<p><strong>Actor Naga Chaitanyna Comments On Sobhita Dhulipala Projects: </strong>నటుడు నాగచైతన్య (Naga Chaitanya), నటి శోభిత ధూళిపాళ్ల ఇటీవల వివాహ బంధంలోకి అడుగుపెట్టిన విషయం తెలిసిందే. 'తండేల్' (Tandel) మూవీ ప్రమోషన్స్‌లో పాల్గొన్న ఆయన.. తన సతీమణి గురించి పలు ఆసక్తికర విషయాలు పంచుకున్నారు. శోభిత తనకు అన్ని విషయాల్లోనూ ఎంతో సపోర్ట్‌గా నిలుస్తోందని అన్నారు. ఆమెను ప్రేమగా బుజ్జితల్లి అని పిలుస్తానని చెప్పారు. శోభిత (Sobhita Dhulipala) నటించిన ప్రాజెక్టుల్లో 'మేడ్ ఇన్ హెవన్', 'మేజర్' తనకెంతో ఇష్టమని అన్నారు. ఆమె నటన బాగుంటుందని చెప్పారు.</p>
<p><strong>ఇంకా ఏమన్నారంటే..?</strong></p>
<p>'శోభిత వాళ్లది వైజాగ్. మా ఇద్దరిదీ కూడా ఆంధ్రా బ్యాక్ గ్రౌండే. మా సంస్కృతి, ఆచారాలు, సంప్రదాయాలు అన్నీ ఒక్కటే. ఆమె తెలుగు చాలా స్పష్టంగా మాట్లాడుతుంది. భాష విషయంలో నాకెంతో సాయం చేస్తుంది. నేను ఏదైనా కార్యక్రమాల్లో స్పీచ్ ఇవ్వాల్సి వస్తే.. శోభితనే నాకు హెల్ప్ చేస్తుంటుంది.' అని చైతూ వెల్లడించారు.</p>
<p>కాగా, తన భార్య శోభిత గురించి ఇంతకు ముందు సైతం పలు ఇంటర్వ్యూల్లో నాగ చైతన్య ప్రేమ, ఇష్టాన్నితెలియజేయడం సహా పలు ఆసక్తికర విషయాలు పంచుకున్నారు. అన్ని విషయాల్లోనూ ఆమె నిర్ణయం తీసుకుంటానని.. మన సంస్కృతి, సంప్రదాయాలను శోభిత ఫాలో అవుతుందని.. తమ వెడ్డింగ్ సంబంధించి ప్రతిదీ ఆమె డిజైన్ చేసిందేనని చెప్పారు. తమ వివాహ సమయంలో కుటుంబంతో కలిసి ఆనందించిన క్షణాలు ఎప్పటికీ పదిలంగా ఉంటాయని అన్నారు.</p>
<p><strong>Also Read: <a title="Rashmika Mandanna: 'ప్లీజ్, అందరిపై కాస్త దయ చూపండి' - నేషనల్ క్రష్ రష్మిక పోస్ట్ వైరల్, అసలు ఉద్దేశం అదేనా!" href="https://telugu.abplive.com/entertainment/cinema/national-crush-rashmika-mandanna-post-on-kindness-gone-viral-196900" target="_blank" rel="noopener">Rashmika Mandanna: 'ప్లీజ్, అందరిపై కాస్త దయ చూపండి' - నేషనల్ క్రష్ రష్మిక పోస్ట్ వైరల్, అసలు ఉద్దేశం అదేనా!</a></strong></p>
10 months ago
8 
