<p><strong>Nindu Manasulu Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు( ఆగస్టు 14న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> </p>
<p><strong>నా కంటే హైట్ తక్కువ ఉండాలి..</strong></p>
<p>ప్రేరణ, సిద్ధూల పెళ్లి చూపులు సీన్ కంటిన్యూ అవుతుంది. సిద్ధూ ప్రేరణకు ఎలాంటి వాడు నీకు భర్తగా రావాలి అనుకుంటున్నావ్ అని అడుగుతాడు. దానికి ప్రేరణ నా కంటే ఎక్కువ హైట్ ఉండకూడదు.. నన్ను ఎప్పుడూ తిట్టకూడదు.. నేను ఏం చేసినా భరించకూడదు.. నన్ను తప్ప ఇంకా ఏ అమ్మాయిని చూడకూడదు.. కాళ్లు పట్టేసినా కీళ్లు పట్టేసినా నాతోనే సేవలు చేయించుకోవాలి.. డాక్టర్‌ని పిలవకూడదు అని అంటుంది. సిద్ధూ మనసులో ఇక్కడ కూడా నా మీద రివేంజ్ తీర్చుకోవాలని అనుకుంటున్నావా ప్రేరణ అని అనుకుంటాడు. పైకి అందరితో మీ అమ్మాయి పాతకాలం అమ్మాయిలా అనిపిస్తుంది. నాకు ఎందుకో తను సెట్ అవ్వదు అనిపిస్తుందని అంటాడు. దాంతో ప్రేరణ మనసులో సచ్చినోడా డాక్టర్ గురించి అనగానే నన్ను రిజెక్ట్ చేస్తావా.. నీ పని చెప్తా ఏ మర్యాద చేయాలో అదే చేస్తా అని అనుకుంటుంది. </p>
<p><strong>ALSO READ: <a title="Illu Illalu Pillalu Serial Today August 14th: ఇల్లు ఇల్లాలు పిల్లలు: అయ్యో ముగ్ధ కొంప ముంచేశావే! ప్రేమ ముందే హగ్‌లు ముద్దులు!" href="https://telugu.abplive.com/entertainment/tv/illu-illalu-pillalu-serial-today-august-14th-2026-written-update-in-telugu-in-star-maa-jio-hotstar-256278" target="_self">Illu Illalu Pillalu Serial Today August 14th: ఇల్లు ఇల్లాలు పిల్లలు: అయ్యో ముగ్ధ కొంప ముంచేశావే! ప్రేమ ముందే హగ్‌లు ముద్దులు!</a></strong></p>
<p><strong>కాఫీలో ఉప్పు.. </strong></p>
<p>సిద్ధూ ప్రేరణకు కాఫీ పెట్టి ఇవ్వమని అంటాడు. సరే అని ప్రేరణ వెళ్లి అందరి కోసం మంచిగా కాఫీ కలిపి సిద్ధూ కాఫీలో మాత్రం తీపికి బదులు ఉప్పు కలిపేస్తుంది. అది తాగిన సిద్ధూ యాక్ అని కాఫీ ఉమ్మేస్తాడు. కాఫీ బాగుంది కదా ఏమైంది సిద్ధూ అని మంజు అడిగితే నాకు మాత్రం ఉప్పుగా ఉందా.. అని అంటాడు. మనసులో నేను రిజెక్ట్ చేశా అని ఉప్పు కలిపేస్తావా నీ సంగతి చెప్తా అనుకుంటాడు. ఇక అందరూ ప్రేరణ నచ్చింది అని మంజుల అంటుంది. సిద్ధూ ఇందిర వాళ్లతో మీ అమ్మాయితో సపరేట్‌గా మాట్లాడాలి అని అంటాడు. సిద్ధూ బయటకు వెళ్లి కావాలనే కాఫీలో ఉప్పు కలుపుతాడా.. పెద్ద అందగత్తె అని అనుకుంటున్నావా.. అని తిడతాడు. ఇద్దరూ గొడవ పడతారు. చూసుకుందాం అంటే చూసుకుందాం అని అనుకుంటారు. తర్వాత సిద్ధూ అందరి ముందు టీవీ చూస్తావా అని ప్రేరణని అడిగితే సీరియల్స్ చూస్తా నిండు మనసులు సీరియల్ చాలా బాగుంటుంది.. అందులో హీరోయిన్ చాలా అందంగా ఉంటుంది అని తనని తానే పొగుడుకుంటుంది. </p>
<p><strong>ఎక్కడ నవ్వాలో చెప్పండి..</strong></p>
<p>ప్రేరణ సిద్ధూకి జోక్ చెప్పమని అంటుంది. సిద్ధూ జోక్ చెప్తే ఎవరికీ నవ్వు రాదు.. ప్రేరణకు పాట పాడమని అంటే కర్ణకఠోరంగా పాడుతుంది. ఇద్దరూ ఒకర్ని ఒకరు తిట్టుకొని గొడవ పడతారు. ఇంట్లో అందరూ ఆపి అసలు మీకు పెళ్లి ఇష్టమా లేదా చెప్పండి అని అడుగుతారు. విజయానంద్ అందరితో ఇద్దరూ మాట్లాడటం లేదు అంటే ఒకరికి ఒకరు నచ్చలేదు అనుకుంటా.. మా అబ్బాయికి కూడా ఇష్టం లేదు ఈ పెళ్లి జరగదు అని అంటే నాకు ఈ పెళ్లి ఇష్టమే అని సిద్ధూ అంటే నాకు ఇష్టమే అని ప్రేరణ అంటుంది. కావాలనే మీ ముందు గొడవ పడినట్లు నటించాం అని చెప్తారు. </p>
<p><strong>ALSO READ: <a title="Karthika Deepam 2 Serial Today August 14th: కార్తీకదీపం 2 సీరియల్: జ్యోత్స్న ముందే మరో అమ్మాయితో పులిహోర కలిపిన సూరజ్! కార్తీక్, దీపల టార్గెట్ అదే!" href="https://telugu.abplive.com/entertainment/tv/karthika-deepam-2-serial-today-episode-august-14th-2026-written-update-in-telugu-in-star-maa-jio-hotstar-256270" target="_self">Karthika Deepam 2 Serial Today August 14th: కార్తీకదీపం 2 సీరియల్: జ్యోత్స్న ముందే మరో అమ్మాయితో పులిహోర కలిపిన సూరజ్! కార్తీక్, దీపల టార్గెట్ అదే!</a></strong></p>
<p><strong>ఎవరినైనా ప్రేమిస్తున్నావా.. </strong></p>
<p>విజయానంద్ ఐశ్వర్యతో ఇప్పుడు చెప్పమ్మా నీకు పెళ్లి చూపులు ఏర్పాటు చేయమంటావా అని అడుగుతాడు. ఐశ్వర్య ఏం మాట్లాడకపోవడంతో మంజుల ఐశ్వర్యతో సూటిగా ఒకటి అడుగుగా చెప్పు నీ మనసులో ఎవరైనా ఉన్నారా అని అడుగుతుంది. ప్రేమించడం తప్పు కాదు.. ఆ ప్రేమని నీలో దాచుకొని ఇలా పెళ్లి వద్దు అనడం తప్పు.. నీ మనసులో ఎవరైనా ఉంటే చెప్పు మీ అమ్మానాన్నల్ని ఒప్పించి నేను మీ పెళ్లి జరిపిస్తా అని మంజు అంటుంది. దాంతో తను ఒకర్ని ప్రేమిస్తున్నా అని ఐశ్వర్య చెప్తుంది. ప్రేరణ, ఇందిర, రాజశేఖరం షాక్ అయిపోతారు. తన మనసులో ఎవరో ఉన్నారు కదా అది తెలుసుకోకుండా పెళ్లి చూపులు ఎందుకు ఏర్పాటు చేశారు అని మంజు అడుగుతుంది. ఇదో తింగరి దీన్ని ఎవరు ప్రేమిస్తారు.. మేం కూడా చాలా సార్లు అడిగాం తనేం చెప్పలేదు అని ఇందిర అంటుంది. ఎన్నో సార్లు అడిగావ్ కానీ నచ్చిన వాడితో పెళ్లి చేస్తా అని ఎప్పుడైనా అడిగావా అని మంజు అంటుంది. ప్రేరణ ఐశ్వర్యతో నిజం చెప్పవే నిజంగా ప్రేమిస్తున్నావా.. ఇది నీ జీవితానికి సంబంధించిన విషయం ఆటపట్టించకే అని అంటుంది. నిజంగానే ప్రేమిస్తున్నా అని ఐశ్వర్య అంటుంది. </p>
<p><strong>Also Read : <a title="Agadha Twitter Review - అగధ ట్విట్టర్ రివ్యూ: కాలయంత్రం క్లైమాక్స్ సూపర్... ఎంఎస్ రాజు థ్రిల్లర్ సినిమా ప్రీమియర్స్ రిపోర్ట్" href="https://telugu.abplive.com/entertainment/cinema/agadha-x-review-six-tweets-to-read-before-watching-ms-raju-kamakshi-bhaskarla-supernatural-thriller-256264" target="_self">Agadha Twitter Review - అగధ ట్విట్టర్ రివ్యూ: కాలయంత్రం క్లైమాక్స్ సూపర్... ఎంఎస్ రాజు థ్రిల్లర్ సినిమా ప్రీమియర్స్ రిపోర్ట్</a></strong></p>
<p><strong>మిమల్నే ప్రేమిస్తున్నా.. </strong></p>
<p>ప్రేమించిన అబ్బాయి ఎవరు అని సిద్ధూ అడిగితే త్వరలోనే చూపిస్తా అని రంజిత్‌ని చూసి అంటుంది. రంజిత్ మనసులో ఐశ్వర్య ఏంటి నన్ను చూసి మాట్లాడుతుంది అని అనుకుంటాడు. ప్రేరణ, ఇందిరలు కూడా ఐశ్వర్య రంజిత్‌ని చూడటం చూసి తను మిమల్ని చూస్తుంది అంటే తను ఎవరో మీకు తెలుసా అని ఇందిర అడుగుతుంది. నాకు తెలీదు అండీ అని రంజిత్ ఫోన్ రావడంతో బయటకు వెళ్తాడు. మంజుల ఇందిరతో ఐశ్వర్య ఎవర్ని ఇష్టపడుతుందో అతనితోనే పెళ్లి చేయండి అని చెప్పి వెళ్లిపోతారు. ఐశ్వర్య రంజిత్ దగ్గరకు వెళ్తుంది. రంజిత్ ఐషూతో నీ మనసులో ఎవరో ఉన్నారు అన్నావ్ ఎవరు అని అంటే ఐశ్వర్య రంజిత్ చేయి పట్టుకొని నిన్నే ప్రేమిస్తున్నా అని అంటుంది. సిద్ధూ, ప్రేరణ దూరం నుంచి చూసి షాక్ అయిపోతారు. నేను మిమల్నే ప్రేమిస్తున్నా అని ఐశ్వర్య అనగానే రంజిత్ ఐశ్వర్య చేయి విసిరేసి జోక్స్ వద్దు అని అంటాడు. నేను మీతో జీవితాంతం ఉండాలి అని అనుకుంటున్నా అని ఐశ్వర్య అంటుంది. ఇలాంటి ఆలోచనలు మానుకో అని రంజిత్ అంటే నాకు మీరంటే చాలా చాలా ఇష్టం అని ఐశ్వర్య అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
2 months ago
4 
