Modi congratulates Pawan Kalyan: కెంజుట్సు ఘనతకు ప్రధాని మోదీ ఫిదా - పవన్ కల్యాణ్‌కు అభినందన సందేశం

<p>Prime Minister Modi sends congratulatory message to Pawan Kalyan: ఆంధ్రప్రదేశ్ ఉపముఖ్యమంత్రి పవన్ కళ్యాణ్ మార్షల్ ఆర్ట్స్ లో సాధించిన అంతర్జాతీయ గుర్తింపుపై భారత ప్రధానమంత్రి <a title="నరేంద్ర మోదీ" href="https://telugu.abplive.com/topic/narendra-modi" data-type="interlinkingkeywords">నరేంద్ర మోదీ</a> ప్రశంసల జల్లు కురిపించారు. జపనీస్ కత్తి సాము కళ అయిన కెంజుట్సు లో పవన్ కళ్యాణ్ అధికారిక ప్రవేశం పొందడంపై ప్రధాని హర్షం వ్యక్తం చేస్తూ ప్రత్యేక అభినందన సందేశాన్ని పంపారు. రాజకీయాలు, సినిమా వంటి బిజీ కెరీర్&zwnj;లో ఉంటూ కూడా దశాబ్దాల పాటు అత్యంత కఠినమైన మార్షల్ ఆర్ట్స్&zwnj;ను క్రమశిక్షణతో అభ్యసించడం పవన్ కళ్యాణ్ నిబద్ధతకు నిదర్శనమని ప్రధాని ప్రశంసించారు.&nbsp;</p> <p>పవన్ కళ్యాణ్ విజయం యువతరానికి ఒక గొప్ప సందేశాన్ని ఇస్తోందని ప్రధాని పేర్కొన్నారు. వృత్తిపరమైన బాధ్యతలు ఎన్ని ఉన్నా, కొత్త విషయాలు నేర్చుకోవడానికి ఏదీ అడ్డంకి కాదని పవన్ నిరూపించారని ప్రధాని అభినందించారు. యుద్ధ కళలకు కేవలం శారీరక బలమే కాకుండా మానసిక సమతుల్యత, సహనం, స్వీయ నియంత్రణ అవసరమని.. పవన్ అనుసరిస్తున్న ఈ సంప్రదాయం ఆయన వ్యక్తిత్వాన్ని ప్రతిబింబిస్తోందని ప్రధాని పేర్కొన్నారు. ముఖ్యంగా &nbsp;ఫిట్ ఇండియా వంటి కార్యక్రమాల లక్ష్యాలను పవన్ కళ్యాణ్ వంటి వ్యక్తులు నిజం చేస్తున్నారని ప్రధాని ప్రశంసించారు.</p> <p>ప్రధాని మోదీ నుంచి అందిన ఈ ఆత్మీయ సందేశం పట్ల పవన్ కళ్యాణ్ స్పందిస్తూ హృదయపూర్వక కృతజ్ఞతలు తెలిపారు. ప్రధాని పంపిన లేఖ తనకు దక్కిన గొప్ప గౌరవమని, ఇది తనలో మరింత ప్రోత్సాహాన్ని నింపిందని పేర్కొన్నారు. యుద్ధకళలు తన జీవిత ప్రయాణంలో అంతర్భాగమని, ఇవి తనకు ఒత్తిడిని తట్టుకునే శక్తిని, ఏకాగ్రతను ఇచ్చాయని పవన్ వివరించారు. ప్రజారోగ్య పరిరక్షణ కోసం ప్రధాని తీసుకువచ్చిన &nbsp;ఫిట్ ఇండియా &nbsp;కార్యక్రమం ఆయన దూరదృష్టికి నిదర్శనమని పవన్ కొనియాడారు.</p> <p>స్వామి వివేకానంద ఆకాంక్షించిన బలమైన, &nbsp;దృఢమైన భారతదేశాన్ని నిర్మించడంలో ప్రధాని మోదీ నాయకత్వం ప్రతి భారతీయుడికి ప్రేరణనిస్తోందని పవన్ కళ్యాణ్ తన కృతజ్ఞత లేఖలో పేర్కొన్నారు. ఆరోగ్యకరమైన, క్రమశిక్షణ కలిగిన సమాజం కోసం ప్రధాని చేస్తున్న కృషిలో తాను కూడా భాగస్వామినవుతానని స్పష్టం చేశారు. ప్రధాని వంటి గొప్ప నాయకుడి ప్రోత్సాహం అంకిత భావంతో ప్రజలకు సేవ చేయాలన్న తన సంకల్పానికి మరింత బలాన్నిస్తుందని పవన్ కళ్యాణ్ భావోద్వేగంగా స్పందించారు.&nbsp;</p>