Modi or Nehru, Who is longest serving PM?? మోడీ vs నెహ్రూ ! దేశానికి సుదీర్ఘ ప్రధాని ఎవరు ??,

<p><strong>మోడీ vs నెహ్రూ ! దేశానికి సుదీర్ఘ ప్రధాని ఎవరు ??, అసలు లెక్కలు ఏం చెప్తున్నాయి!</strong></p> <p>భారత దేశానికి నిరంతరాయంగా ప్రధానిగా పనిచేసిన ఎన్నికైన ప్రధానిగా మోడీ రికార్డు సృష్టించారు. 2014 మే 26 నుంచి 2026 జూన్ 10 వరకు 4399 రోజులు ప్రధానిగా చేసి రికార్డు సృష్టించారని బీజేపీ వేడుకలు చేస్తోంది. ఎన్డీయే లీడర్లేకాదు విదేశీ నాయకులు కూడా శుభాకాంక్షలు చెబుతుంటే కాంగ్రెస్ మాత్రం విమర్శిస్తోంది. అసలీ రికార్డులేంటి.. వాస్తవ లెక్కలు ఏం చెప్తున్నాయో చదవండి.&nbsp;</p> <p><strong>వివాదానికి అసలు కారణం ఏంటి?</strong></p> <p>జూన్ 10, 2026 నాటికి ప్రధానమంత్రిగా మోదీ ఒక చారిత్రాత్మక మైలురాయి అందుకున్నారు. దేశ చరిత్రలోనే "సుదీర్ఘకాలం నిరంతరాయంగా (Continuous) పదవిలో కొనసాగిన ఎన్నికైన (Elected) ప్రధానమంత్రి" గా మోదీ రికార్డు సృష్టించారని బీజేపీ ప్రకటించింది. అయితే, "భారతదేశ చరిత్రలో అత్యధిక కాలం ప్రధానిగా ఉన్నది జవహర్&zwnj;లాల్ నెహ్రూ మరియు ఇందిరా గాంధీ.. మోదీ కాదు" అని కాంగ్రెస్ అంటోంది.</p> <p>&nbsp;ఇద్దరి లెక్కలూ కరెక్టే కానీ రెండు వేర్వేరు కొలమానాలు - అవి &nbsp;1. మొత్తం రోజుల లెక్క (Total Calendar Days) - దీని ప్రకారం నెహ్రూ, ఆ తర్వాత ఇందిరా గాంధీ టాప్&zwnj;లో ఉన్నారు. 2. ఎన్నికల తర్వాత నిరంతరాయంగా ఉన్న రోజుల లెక్క (Continuous Elected Mandate - దీని ప్రకారం మోదీ టాప్&zwnj;లో ఉన్నారు.<br /><br /></p> <table style="border-collapse: collapse; width: 100%;" border="1"> <tbody> <tr> <td style="width: 33.3333%;"><strong>ప్రధాని</strong></td> <td style="width: 33.3333%;"><strong>మొత్తం పదవీ కాలం</strong></td> <td style="width: 33.3333%;"><strong>అత్యధిక నిరంతరాయ కాలం</strong></td> </tr> <tr> <td style="width: 33.3333%;"><strong>నెహ్రూ</strong></td> <td style="width: 33.3333%;">16 సం.ల 286రోజులు (6,130 రోజులు)</td> <td style="width: 33.3333%;">16 సం.ల 286రోజులు (6,130 రోజులు)</td> </tr> <tr> <td style="width: 33.3333%;"><strong>ఇందిర</strong></td> <td style="width: 33.3333%;">15సం.ల 350 రోజులు (5829 రోజులు)</td> <td style="width: 33.3333%;">11సం.ల 59 రోజులు (4073)</td> </tr> <tr> <td style="width: 33.3333%;"><strong>మోడీ</strong></td> <td style="width: 33.3333%;">12సం.ల 16రోజులు ( 4,400) కొనసాగుతున్నారు</td> <td style="width: 33.3333%;">12సం.ల 16రోజులు (4400*) కొనసాగుతున్నారు</td> </tr> </tbody> </table> <p><strong>&nbsp;బీజేపీ క్లెయిమ్ ఏంటి? వారి లాజిక్ ఏంటి?</strong></p> <p>మొత్తం రోజుల లెక్కలో మోదీ 3వ స్థానంలో ఉన్నప్పటికీ, బీజేపీ ఆయనదే నంబర్ వన్ రికార్డు అని ఎందుకు చెబుతోంది? దానికి బీజేపీ రెండు ముఖ్యమైన లాజిక్&zwnj;లను వాడుతోంది:</p> <p><strong>&nbsp;లాజిక్ ఎ: "మధ్యలో గ్యాప్ లేని పాలన" (ఇందిరా గాంధీతో పోలిక)</strong></p> <p>ఇందిరా గాంధీ గారు మొత్తం మీద 15 ఏళ్లకు పైగా ప్రధానిగా ఉన్నప్పటికీ, ఆమె పాలన మధ్యలో కట్ అయింది. 1977 ఎన్నికల్లో ఆమె ఓడిపోయారు, మళ్లీ 1980లో గెలిచారు. ఆమె ఒకే విడతలో నిరంతరాయంగా (కంటిన్యూస్&zwnj;గా) చేసిన అత్యధిక కాలం 4,073 రోజులు మాత్రమే. &nbsp;మోదీ గారు 2014 మే 26న ప్రధాని అయ్యాక మధ్యలో ఒక్క రోజు కూడా గ్యాప్ లేకుండా, వరుసగా 2014, 2019, 2024 ఎన్నికల్లో గెలుస్తూ జూన్ 10, 2026 నాటికి **4,399 రోజులు** పూర్తి చేసుకున్నారు. అంటే ఇందిరా గాంధీ గారి 'కంటిన్యూస్ రికార్డు'ను మోదీ దాటేశారు.</p> <p><strong>లాజిక్ బి: "ఎన్నికైన ప్రధాని" (నెహ్రూతో పోలిక)</strong></p> <p>జవహర్&zwnj;లాల్ నెహ్రూ గారు 1947 ఆగస్టు 15న ప్రధాని అయ్యారు. కానీ అప్పుడు దేశంలో సాధారణ ఎన్నికలు జరగలేదు. అది ఒక తాత్కాలిక (Interim) ప్రభుత్వం మాత్రమే. ప్రజల ఓట్ల ద్వారా లోక్&zwnj;సభ ఏర్పాటయ్యాక నెహ్రూ &nbsp;1952 మే 13న అధికారికంగా మొదటి 'ఎన్నికైన' ప్రధానిగా ప్రమాణ స్వీకారం చేశారు.</p> <p>1952 మే 13 నుండి ఆయన మరణించే వరకు (1964 మే) ప్రజల చేత ఎన్నుకోబడిన ప్రధానిగా &nbsp;4,398 రోజులు మాత్రమే.<br />మోదీ గారు 2014 నుండి ఇప్పటివరకు పూర్తి ప్రజాస్వామ్య పద్ధతిలో ఎన్నికై నిరంతరాయంగా 4,399 రోజులు పూర్తి చేసుకున్నారు. కాబట్టి 'ఎన్నికైన ప్రధాని'గా మోదీ.. నెహ్రూను దాటేశారని బీజేపీ వాదన.</p> <p><br /><strong>&nbsp;కాంగ్రెస్ కౌంటర్ ఏంటి?</strong></p> <p>కాంగ్రెస్ పార్టీ బీజేపీ వాదనను తీవ్రంగా ఖండిస్తోంది. ఇది కేవలం చరిత్రను, నంబర్లను తమకు అనుకూలంగా మార్చుకునే "రాజకీయ జిమ్మిక్కు" అని అంటోంది. చరిత్రను తక్కువ చేయడమే అని ఆరోపిస్తోంది. 1947లో నెహ్రూను రాజ్యాంగ పరిషత్ (Constituent Assembly) ప్రధానిగా ఎన్నుకుంది. దేశ విభజన కష్టాల్లో దేశాన్ని నిలబెట్టింది, మొదటి ఎన్నికలు జరిపించింది ఆ ఐదేళ్లలోనే (1947-1952). దాన్ని "ఎన్నికకాని కాలం" అని తీసిపారేయడం దేశ చరిత్రను అవమానించడమే అని కాంగ్రెస్ అంటోంది.</p> <p>అసలు రికార్డు మారదు: ప్రధాని పదవిని ముక్కలుగా విభజించలేం. నెహ్రూ మొత్తం 6,130 రోజులు నిరంతరాయంగా ప్రధానిగా ఉన్నారు. మోదీ ఇంకా 4,400 రోజుల దగ్గరే ఉన్నారు. నెహ్రూ రికార్డును అందుకోవడానికి మోదీకి ఇంకా దాదాపు 1,731 రోజులు (దాదాపు 4.7 ఏళ్లు) పడుతుంది. అప్పటివరకు నెహ్రూ రికార్డును ఎవరూ బ్రేక్ చేయలేరని కాంగ్రెస్ స్పష్టం చేస్తోంది.</p> <p><strong>ఒక్క ముక్కలో చెప్పాలంటే..</strong><br /><a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> పార్టీ దేశానికి స్వాతంత్ర్యం వచ్చినప్పటి (1947) నుండి మొత్తం రోజుల రికార్డును లెక్కిస్తూ నెహ్రూ, ఇందిరా గాంధీలే టాప్ అంటోంది.<br /><a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> మాత్రం "భారతదేశంలో మొదటి ప్రజాస్వామ్య ఎన్నికలు (1952) జరిగినప్పటి నుండి, మధ్యలో బ్రేక్ లేకుండా వరుసగా పాలించిన రోజుల రికార్డును" ప్రామాణికంగా తీసుకుంటూ మోదీనే నంబర్ వన్ అంటోంది.</p>