<p><strong>Black Friday Vegetable Sale America: </strong>భారతీయులు ఎంత సంపాదించినా, ఏ సాఫ్ట్‌వేర్ కంపెనీకి సీఈవోలైనా.. వారి లోపల ఉండే పక్కా లోకల్ సబ్జీ మండి ఆత్మ మాత్రం అస్సలు మిస్ కాదు . ఐఫోన్లు, బ్రాండెడ్ కార్ల సేల్స్ కోసం అమెరికన్లు బ్లాక్ ఫ్రైడే సేల్‌లో ఎలాగైతే ఒకరినొకరు నెట్టేసుకుంటూ ఎగబడతారో.. మన దేశీ జనం మాత్రం తాజాగా అమెరికాలోని న్యూజెర్సీ లో కేవలం దొండ కాయల కోసం అదే రేంజ్‌లో యుద్ధానికి దిగారు. అక్కడ కొత్తగా ప్రారంభమైన ఒక ఇండియన్ గ్రోసరీ సూపర్ మార్కెట్ యాజమాన్యం.. ఓపెనింగ్ ఆఫర్ కింద కిలో పరవల్ ధరను కేవలం 1.99 డాలర్లు అంటే మన కరెన్సీలో సుమారు రూ.170 గా ప్రకటించడమే ఆలస్యం.. స్థానిక ఎన్‌ఆర్ఐల గుండెల్లో ఆఫర్ గంటలు మోగాయి. </p>
<blockquote class="twitter-tweet">
<p dir="ltr" lang="en">An Indian grocery store's grand opening in New Jersey drew unexpectedly massive crowds after advertising parval (pointed gourd) for $1.99. The deeply discounted price attracted hundreds of shoppers, leading to overcrowding and chaotic scenes as customers rushed to grab the… <a href="https://t.co/q7OZDgcKI0">pic.twitter.com/q7OZDgcKI0</a></p>
— Mid Day (@mid_day) <a href="https://x.com/mid_day/status/2073081547889217686?ref_src=twsrc%5Etfw">July 3, 2026</a></blockquote>
<p>సాధారణంగా అమెరికాలో దొండకాయ దొరకడమే గగనం, ఒకవేళ దొరికినా దాని ధరలు ఆకాశంలో ఉంటాయి. అలాంటిది కేవలం రెండు డాలర్లకే కిలో వస్తోందని <a title="వాట్సాప్" href="https://telugu.abplive.com/topic/whatsapp" data-type="interlinkingkeywords">వాట్సాప్</a> గ్రూపుల్లో వార్త లీక్ అవ్వడంతో.. న్యూజెర్సీలోని దేశీయులంతా వీకెండ్ ప్లాన్స్ రద్దు చేసుకుని మరీ సంచులు పట్టుకుని స్టోర్ ముందు క్యూ కట్టారు. షాప్ తలుపులు తీశారో లేదో.. లోపలికి దూసుకెళ్లిన జనం, అత్యాధునిక అమెరికన్ సూపర్ మార్కెట్‌ను కాస్తా క్షణాల వ్యవధిలో మన ఊరి రైతు బజార్ లా మార్చేశారు. ఒకరి చేతిలో ఉన్న కూరగాయను మరొకరు లాక్కోవడం, ట్రాలీలను కార్ల రేసింగ్‌లా తోసుకుంటూ వెళ్లడం చూసి పక్కనే ఉన్న అమెరికన్ సెక్యూరిటీ గార్డుల ఫ్యూజులు అవుట్ అయిపోయాయి. </p>
<blockquote class="twitter-tweet">
<p dir="ltr" lang="en">A grand opening at an Indian grocery store in New Jersey took an unexpected turn after a heavily discounted offer on parval (pointed gourd) attracted hundreds of shoppers. Advertised at just $1.99, the vegetable became the centre of a shopping frenzy, with viral videos showing… <a href="https://t.co/5LDYl1Bwbj">pic.twitter.com/5LDYl1Bwbj</a></p>
— Mojo Story (@themojostory) <a href="https://x.com/themojostory/status/2073328777443324177?ref_src=twsrc%5Etfw">July 4, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
ఈ తోపులాట, కేకలు, గందరగోళానికి సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. దీనిని చూసిన నెటిజన్లు.. అమెరికా వాళ్లకు బ్లాక్ ఫ్రైడే ఉంటే.. మాకు పరవల్ ఫ్రైడే ఉంది అంటూ మీమ్స్‌తో హల్ చల్ చేస్తున్నారు. ఈ వైరల్ వీడియోపై నెట్టింట నవ్వుల పువ్వులు పూస్తున్నాయి. కొందరైతే ఈ మార్కెట్‌కు అమెరికన్ సబ్జీ మండి అని నామకరణం కూడా చేసేశారు. గ్రీన్ కార్డ్ హోల్డర్లు అయినా, హెచ్-1బి వీసా లగ్జరీ లైఫ్ అనుభవిస్తున్న వారైనా.. డిస్కౌంట్ బోర్డు కనిపిస్తే చాలు మన ఒంట్లోని ఇండియన్ బ్లడ్ ఇలాగే యాక్టివేట్ అయిపోతుంది అంటూ కామెంట్లు పెడుతున్నారు. అంత దూరం వెళ్లి, డాలర్లలో జీతాలు తీసుకుంటూ కూడా.. రెండు డాలర్ల కూరగాయ కోసం ఈ రేంజ్ స్కెచ్‌లు వేయడం కేవలం భారతీయులకే సాధ్యమంటూ ఫన్నీ ట్రోల్స్ నడుస్తున్నాయి.</p>
<p>ఏది ఏమైనా, ఈ సరదా సంఘటన వెనుక అమెరికాలో పెరుగుతున్న భారతీయ సమాజం స్వదేశీ రుచుల ఆరాటం స్పష్టంగా కనిపిస్తోంది. అమెరికాలోనే ఉంటూ ఇంటి వంటను, పచ్చళ్లను మిస్ అవుతున్న వారికి.. ఇలాంటి స్టోర్లు ఒక పండగలా కనిపిస్తాయి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/personal-finance/new-credit-card-rules-come-into-effect-what-you-need-to-know-252318" width="631" height="381" scrolling="no"></iframe></p>
3 months ago
9 
