<p><strong>Nindu Manasulu Serial Today Episode </strong>గణ చాలా మంచోడు.. ఇప్పటికైనా అర్థం చేసుకో అని మంజుల సిద్ధూతో అంటుంది. దానికి సిద్ధూ కాసేపు ఆగమ్మా తనెలాంటి వాడో నీకు ఇంకా బాగా తెలుస్తుంది అని అంటాడు. పంతులు టైం అయిందని గణని పిలుస్తాడు. ఇంతలో కుమార్ రావడంతో మీ ఫ్రెండ్ బుద్ధి మారకుండా చూసుకో అని మంజుల అంటుంది. </p>
<p>కుమార్‌కి సిద్ధూ స్వాతి గురించి అడుగుతాడు. స్వాతి ఇంకా దొరకలేదు అని కుమార్ అంటాడు. ప్రేరణ గురించి అడిగితే వర్షని కలిసింది అని తీసుకొస్తుందని అంటాడు. కుమార్ హ్యాపీగా ఫీలవుతాడు. దూరం నుంచి విజయానంద్‌ చూసి నా సమస్యను నా కొడుకు కచ్చితంగా సాహితి కోసం తీర్చుతాడురా అని అనుకుంటాడు. గణ వచ్చి మీరేం ప్లాన్ చేయడం లేదు కదా చేస్తే మీ బాగోతం బయట పెడతా అని గణ అంటాడు.</p>
<p>వర్ష చాలా ఏడుస్తుంది. వాడిని అంత గుడ్డిగా ఎలా నమ్మానో అర్థం కావడం లేదు.. నన్నే చంపాలి అని చూశాడు. మనిషి ప్రాణం తీయడం అంత ఈజీనా అని ఏడుస్తుంది. ఇక ఇద్దరూ సిటీకి దూరంగా ఉండటంతో ఏవరైనా లిఫ్ట్ ఇస్తారేమో అని చూస్తారు. తీరా చూస్తే ఇద్దరూ రౌడీలకు దొరికిపోతారు. రౌడీలు ఇద్దరినీ పట్టుకొని తమ కారులో ఎక్కించుకుంటారు. </p>
<p>గణ, సాహితిలు పెళ్లి మండపంలో కూర్చొంటారు. సిద్ధూ పొగరుగా వచ్చి గణ ఎదురుగా కూర్చొంటాడు. సిద్ధూని చూసి విజయానంద్ రిలాక్స్ అయిపోతాడు. గణ భయపడుతూ ఉంటే ఇంతలో రౌడీలు కాల్ చేసి వర్షతో పాటు ప్రేరణ కూడా దొరికిపోయారని చెప్తారు. గణ రిలాక్స్ అయిపోతాడు. వీడేంటి అదోలా నవ్వుతున్నాడని సిద్ధూకి డౌట్ వస్తుంది. వెంటనే ప్రేరణకి కాల్ చేస్తాడు. రౌడీలు ప్రేరణ దగ్గర ఫోన్ లాక్కుంటారు. ఫోన్ స్విచ్‌ ఆఫ్ చేస్తారు. దాంతో సిద్ధూ సీరియస్‌గా షాకైనట్లు గణని చూస్తే గణ నవ్వుతాడు. విజయానంద్‌ విశ్వాసంతో ఇంత వరకు సిద్ధూ కాన్ఫిడెంట్‌గా ఉన్నాడు ఇప్పుడు సిద్ధూ టెన్షన్ పడితే గణ ఏంట్రా అంత రిలాక్స్‌గా ఉన్నాడు అని అడుగుతాడు. మీ కొడుకు ఏదో ప్లాన్ చేస్తే మీ అల్లుడు తిప్పి కొట్టినట్లు ఉన్నాడు సార్ అని విశ్వాసం చెప్తాడు. ప్రతీసారి అల్లుడు అనకురా అని విజయానంద్ అంటే అల్లుడు అయితే పర్లేదు సార్ మీకు మొగుడు అయితే ప్రమాదం అని అంటాడు.</p>
<p>పంతులు కన్యాదానం చేయాలి అని విజయానంద్‌ని పిలవమని మంజులకు చెప్తాడు. మంజుల భర్తని పిలుస్తుంది. విజయానంద్‌ గణ కాళ్లు కడుగుతాడు. గణ సిద్ధూని చూసి కళ్లు ఎగరేస్తాడు. నీళ్లు నెత్తిన చల్లుకోండి.. బొట్టు పెట్టండి అని విజయానంద్‌కి పంతులు చెప్పడంతో చాలా చిరాకు పడతాడు. ప్రేరణ ఏదో ప్రమాదంలో ఉందని సిద్ధూకి అర్థమైపోతుంది. </p>
<p>ప్రేరణ రౌడీ చేయి కొరికేస్తుంది. దాంతో అతను గన్ చూపిస్తాడు. ప్రేరణ వాళ్లు గన్ తోసేస్తారు. ఇక రౌడీలు ఇద్దరికీ మత్తు మందు పెట్టేస్తారు. ఇద్దరూ కారులో కళ్లు తిరిగి పడిపోతారు. ఈ గొడవలో కారు రంజిత్ కారుని ఢీకొడుతుంది. రంజిత్ వాళ్ల కంగారు చూసి ఏంటి కంగారు పడుతున్నారు అంటే మా అమ్మని హాస్పిటల్‌కి తీసుకెళ్తున్నామని చెప్తారు. రంజిత్ నమ్మేస్తాడు. ప్రేరణ రంజిత్‌ని చూసి పిలవడానికి ప్రయత్నిస్తుంది కానీ రంజిత్‌కి కనిపించదు. ఇక ప్రేరణ చేయి డోర్ దగ్గర పెడుతుంది. దాంతో రంజిత్ ప్రేరణ చేయి చూసి ప్రేరణలా ఉందేంటి ఏదో జరుగుతుందని రౌడీల కారుని వెంబడిస్తాడు. ఇక సాహితి, గణలకు పెళ్లి బట్టలు మార్చుకొని రమ్మని అంటారు. గణ ఈ పెళ్లిని ఇక ఎవరూ ఆపలేరు అని విజయానంద్‌తో అంటాడు. ప్రేరణ, వర్ష ఎక్కడున్నారో తెలీడం లేదు.. ఎక్కడున్నారో తెలుసుకుంటా అని సిద్ధూ అంటాడు. దీంతో ఇవాళ్టి ఎపిసోడ్ పూర్తయిపోతుంది. </p>
3 months ago
6 
