<p><strong>Niharika Konidela National Award Winning Moments For Committee Kurrollu : </strong>మెగా డాటర్ నిహారిక కొణిదెల నిర్మాణంలో వచ్చిన 'కమిటీ కుర్రోళ్లు' 72వ జాతీయ చలన చిత్ర అవార్డుల్లో సత్తా చాటింది. ఉత్తమ జాతీయ తెలుగు చిత్రం, బెస్ట్ మేకప్ ఆర్టిస్ట్ కేటగిరీల్లో రెండు అవార్డులను సొంతం చేసుకుంది. యదు వంశీ ఈ మూవీతో దర్శకుడిగా పరిచయం అయ్యారు. ఫస్ట్ మూవీతోనే నేషనల్ అవార్డు సొంతం చేసుకున్నారు. ఈ సందర్భంగా మూవీ టీం తాజాగా హ్యాపీ మూమెంట్స్‌ను పంచుకుంది. </p>
<p><strong>నిహారిక ఎమోషనల్</strong></p>
<p>'కమిటీ కుర్రోళ్లు' చిత్రానికి జాతీయ అవార్డులు రావడంతో నా మనసు సంతృప్తితో నిండిపోయిందని అన్నారు నిహారిక. 'నా 32 ఏళ్ల జీవితంలో 'కమిటీ కుర్రోళ్లు' సినిమాకి ఓకే చెప్పడం గొప్ప నిర్ణయం. ఇది నా సినిమా, ప్రాణం పెట్టాలని అప్పుడే ఫిక్స్ అయ్యాను. ఈ చిత్రంలో అందరి కష్టం ఉంది. మంచి సినిమా తీసినప్పుడు ఇలాంటి ఓ గొప్ప ఫీలింగ్ కలుగుతుందంటే.. నా జీవితంలో ఎప్పుడూ ఇండస్ట్రీ నుంచి బయటకు వెళ్లను. యదు వంశీ గారు ఎప్పుడూ నేషనల్ అవార్డ్ వస్తుందని చెబుతూనే ఉండేవారు. కానీ నేను నేషనల్ అవార్డ్ సినిమా తీయాలని ‘కమిటీ కుర్రోళ్లు’ని నిర్మించలేదు. ఈ జర్నీలో మాత్రం నేను కూడా జాతీయ అవార్డు రావాలని కోరుకున్నాను. నా కల నేడు నెరవేరింది. </p>
<p>ఆర్టిస్టుల్ని 18 ఏళ్ల నుంచి 30 ఏళ్లుగా మారేందుకు ఎంతో మేకోవర్ జరిగింది. ఈ జర్నీలో రవి, అక్షయ్ మాకు ఎంతో సపోర్ట్ చేశారు. రవికి నేషనల్ అవార్డ్ రావడం ఆనందంగా ఉంది. మా నాన్న తీసిన ‘రుద్రవీణ’కి మూడు జాతీయ అవార్డులు వచ్చాయి. నేను కొణిదెల ఫ్యామిలీ నుంచి వచ్చాను.. ఏదో ఒకటి చేశానని ఇప్పుడు అనిపిస్తోంది. మెగా ఫ్యామిలీ నుంచి వచ్చానని గర్వంగా చెప్పుకుంటున్నా. జాతీయ అవార్డులు సాధించిన ప్రతీ ఒక్కరికీ థాంక్స్. ఈ జర్నీలో సపోర్ట్ చేసిన అందరికీ థాంక్స్. చిరంజీవి గారే అందరికీ గర్వకారణమని నేను ఫీల్ అవుతుంటాను. ఆయనే నన్ను గర్వకారణం అని అనడంతో ఎంతో ఆనందంగా ఉంది.' అని అన్నారు.</p>
<p><iframe style="border: none; overflow: hidden;" src="https://www.facebook.com/plugins/video.php?height=314&href=https%3A%2F%2Fwww.facebook.com%2Freel%2F1716242419706945%2F&show_text=false&width=560&t=0" width="560" height="314" frameborder="0" scrolling="no" allowfullscreen="allowfullscreen"></iframe></p>
<p><strong>'ధైర్యంగా అడుగేశారు'</strong></p>
<p>'కమిటీ కుర్రోళ్లు' నేషనల్ అవార్డ్ కొడుతుందని ముందు నుంచీ అందరికీ చెప్తూనే వచ్చానని డైరెక్టర్ యదు వంశీ తెలిపారు. 'ఓ కొత్త సినిమాకి ఇంత బడ్జెట్ పెట్టేందుకు చాలా మంది సాహసించలేదు. కొత్తవాళ్లతో అంటే ఎవరు మాత్రం ధైర్యంగా అడుగు ముందుకు వేస్తారు. కానీ నేను చెప్పిన ప్రతీ ఒక్క ఆప్షన్‌కి మన్యం రమేష్ గారు, నిహారిక గారు ఓకే చెప్పారు. ప్రతీ ఒక్క ఆర్టిస్ట్ తమ తమ పాత్రల కోసం బరువులు తగ్గారు, పెరిగారు. మేకప్‌కి అవార్డు రావాలని చాలా కోరుకున్నాను. </p>
<p>బెస్ట్ ఫిల్మ్ అంటే.. ప్రతీ ఒక్క ఆర్టిస్ట్, టెక్నిషయన్ బెస్ట్ ఇస్తేనే వస్తుంది. ఎవరెన్ని చెప్పినా కూడా నిహారిక గారు ఒక్క సీన్ కూడా కట్ చేయలేదు. ఒక్క రూపాయి బిజినెస్ కాకపోయినా ధైర్యంతో నిహారిక గారు అడుగు ముందుకు వేశారు. అలా ప్రారంభమైన ప్రయాణాన్ని ఆమె ఇప్పుడు జాతీయస్థాయిలో నిలబెట్టారు. మీడియా ముందు ఇప్పుడు నేను ఏడ్వలేను (నవ్వుతూ). నాకు ఈ రోజు చాలా ఆనందంగా ఉంది. ఈ సినిమాలో పని చేసిన అందరికీ కంగ్రాట్స్.' అని అన్నారు.</p>
<p><strong>Also Read : <a title="Anupama Parameswaran : అనుపమ పరమేశ్వరన్‌కు బ్రేకప్? - కేరళ కుట్టి అలా పోస్ట్ చేశారేంటి!" href="https://telugu.abplive.com/entertainment/cinema/anupama-parameswaran-reaction-over-freedom-shares-cryptic-post-sparks-breakup-rumours-253946" target="_self">Anupama Parameswaran : అనుపమ పరమేశ్వరన్‌కు బ్రేకప్? - కేరళ కుట్టి అలా పోస్ట్ చేశారేంటి!</a></strong></p>
<p><strong>'నిహారిక నక్షత్రం'</strong></p>
<p>'కమిటీ కుర్రోళ్లు' బ్యానర్లో ఎవరు పని చేసినా పీహెచ్‌డీ చేసినట్టు అవుతుందని అన్నారు మేకప్ మ్యాన్ రవికుమార్. బెస్ట్ మేకప్ ఆర్టిస్ట్‌గా ఆయన అవార్డు అందుకోనున్నారు. 'దీనికి కర్త నిహారిక గారు, కర్మ రమేష్ గారు, క్రియ వంశీ గారు. నాకు ఈ అవకాశం ఇచ్చిన ప్రతీ ఒక్కరికీ థాంక్స్. ఈ ఏడాది నీ జాతకం బాగుంటుంది అని ఎవరో చెప్పారు. నా గోత్రం పింక్ ఎలిఫెంట్. నక్షత్రం కొణిదెల గారు. నేషనల్ అవార్డ్ వచ్చినందుకు చాలా థాంక్స్' అని అన్నారు.</p>
<p><iframe style="border: none; overflow: hidden;" src="https://www.facebook.com/plugins/video.php?height=314&href=https%3A%2F%2Fwww.facebook.com%2Freel%2F1031389492959348%2F&show_text=false&width=560&t=0" width="560" height="314" frameborder="0" scrolling="no" allowfullscreen="allowfullscreen"></iframe></p>
<p><strong>Also Read : <a title="The Odyssey Collections : నోలన్ ది ఒడిస్సీ రికార్డు - మూడు రోజుల్లోనే 2 వేల 500 కోట్ల కలెక్షన్స్... కెరీర్‌లో బెస్ట్ మూవీగా..." href="https://telugu.abplive.com/entertainment/cinema/christopher-nolan-the-odyssey-box-office-collections-day-3-world-wide-numbers-reached-two-thousand-crores-complete-details-253939" target="_self">The Odyssey Collections : నోలన్ ది ఒడిస్సీ రికార్డు - మూడు రోజుల్లోనే 2 వేల 500 కోట్ల కలెక్షన్స్... కెరీర్‌లో బెస్ట్ మూవీగా...</a></strong></p>
<p><strong>NOTE : <a title="మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి." href="https://telugu.abplive.com/entertainment/cinema" target="_self">మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/cinema/balakrishna-koratala-siva-nbk112-movie-launching-mass-action-story-with-social-message-251602" width="631" height="381" scrolling="no"></iframe></strong></p>
3 months ago
8 
