<p>NHAI Construction Guidelines: దేశంలోని ఎక్స్‌ప్రెస్‌వేలు, జాతీయ రహదారుల నెట్‌వర్క్ వేగంగా విస్తరిస్తోంది. తరచుగా వ్యాపార ప్రయోజనాల కోసం లేదా మెరుగైన కనెక్టివిటీ కోసం ప్రజలు నేషనల్ హైవే సమీపంలో భూమిని కొనుగోలు చేసి, ఇళ్లు, షాపులు లేదా హోటళ్లను నిర్మించాలని ప్లాన్ చేస్తుంటారు. ప్రధాన రహదారిపై ఆస్తిని కలిగి ఉండటం లాభదాయకంగా అనిపించినప్పటికీ, నిబంధనలను ఉల్లంఘించి హైవేకి సరిగ్గా పక్కనే నిర్మాణం ప్రారంభిస్తే.. ప్రభుత్వం దానిని చట్టవిరుద్ధంగా ప్రకటించి ఎప్పుడైనా కూల్చివేసే అవకాశం ఉంది. ప్రయాణికుల సెఫ్టీ, కాలుష్య నియంత్రణ, భవిష్యత్తులో రోడ్డు విస్తరణను దృష్టిలో ఉంచుకుని, నేషనల్ హైవే అథారిటీ ఆఫ్ ఇండియా, రోడ్డు రవాణా మంత్రిత్వ శాఖ హైవేల వెంబడి నిర్మాణాలపై కఠినమైన పరిమితులు విధించాయి.</p>
<h3>40 మీటర్లు లిమిట్ </h3>
<p>2002 జాతీయ రహదారుల చట్టం ప్రకారం.. రోడ్డు రకాన్ని బట్టి, రోడ్డు మధ్యలోని గీతలను నుంచి ఒక నిర్దిష్ట దూరాన్ని "బిల్డింగ్ లైన్" లేదా నిర్మాణ నిషేధిత ప్రాంతంగా ప్రకటిస్తారు. సాధారణంగా గ్రామీణ ప్రాంతాలలో ఇది 40 మీటర్ల వరకు ఉంటుంది. ఈ నిర్దేశిత ప్రాంతంలో చేసే ఏ శాశ్వత లేదా తాత్కాలిక నిర్మాణం అయినా చట్టవిరుద్ధమే. ఎలాంటి ముందస్తు అనుమతులు లేకుండా ఈ ప్రాంతంలో ఇండ్లు, షాపులను ఎలాంటి నష్టపరిహారం లేకుండా తొలగించవచ్చు.</p>
<h3>40 నుండి 75 మీటర్ల రూల్స్</h3>
<p>"నియంత్రణ రేఖ"ను రహదారి కేంద్రం నుంచి 40 నుంచి 75 మీటర్ల దూరంగా లెక్కగట్టారు. ప్రైవేట్ భూమి ఈ పరిధిలో ఉండి, వాణిజ్య భవనం, పెట్రోల్ బంక్ లేదా రహదారికి అనుసంధానంగా ఉండే ఇతర ప్రాజెక్ట్‌లను నిర్మించాలనుకుంటే.. NHAI, స్థానిక అధికారులను నుంచి తప్పనిసరిగా అనుమతి లేదా ఎన్‌వోసీ (NOC) పొందాలి. ఇది లేకుండా స్థానిక అధికారులు బిల్డింగ్ ప్లాన్ ను ఆమోదించరు.<br /><br />Also Read: <a title=" రైతులకు కేంద్రం గుడ్‌న్యూస్.. కనీస మద్దతు ధర పెంపు, ఏ పంటకు ఎంత" href="https://telugu.abplive.com/news/india/union-cabinet-decision-wheat-barley-safflower-msp-increase-modi-govt-ashwini-vaishnaw-260339" target="_self"> రైతులకు కేంద్రం గుడ్‌న్యూస్.. కనీస మద్దతు ధర పెంపు, ఏ పంటకు ఎంత</a></p>
<h3>గ్రామీణ, వ్యవసాయ ప్రాంతాలు </h3>
<p>రోడ్డు గ్రామీణ ప్రాంతాల గుండా వెళుతున్నట్లయితే, శాశ్వత నిర్మాణాలను బిల్డింగ్ లైన్ మధ్య రేఖ నుండి కనీసం 40 మీటర్ల (సుమారు 131 అడుగులు) దూరంలో మాత్రమే నిర్మించాలి. అలాగే, 40 నుండి 75 మీటర్ల (సుమారు 131 - 246 అడుగులు) దూరంలో చేపట్టే వాణిజ్య ప్రాజెక్టులకు NHAI నుండి ప్రత్యేక అనుమతి తప్పనిసరి. <br /><br />Also Read: <a title="అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్" href="https://telugu.abplive.com/business/october-2026-key-financial-changes-banking-digital-payments-tax-lpg-rules-telugu-news-260312" target="_self">అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్</a></p>
<h3>పట్టణ, మున్సిపల్ ప్రాంతాలు </h3>
<p>జాతీయ రహదారి జనసాంద్రత అధికంగా ఉండే పట్టణాలు, మున్సిపాలిటీ గుండా వెళితే ఈ దూరం కొద్దిగా తగ్గుతుంది. పట్టణ ప్రాంతాలలో రహదారి మధ్యరేఖ నుండి కనీసం 30 మీటర్లు (సుమారు 98 అడుగులు) ప్రాంతం నిర్మాణ రహిత ప్రాంతంగా ఉంటుంది. 30 నుండి 50 మీటర్ల (సుమారు 98 - 164 అడుగులు) పరిధిలో చేపట్టే ఏ వాణిజ్య నిర్మాణానికైనా స్థానిక సంస్థ నుండి ఎన్వోసీ తీసుకోవడం అవసరం.<br /> <br />హైవేల పక్కన ఆస్తులు కొనుగోలు చేసి ఇళ్లు లేదా షాపులు నిర్మించాలనుకునే వారు స్థానిక రెవెన్యూ, మున్సిపల్ లేదా NHAI అధికారులను సంప్రదించి, ఆ భూమికి సంబంధించిన సరైన దూరపు నిబంధనలను తెలుసుకోవడం ఎంతో ముఖ్యం. లేదంటే భారీగా నష్టపోవాల్సి ఉంటుంది. </p>
<p>Also Read: <a title="ఆధ్యాత్మిక గురువు కల్కి భగవాన్ కన్నుమూత.. నేడు తిరుపతి జిల్లాకు పార్థివదేహం తరలింపు" href="https://telugu.abplive.com/news/india/spiritual-leader-kalki-bhagavan-passes-away-in-chennai-260290" target="_self">ఆధ్యాత్మిక గురువు కల్కి భగవాన్ కన్నుమూత.. నేడు తిరుపతి జిల్లాకు పార్థివదేహం తరలింపు</a></p>
1 month ago
3 
