<p><strong>Nindu Manasulu Serial Today Episode </strong>ప్రేరణ మినిస్టర్ కూతురి పెళ్లి చేయడంతో ఇందిర చాలా ఏడుస్తుంది. మినిస్టర్ పగ పట్టి ఏం మనల్ని ఏం చేస్తారో.. అని అంటుంది. కుమార్, శైలు పెళ్లి చేసుకోకపోయి ఉంటే శైలు చనిపోయేది.. ఆ గిల్ట్ నేను జీవితాంతం మోయలేను.. నీ లాంటి అమ్మ శైలుకి ఉండి ఉంటే తను కూడా నాలాగే చేసేది అని అంటుంది. </p>
<p>సుధాకర్ ఇందిరతో అక్క నీ టెన్షన్ అంతా ఆ గణగాడి గురించి మినిస్టర్ గురించే కదా.. గణకి ఉద్యోగం లేదు వాడేం చేయలేడు.. ఇక మనిస్టర్ అంటావా.. తన కూతురు ఇష్టమైన పెళ్లి చేసుకుంది. కూతురే తన ఇష్టంతో వెళ్లిపోతే ప్రేరణ మీద ఎందుకు పగ పడతాడు. పైగా ఇందులో సిద్ధూ కూడా ఉన్నాడు. సిద్ధూ వాళ్ల నాన్న పెద్ద బిజినెస్‌మెన్.. ఆయన చూసుకుంటారు అని సర్ది చెప్తాడు. దాంతో ఇందిర కాస్త కూల్ అవుతుంది. </p>
<p>మినిస్టర్ గణని లాగి పెట్టి కొట్టి ఒక్క పది నిమిషాల ముందు నువ్వు వచ్చుంటే నా కూతురి పెళ్లి అయ్యిండేది కాదు.. అంతా నీ వల్లే జరిగింది నీ వల్లే నేను తలదించుకోవాల్సి వచ్చింది.. నీ ముఖం కూడా నాకు చూపించొద్దు అని మినిస్టర్ అంటాడు. సార్ అనవసరంగా నన్ను అనొద్దు.. నేను అంతకు ముందే మీకు కుమార్ గురించి చెప్పాలి అని ఫోన్ చేసి చెప్పాలి అనుకున్నా మీరు ఫోన్ లిఫ్ట్ చేశారా.. కనీసం ఎక్కడ ఉన్నారో చెప్పారా.. అయినా కుమార్‌ని మీరు కనుక్కోలేకపోయారు.. పవర్‌లో ఉండి కూడా మీరు ఏం చేయలేకపోయారు. కానీ పవర్‌లో లేని నేను ఈ పని చేశాను..అసలు నాకు ఈ పని అప్పగించి ఉంటే మీకు ఈ పరిస్థితి వచ్చేది కాదు అంటాడు.</p>
<p>మినిస్టర్ కోపంగా ఒకసారి నిన్ను నమ్మి నీ దగ్గరకు వచ్చా.. దాంతో నా కూతురు అలర్ట్ అయిపోయింది.. అందుకే పెళ్లి చేసుకుంది అని అంటాడు. సార్ మీకు నిజం చెప్పాలి అనుకున్న నేను చెడ్డ వాడిని.. మీ చేతి అక్షింతలు వేయించి పెళ్లి చేయించిన సిద్ధూ, ప్రేరణలకు అందరి ప్రసంశలు.. ఇప్పటికీ మీరు నాదే తప్పు అంటే నేను మీ కాళ్లు పట్టుకుంటా.. ఇప్పటికీ మీ కోసం ఏం చేయడానికైనా రెడీ ఏం చేయాలో చెప్పండి అని గణ అడిగితే నీ అవసరం నాకు లేదు.. నా కూతుర్ని నా దగ్గరకు ఎలా తెచ్చుకోవాలో నాకు తెలుసు.. నువ్వు ఈ విషయంలో అస్సలు జోక్యం చేసుకోవద్దు.. చేసుకుంటే నువ్వే పోతావ్.. పో..అని<br /> మినిస్టర్ అరుస్తాడు. గణ షాక్ అయి వెళ్లిపోతాడు.</p>
<p>మినిస్టర్ ఆవేశంగా ప్రేరణ, సిద్ధూ మిమల్ని వదలను అని అనుకుంటాడు. సిద్ధూ, ప్రేరణలు జరిగిన విషయం తలచుకొని ఒకరికి ఒకరు ఒకేసారి ఫోన్లు చేసుకుంటారు. దాంతో ఇద్దరికీ ఒకే సారి బిజీ వస్తుంది. సిద్ధూ ఎవరితో మాట్లాడుతున్నాడు అని ప్రేరణ అనుకుంటే ప్రేరణ ఎవరితో మాట్లాడుతుందని సిద్ధూ అనుకుంటారు. ఇంతలో ప్రేరణ కాల్ చేస్తే మళ్లీ కనెక్ట్ అవుతుంది. దాంతో ఇద్దరూ మాట్లాడుకొని కంటిన్యూగా ఎవరితోనో మాట్లాడుతున్నావని తిట్టుకుంటారు. చివరికి ఇంత సేపు మనం ఒకరికి ఒకరు ఫోన్ చేసుకుంటున్నామా అని నవ్వుకుంటారు. </p>
<p>ప్రేరణ ఇంట్లో జరిగిన విషయం చెప్తుంది. నాకు ఏం అవుతుందా అని మా అమ్మ చాలా టెన్షన్ పడింది.. తనని ఒప్పించడానికి తల ప్రాణం తోకకి వచ్చిందని నీ పరిస్థితి ఏంటి అని ప్రేరణ అడిగితే.. ఆ పెద్దమనిషి ఈ సారి ఎక్కువ రియాక్ట్ అయ్యారు.. దాంతో అమ్మ కంగారు పడుతుందని అంటాడు. కుమార్, శైలు హ్యాపీగా ఉన్నారు కదా.. అది చాలు అని అంటాడు. నాకు ఆనందంగా ఉందని ప్రేరణ అంటే నా పక్కన ఉంటే జీవితాంతం సంతోషంగా ఉంటావని సిద్ధూ అంటే ఉంటుంది ఉంటుంది.. వీటన్నింటిలో పడి చదువు పక్కన పెట్టేశాం సిలబస్ అంతా కంప్లీట్ చేసినప్పటికి మన పని అయిపోతుందని ప్రేరణ అంటుంది. </p>
<p>విజయానంద్ భార్య, కూతురితో సిద్ధూ మినిస్టర్‌తో గొడవ పడ్డాడు కదా.. ఇప్పుడు సిద్ధూని ఏం చేస్తాడో అని అందరినీ టెన్షన్ పెట్టేస్తాడు. సిద్ధూ కేఫ్‌కి వెళ్తుంటే మంజుల ఆపి ఇక నుంచి నువ్వు ఇంట్లోనే ఉండాలి అంటుంది. ఎందుకమ్మా అని సిద్ధూ అడిగితే మినిస్టర్ నిన్ను ఏదో చేస్తాడని డాడీ చెప్పారని సాహితి అంటే అమ్మ నాకు ఏం కాదని నేను నీకు మరీ మరీ చెప్పాను వెళ్లనివ్వు అని అంటాడు. వద్దు సిద్ధూ చిన్నప్పటి నుంచి నువ్వు నాకు దూరం దూరంగా ఉంటున్నావ్.. ఇప్పుడిప్పుడే దగ్గరగా ఉన్నావ్.. ఎక్కడికీ వెళ్లకు నాన్న అని అంటుంది. తప్పు చేసిన వాళ్లే అంత దర్జాగా తిరిగితే నేను ఎందుకు అమ్మా దాక్కోవాలి అని అంటాడు. మంజుల ఎంత చెప్పినా సిద్ధూ వినకుండా తల్లికి సర్ది చెప్పి బయటకు వెళ్తాడు.</p>
<p>మినిస్టర్ రౌడీలను పిలిచి తన కూతురికి అనుమానం రాకుండా కుమార్‌ని ఎత్తుకొని వచ్చేయమని అంటాడు. వాడిని నేనే నా చేతులతో చంపేస్తా అని అంటాడు. సిద్ధూ, ప్రేరణ కేఫ్‌కి వస్తారు. కుమార్ ఇంకా కేఫ్‌కి రాలేదు.. వాడికి అస్సలు బాధ్యత లేదు అని తిడతాడు. కుమార్‌కి ఫోన్ చేస్తుంటే ప్రేరణ ఫోన్ తీసుకొని కొత్తగా పెళ్లి అయింది కదా.. సరదా ఉంటుంది వదిలేయ్ అంటుంది. కుమార్, శైలు హ్యాపీగా కాఫీ చేసుకుంటూ ఉంటే సిద్ధూ కాల్ చేస్తే కుమార్ ఏంట్రా చెప్పు అంటాడు. రేయ్ నువ్వు కోరుకున్నట్లు నీ పెళ్లి చేశా కదరా.. మరి కేఫ్‌కి రాకుండా ఏం చేస్తున్నావ్‌రా అని అడుగుతాడు. ఓరేయ్ కొత్తగా పెళ్లి అయిన వాళ్ల మధ్య కొన్ని సరదాలు ఉంటాయి కదా మాకు ఏకాంతం ఇవ్వాలి అని తెలీదా పెట్టేయ్ ఫోన్ అని అంటాడు. ప్రేరణ దగ్గర పరువు పోతుందని సిద్ధూ నేనే ఏం చెప్తే అదే వాడికి వచ్చేస్తా అన్నాడు అంటే మొత్తం నేను విన్నానులే అని ప్రేరణ అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
3 months ago
6 
