<p>Nagoba Jatara | ఇంద్రవెల్లి: నాగోబా జాతర సందర్భంగా ఒకరోజు విద్యాసంస్థలకు ఆదిలాబాద్ కలెక్టర్ రాజర్షి షా సెలవు ప్రకటించారు. ఇంద్రవెల్లి మండలం కేస్లాపూర్ గ్రామంలో నిర్వహించే చారిత్రాత్మక నాగోబా జాతర ప్రజా దర్బార్‌ను పురస్కరించుకుని, జనవరి 22 (గురువారం) రోజున జిల్లాలోని అన్ని విద్యాసంస్థలకు స్థానిక సెలవు ప్రకటిస్తూ జిల్లా కలెక్టర్ రాజర్షి షా బుధవారం ఉత్తర్వులు జారీ చేశారు.</p>
<p>ఆదివాసీల ఆరాధ్యదైవం, ఆసియాలోనే రెండవ అతిపెద్ద గిరిజన జాతర సందర్భంగా,మెస్రం వంశీయుల విజ్ఞప్తి మేరకు, జాతర విశిష్టతను దృష్టిలో ఉంచుకుని ఈ నిర్ణయం తీసుకున్నట్లు ఆదిలాబాద్ కలెక్టర్ తెలిపారు. జనవరి 22 రోజున జిల్లాలోని అన్ని ప్రభుత్వ, ప్రైవేట్ పాఠశాలలు, జూనియర్, డిగ్రీ, పాలిటెక్నిక్ కళాశాలలకు సెలవు ఉంటుందనీ, ఈ సెలవుకు బదులుగా, మార్చి 14న (మార్చి రెండవ శనివారం) రోజున జిల్లాలోని అన్ని విద్యాసంస్థలు పని చేయాల్సి ఉంటుందనీ సూచించారు.</p>
3 months ago
6 
