<p> <strong>Nindu Manasulu Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 25న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p> <strong>కొంగు కప్పుకొని ఎందుకు వచ్చావ్..<br /><img src="https://feeds.abplive.com/onecms/images/uploaded-images/2026/07/27/c3249d21fefcd7ab3da93741512b58a21785129612808882_original.jpg" /></strong></p>
<p>ప్రేరణ జాకెట్ చినిగిపోవడంతో సిద్ధూ చూస్తే గొడవ చేస్తాడు అని ప్రేరణ కొంగు కప్పుకొని వస్తుంది. ఎందుకు అలా చీర కప్పుకున్నావ్ అని సిద్ధూ అడిగితే ఊరికే అని చెప్తుంది. ఊరికే అలా చేయవే అని సిద్ధూ అంటే ఏం కాలేదు సిద్ధూ అని ప్రేరణ అనేస్తుంది. తర్వాత గదిలోకి వెళ్లి ప్రేరణ జాకెట్ చూసుకుంటూ ఉంటే సిద్ధూ చూసి ఏయ్ ఏమైంది.. అని కంగారుగా అడుగుతాడు. దారిలో వస్తుంటే మేకు తగిలిందని ప్రేరణ చెప్తే సిద్ధూ నమ్మడు. దాంతో ప్రేరణ ఎందుకు సిద్ధూ నమ్మవు.. నాకు కాసేపు వదిలేయ్ నేను బట్టలు మార్చుకోవాలి వెళ్లు అని అరుస్తుంది. సిద్ధూ మనసులో ఏదో దాస్తుందని అనుకుంటాడు. </p>
<p><strong>ఏ భార్యా అలా చెప్పదు.. <br /><img src="https://feeds.abplive.com/onecms/images/uploaded-images/2026/07/27/4a36a780a19492960b3a08cf729040861785129702095882_original.jpg" /></strong></p>
<p>ప్రేరణ ఓ చోట కూర్చొని ఆలోచిస్తూ ఉంటే సిద్ధూ కాఫీ తీసుకొని వెళ్లి ఇచ్చి తాగమని అంటాడు. ప్రేరణని గమనిస్తూనే ఉంటాడు. ప్రేరణ భార్యాభర్తల మధ్య భేదాభిప్రాయాలు ఉండొచ్చు కానీ దాపరికాలు ఉండకూడదు అని అంటాడు. నీపై నా ప్రేమని దాస్తున్నా అని అంటుంది. ఎప్పుడూ ఏం దాచవు.. ఇప్పుడు దాయొద్దు అని అడుగుతాడు. ఏ భార్యా తనకు ప్రైవసీ కావాలని భర్తకి చెప్పదు.. ఏం లేదా.. నా మీద ఒట్టేసి చెప్పి అని అడుగుతాడు. ఏం లేదు అని ప్రేరణ అంటే నీ ముఖం చూస్తే ఏదో దాస్తున్నావ్ అని అంటాడు. ప్రేరణ మాత్రం ఏం చెప్పదు.. మనసులో నాకు నీ ఆవేశం గురించి తెలుసు సిద్ధూ అందుకే చెప్పడం లేదు అని అనుకుంటుంది. సిద్ధూ మనసులో నువ్వు దాస్తుంది ఏదో తెలుసుకునే వరకు వదలను అని అనుకుంటాడు. </p>
<p><strong>ALSO READ: <a title="Illu Illalu Pillalu Serial Today July 27th: ఇల్లు ఇల్లాలు పిల్లలు: గొడవ మొదలు పెట్టిన సేనాపతి! భోజనాలు దగ్గర టెన్షన్ టెన్షన్!" href="http://telugu.abplive.com/entertainment/tv/illu-illalu-pillalu-serial-today-july-27th-2026-written-update-in-telugu-in-star-maa-jio-hotstar-254615" target="_self">Illu Illalu Pillalu Serial Today July 27th: ఇల్లు ఇల్లాలు పిల్లలు: గొడవ మొదలు పెట్టిన సేనాపతి! భోజనాలు దగ్గర టెన్షన్ టెన్షన్!</a></strong></p>
<p><strong>నేనే చెప్పాను ప్రేరణ గారు..<br /><img src="https://feeds.abplive.com/onecms/images/uploaded-images/2026/07/27/a2e17d9803b9610f6208ec8f6b4cf1d21785129672373882_original.jpg" /></strong></p>
<p>ప్రేరణ డిన్నర్ రెడీ చేసి టేబుల్ మీద పెడుతూ ఉంటుంది. ఇంతలో సిద్ధూ వచ్చి మనం అర్జెంటుగా వెళ్లాలి నాతో రా అని ప్రేరణని ఎమ్మెల్యే కొడుకు దగ్గరకు తీసుకెళ్తుంది. ప్రేరణ వాడిని చూసి షాక్ అయిపోతుంది. నువ్వు చెప్పకపోతే నేను తెలుసుకోలేను అనుకున్నావా అని కుమార్‌ని పిలుస్తాడు. కుమార్ ఏంటి ఇది అని ప్రేరణ అడిగితే సారీ ప్రేరణ గారు నేనే చెప్పాను అని చెప్పి.. సిద్ధూతో వాడు ఎమ్మెల్యే కొడుకు అంటరా.. ప్రేరణగారితో తప్పుగా ప్రవర్తించాడు.. అని చెప్తాడు. సిద్ధూ నేను వార్నింగ్ ఇచ్చాను.. కొట్టాను ఇంక వాళ్లతో గొడవ వద్దు అని అంటుంది. </p>
<p><strong>రేయ్ హీరో వచ్చాడురా..<img src="https://feeds.abplive.com/onecms/images/uploaded-images/2026/07/27/bb9575e7a43658c873e246963375e6ff1785129631456882_original.jpg" /><br /><br /></strong>ప్రేరణని ఎమ్మెల్యే కొడుకు చూసి ఏంటి మేడం మళ్లీ వచ్చారు.. చేసిన అవమానం సరిపోలేదా.. లేదంటే నా మీద బెంగతో వచ్చేశావా.. ఈ సార్ ఎవరు నీ మొగుడా.. రేయ్ హీరో వచ్చాడురా అని తన స్నేహితులకు చెప్తాడు. రేయ్ చేసిన తప్పునకు తన కాళ్లు పట్టుకొని క్షమించమని అడగరా.. లేదంటా ఏం చేస్తానో నాకే తెలీదు అని సిద్ధూ అంటే ఏంట్రా నువ్వు నాకు చెప్పేది.. దీన్ని ఆ రోజు వదిలేసి తప్పు చేశానురా.. ఇప్పుడు చెప్తా.. ఇది నా మీద చేయి చేసుకుంది.. దాన్ని నా కాలు పట్టుకొని క్షమించమని చెప్పు.. అప్పుడు వదిలేస్తా దాన్ని నిన్ను.. అని అంటాడు. దాంతో సిద్ధూ ఎమ్మెల్యే కొడుకు చేయి విరిచేస్తాడు. అతని స్నేహితులు సిద్ధూ మీదకు వెళ్తే వాళ్లని చితక్కొడతాడు. ఎమ్మెల్యే కొడుకు దెబ్బకి అరుస్తూ గోల చేస్తాడు. </p>
<p><strong>ఎమ్మెల్యే కొడుకని తెలిసే కొట్టాడు..<br /><img src="https://feeds.abplive.com/onecms/images/uploaded-images/2026/07/27/df511e74b6b23cb56884f1d2560d1ce11785129392448882_original.jpg" /></strong></p>
<p>ఎమ్మెల్యే తన పీఏతో ప్రోగ్రాం గురించి మాట్లాడుకుంటాడు. మళ్లీ నేనే ఎమ్మెల్యే అవ్వాలి.. ఏం చేయాలో అది చేయాలి అంటాడు. ఇంతలో కొడుకు కట్లతో రావడం చూసి ఏమైందిరా ఎవరు నా కొడుకుని కొట్టింది అని అడుగుతాడు. దానికి అతని కొడుకు ఫ్రెండ్స్ ఎవరో పేరు తెలీదు అంకుల్ కానీ ఎమ్మెల్యే కొడుకు అని తెలిసే కొట్టాడు. ఎవరైతే నాకేంట్రా అంటున్నాడు అని చెప్తారు. వాళ్లని వదలొద్దు డాడ్.. నా కంటే గట్టిగా వాడికి తగలాలి అని అంటాడు. దాంతో ఎమ్మెల్యే పీఏతో నా కొడుకుని కొట్టిన వాడి డిటైల్స్ తెలుసుకోమని అంటాడు. ఇక రౌడీలతో నా కొడుకుని కొట్టిన వాడి కాళ్లు చేతులు కట్టేసి నా కాళ్ల దగ్గర పడేయమని అంటాడు. </p>
<p><strong>వాడిని చంపేయాలని ఉంది.. <br /><img src="https://feeds.abplive.com/onecms/images/uploaded-images/2026/07/27/49566dea5ff5fad18163dca15dd46f221785129365338882_original.jpg" /></strong></p>
<p>ఇంత జరిగినా విషయం నాకు చెప్పలేదు అని సిద్ధూ ప్రేరణ మీద అరుస్తాడు. నీ ఆవేశం నాకు తెలుసు కాబట్టి నీకు చెప్పలేదు అని ప్రేరణ అంటుంది. వాడు నిన్ను ఏం అన్నాడో నువ్వు వాడిని ఏం చేశావ్ నాకు మొత్తం తెలుసు.. అయిన వాళ్లు నిన్ను ఏమైనా అంటేనే ఊరుకోను అలాంటిది వాడు ఎవడో అంటే ఊరుకుంటానా.. వాడిని అక్కడికక్కడే చంపేయాలన్న కోపంగా ఉంది అని అంటాడు. ఏంటి సిద్ధూ నువ్వు ముందు వెనక ఆలోచించవు.. వాడికి జరగరానిది ఏమైనా అయితే ఇంట్లో అందరూ నీ గురించి బాధ పడతారు అని అంటుంది. నా భార్య కోసం నేను ఏమైనా చేస్తా ఎంత దూరం అయినా వెళ్తా అని సిద్ధూ అంటే ప్రేరణ హగ్ చేసుకుంటుంది. నిన్ను ఎవరు ఏమైనా అంటే నేను తట్టుకోలేను అని సిద్ధూ అంటాడు. </p>
<p><strong>బావ మీరు కొట్టిన అబ్బాయ్ హాస్పిటల్‌లో ఉన్నాడు.. <br /><img src="https://feeds.abplive.com/onecms/images/uploaded-images/2026/07/27/b5aca6d4f987709effd25f110d1c43a21785129337489882_original.jpg" /></strong></p>
<p>గణ ఇంటికి వచ్చి సిద్ధూ, ప్రేరణ ఎక్కడ ఉన్నారు ఒకసారి పిలవండి అని అంటాడు. సాహితి ఇద్దరినీ పిలుస్తుంది. బావ మీరు కొట్టిన అబ్బాయ్ హాస్పిటల్‌లో ఉన్నాడు.. చాలా గాయాలు అయ్యావి అని అంటాడు గణ. తప్పు చేసిన వాడిని నేను వదలను అని సిద్ధూ అంటే బావ మీకు తప్పు అనిపిస్తే నాకు చెప్తే నేను చూసుకునేవాడిని కదా.. ఇలా చట్టాన్ని చేతుల్లోకి తీసుకోకూడదు కదా అని గణ అంటాడు. నా భార్యతో తప్పుగా ప్రవర్తిస్తే నేను ఊరుకోను.. వాడి తప్పు వాడికి చెప్పాలి అనుకుంటే మళ్లీ నా భార్యని అవమానించాడు అని అంటాడు. జరిగింది జరిగిపోయింది కానీ విషయం పెద్దది ఎందుకు అయింది అంటే వాడు ఓ ఎమ్మెల్యే కొడుకు అని గణ అంటే తెలుసు అని సిద్ధూ అంటాడు. అందరూ షాక్ అయిపోతారు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
3 months ago
7 
