్‌గా ప్రేరణని అంటుంది. తల్లి మాటలకు సిద్ధూ కూడా షాక్ అయిపోతాడు. ప్రేరణని గిఫ్ట్ తీసుకోమని సిద్ధూ చెప్తాడు. దాంతో ప్రేరణ తీసుకుంటుంది. సిద్ధూ రెచ్చిపోవడానికి, మంజుకి సిద్ధూ మీద కోపం రావడానికి ఇదే మంచి టైం అని విజయానంద్‌ అనుకొని పుల్లలు పెట్టాలి అనుకుంటాడు.<br /><img src="https://feeds.abplive.com/onecms/images/uploaded-images/2025/11/04/767fc16c8def42788c63fedeee83aba31762229788624882_original.jpg" width="1163" height="654" /></p>
<p>ప్రేరణ వెళ్తూ ఉంటే విజయానంద్ ఆపుతాడు. నాకు డౌట్ ఉందమ్మా అది అడిగితే నువ్వు ఏం అనుకుంటావో అని కొంచెం ఇబ్బందిగా ఉందని అంటాడు. ఏం అవసరం లేదు ప్రేరణ నువ్వు పద అని సిద్ధూ అంటే విజయానంద్ ఉండమని అంటాడు. ప్రేరణని నువ్వు ప్రశ్నిస్తే నేను ఊరుకోను అని సిద్ధూ అడ్డుకుంటే ప్రేరణ అడ్డుకోవద్దుని మీ నాన్న ఏం అడగాలి అనుకుంటున్నారో అడగమని అంటుంది.<br /><img src="https://feeds.abplive.com/onecms/images/uploaded-images/2025/11/04/1d143a487ae49ca68120b3a9c938ad031762229808605882_original.jpg" width="1150" height="647" /></p>
<p>విజయానంద్ ప్రేరణతో నువ్వు సిద్ధూకి ఏంటి అని అడుగుతాడు. నీకు సిద్ధూకి మధ్య ఏం ఉంది అని అడుగుతాడు. నేను ఒక ఆడపిల్లని.. నేను సిద్ధూకి తెలిసినదాన్ని.. నాకు సిద్ధూకి మధ్య ఉన్నది దూరం.. బతకడానికి చేసే వ్యాపారం.. అని అంటుంది. నా ప్రశ్నకి నీ సమాధానం సరిపోలేదు అని విజయానంద్ అంటాడు. మనసు చెప్పే దాన్ని చెప్పడానికి కొలతలు ఉండవు అని అంటుంది. నువ్వు చెప్పేది నమ్మేలా ఉండాలి అని అంటాడు విజయానంద్ దాంతో సిద్ధూ నీకు అర్థం కావాలి అంటే నీకు ముందు మనసు ఉండాలి.. అన్నింటి కంటే ముందు ప్రేరణలాంటి అమ్మాయిని తప్పు పట్టడానికి నీకు అర్హత ఉండాలి అని అంటాడు. అవేవీ నీకు లేదు అని సిద్ధూ అంటే నాకు ఉన్నాయి అని మంజు అంటుంది.<br /><img src="https://feeds.abplive.com/onecms/images/uploaded-images/2025/11/04/770d24e66a839d3d8eb13ea99132c4ba1762229829377882_original.jpg" width="1125" height="633" /></p>
<p>మంజు కలుగ జేసుకొని అదే ప్రశ్న నేను నిన్ను అడుగుతున్నా సమాధానం చెప్పు అంటుంది. నీకు తనకు మధ్య ఏం ఉంది అని అడుగుతుంది. నన్ను ప్రశ్నించే హక్కు నీకు ఉంది.. అబద్ధం చెప్పడానికి నేను ఆయనలా పచ్చనోటు తిని బతకడం లేదు.. నీ గోరు ముద్దలు తిని పెరిగాను అంటాడు. అయితే నిజం చెప్పు అని మంజు అంటే ఇంత చెప్పినా అనుమానిస్తున్నావా అమ్మ అని సిద్ధూ అంటాడు. నా కొడుకు విషయంలో నేను జాగ్రత్త పడుతున్నా అని మంజు అంటుంది. నీ ఎదురుగా ఉన్నది ఆత్మాభిమానం ఉన్న మనిషి అమ్మ అని సిద్ధూ అంటే అంత అత్మాభిమానం ఉంటే హద్దుల్లో ఉండాలి ఆ హద్దులు నాకు తెలీదు అంటుంది. ఆడపిల్ల హద్దులు నీకు అర్థం కావడం లేదు అంటే ఈయన గారు నీ కళ్లు కప్పేశారని నాకు అర్థమవుతుంది అని అంటాడు. <br /><img src="https://feeds.abplive.com/onecms/images/uploaded-images/2025/11/04/5da74f2d175441d99e7dfd2823fa126d1762229845821882_original.jpg" width="1092" height="614" /></p>
<p>మంజు చాలా కోప్పడుతుంది. నా భర్త మాటలే నేను వింటానురా.. నువ్వు ఓ అమ్మాయి మాట వింటే లేని తప్పు నేను నా భర్త మాట వింటే తప్పేంటి అంటుంది. నిజం ఎవరు చెప్పినా విన్నా తప్పు లేదు కానీ అబద్ధం నమ్మేస్తే నీ అంత అమాయకం ఎవరూ ఉండరు అమ్మా అంటాడు. విజయానంద్ ప్రేరణతో చూశావా అమ్మ ఎంత దిగజారిపోతున్నాడో చూశావా నిన్ను ఉత్తమరాలు అంటూ కన్నతల్లిని మూర్ఖురాలు అంటున్నాడు వీడు అని అంటాడు. నేను మా అమ్మని ఆ మాట అనలేదు నువ్వు అలా చెప్పొద్దు అని సిద్ధూ అంటాడు.<br /><img src="https://feeds.abplive.com/onecms/images/uploaded-images/2025/11/04/c01552b2cf9d610148e6fe3d9c13ee631762229861959882_original.jpg" width="1131" height="636" /></p>
<p>మీ అమ్మ మనసు నువ్వు విరిచేశావ్ దాని అర్థం అదే అని అంటాడు. ఓరినాయనో మా సార్‌ది మామూలు బుర్ర కాదు పుల్లపెట్టేశాడు అని విశ్వాసం అనుకుంటాడు. వాళ్ల అమ్మ అంటే వాడికి ప్రాణం వాడి ఆవేశాన్ని నేను ఆపలేకపోయా.. వాళ్ల అమ్మ ఆపలేకపోయింది.. కానీ నువ్వు మాట్లాడొద్దు అంటే ఆగిపోయాడు..ఏంటమ్మా ఇది అని అంటాడు. పండగకు బట్టలు కూడా వాళ్ల అమ్మ చెప్తే వేసుకోకుండా నువ్వు చెప్తే వేసుకున్నావ్ అంటాడు. లేని పోనివి చెప్పి మా అమ్మ మనసు నెగిటివిటీ చేయొద్దు.. మా అమ్మ చెప్తే నేను డ్రస్ వేసుకున్నా అని సిద్ధూ అంటాడు.</p>
<p>విజయానంద్‌ ప్రేరణతో ఇంత చెప్పినా మీ మధ్య ఏం లేదు అంటావా అమ్మా అని అడుగుతాడు. ఉంది అని ప్రేరణ అంటుంది. దాంతో సిద్ధూతో పాటు అందరూ షాక్ అయిపోతారు. ఏంటి ఆ సంబంధం అని మంజు అడుగుతుంది. ఆకాశానికి నేలకి ఉన్న సంబంధం, ఉత్తర దిశకి దక్షిణ దిశకి ఉన్న సంబంధం, రెండు రైలు పెట్టెలకు ఉన్న సంబంధం.. వాటి సంబంధం ఏంటో అర్థం చేసుకుంటే నిజం మీకు తెలుస్తుంది అని ప్రేరణ అంటుంది. మీ మధ్య అందనంత దూరం ఉందని అంటే ఓకే సిద్ధూ తన పన్నేండో ఏట నన్ను కాదు అన్నాడు. 14 యాట హాస్టల్‌కి వెళ్లాడు. 20 ఏళ్లకి బయటకు వెళ్లిపోయాడు. ఈ ఆరేళ్లలో వాడు ఈ ఇంటి ముఖమే చూడలేదు.. కానీ నాలుగు నెలల పరిచయం ఉన్న నువ్వు చెప్పగానే ఇంటికి వచ్చేశాడు అంటే ఏం అనుకోవాలి అని అడుగుతాడు. దీంతో ఇవాళ్టి ఎపిసోడ్ పూర్తయిపోతుంది. </p>
1 month ago
2 
