<p><strong>MLDT 1 Drone :</strong> కొందరు విద్యార్థులు చిన్న వయసులో అద్భుతాలు చేయడం చూస్తుంటారు. అనూహ్యమైన నైపుణ్యాలను ప్రదర్శిస్తూ ఉంటారు. అదే తరహాలో ఇంటర్మీడియట్ చదివే విద్యార్థి ఓ అద్భుతం చేసి చూపించాడు. ఎంతో కష్టపడి ఓ ప్రత్యేకమైన డ్రోన్‌ని తయారు చేయడంలో విజయం సాధించాడు. ఈ విద్యార్థి మధ్యప్రదేశ్ లోని గ్వాలియర్‌కు చెందిన వ్యక్తి. అతను సింధియా పాఠశాలలో విద్యనభ్యసిస్తున్నాడు. ఈ విద్యార్థి పేరు మేధాన్ష్ త్రివేది. దాదాపు 3 నెలలు ఎంతో శ్రమించి డ్రోన్ సిద్ధం చేశాడు. ఈ ప్రయోగానికి అతనికి అయిన ఖర్చు సుమారుగా రూ.3.5లక్షలు. మేధాన్ష్ తయారు చేసిన డ్రోన్ పేరు MLDT 1. దీని ప్రత్యేకతల విషయానికొస్తే..</p>
<ul>
<li> ప్రస్తుతం 4 కిలోమీటర్ల ఎత్తు వరకు ఎగురుతుంది</li>
<li> గంటకు 60 కిలోమీటర్ల వేగంతో గమ్యాన్ని చేరుకోగలదు</li>
<li> ఈ ప్రత్యేకమైన డ్రోన్ వెడల్పు 1.8 మీటర్లు, పొడవు 1.8 మీటర్లు</li>
<li> డ్రోన్ సామర్థ్యం 45 హార్స్ పవర్ కంటే ఎక్కువ</li>
<li> 80 కిలోల బరువుతో 6 నిమిషాల పాటు గాలిలో ఎగరగలదు</li>
</ul>
<h4>అద్భుతమైన ప్రదర్శన</h4>
<p>ఈ టెక్నాలజీ యుగంలో కొందరు విద్యార్థులు సమయం వృథా చేస్తూ తల్లిదండ్రులకు భారంగా మారుతుంటే.. మేధాన్ష్ మాత్రం ఈ ప్రత్యేకమైన MLDT 1 అనే డ్రోన్ ను తయారు చేసి దేశానికే గర్వకారణంగా నిలిచాడు. చైనా డ్రోన్స్ ను చూసి తానూ విభిన్నంగా ఏదైనా చేయాలనే ఆలోచనతో ఈ ప్రయోగానికి శ్రీకారం చుట్టినట్టు ఈ విద్యార్థి చెబుతున్నారు. ఈ ప్రయత్నంలో ఉపాధ్యాయుడు మనోజ్ మిశ్రా.. విద్యార్థిని ఎంతో ప్రోత్సహించారు. టెక్నికల్ గా ఎన్నో మెలకువలు నేర్పించారు.</p>
<p><strong>ఎయిర్ టాక్సీ కంపెనే లక్ష్యం</strong></p>
<p>విద్యార్థి ఇప్పుడు ఎయిర్ టాక్సీ కంపెనీని ప్రారంభించాలని కలలు కంటున్నాడు. ప్రజలకు తక్కువ ధరకే హెలికాప్టర్లు అందించాలనే సంకల్పాన్ని కూడా వ్యక్తం చేశాడు. ఈ డ్రోన్ తయారీలో మేధాన్ష్ కు అనేక ఇబ్బందులు ఎదురైనప్పటికీ.. ఫైనల్ గా సక్సెస్ అయ్యాడు. చివరికి, ఉపాధ్యాయుడు, కుటుంబ సభ్యుల సహాయంతో, విద్యార్థి తన కలను సాకారం చేసుకోవడంలో విజయం సాధించాడు.</p>
<p>MLDT 1 సాధారణ డ్రోన్‌ల కంటే పూర్తిగా భిన్నంగా ఉంటుంది. సింధియా స్కూల్ వ్యవస్థాపక దినోత్సవం సందర్భంగా, కేంద్ర మంత్రి జ్యోతిరాదిత్య సింధియా, ఇస్రో చీఫ్ ఎస్ సోమనాథ్ మేధాన్ష్ ఆవిష్కరణను బహిరంగంగా ప్రశంసించారు. వ్యక్తి లేకుండా కూడా ఈ డ్రోన్ నాలుగు కిలోమీటర్ల వరకు తనంతటతానుగా ఎగురుతుందని మేధాన్ష్ చెప్పాడు. అయితే భద్రత దృష్ట్యా 10 మీటర్ల వరకు మాత్రమే ఎగురుతున్నాయన్నాడు. నిధులు మంజూరు కాగానే డ్రోన్‌ను హైబ్రిడ్‌ మోడ్‌లో ప్రవేశపెట్టేందుకు కృషి చేస్తానని విద్యార్థి తెలిపాడు. ప్రస్తుతం, MLDT 1 వ్యవసాయ డ్రోన్ నాలుగు మోటార్లను కలిగి ఉంది.</p>
<h4><strong>డ్రోన్ తయారీకి అదే స్ఫూర్తి</strong></h4>
<p>మేధాన్ష్ ప్రస్తుతం సింధియా స్కూల్‌లో ఇంటర్మీడియట్ విద్యార్థిగా ఉన్నాడు. రానున్న కాలంలో సామాన్యులకు కూడా ఉపయోగపడే డ్రోన్‌లను తయారు చేయనున్నట్లు మేధాన్ష్ ఈ సందర్భంగా చెప్పాడు. ఇతర ప్రాంతాలకు, వ్యవసాయంలో సరుకులను రవాణా చేయడానికి డ్రోన్లను ఉపయోగించవచ్చు. టీచర్ మనోజ్ మిశ్రా మేధాన్ష్‌ను ప్రశంసించారు. 7వ తరగతి నుండి మేధాన్ష్ కొత్త ఆవిష్కరణల గురించి సమాచారాన్ని పొందుతూ ఉండేవాడని అతను చెప్పాడు.</p>
<p>అందరి కంటే భిన్నంగా ఏదైనా చేయాలనే లక్ష్యంతో ఉన్న ఉన్న ఈ స్టూడెంట్.. మోడల్స్‌ను కూడా తానే సిద్ధం చేస్తానని చెప్పాడు. మోడల్, చైనా మానవ సహిత డ్రోన్‌ని చూసిన తర్వాత, మేడాన్ష్ డ్రోన్‌ను తయారు చేయాలని నిశ్చయించుకున్నాడు. మేధాన్ష్ ప్రతిభను చూసి స్కూల్ సిబ్బంది కూడా సాయం చేసేందుకు ముందుకు వచ్చారు. సింధియా స్కూల్ సింధియా రాజకుటుంబం ఆధ్వర్యంలో నడుస్తోంది. </p>
<h2>Also Read :<a title="Parliament Winter Session: పార్లమెంట్‌ శీతాకాల సమావేశాలకు రూ.84 కోట్లు ఖర్చు, ఆమోదం పొందిన బిల్లులెన్ని? వృథా అయిన రోజులెన్ని?" href="https://telugu.abplive.com/news/india/84-crores-wasted-in-parliament-winter-session-how-much-work-and-how-much-loss-in-20-days-191312" target="_self"> పార్లమెంట్‌ శీతాకాల సమావేశాలకు రూ.84 కోట్లు ఖర్చు, ఆమోదం పొందిన బిల్లులెన్ని? వృథా అయిన రోజులెన్ని?</a></h2>
11 months ago
7 
