<p><strong>BRS MLA Padi kaushik Reddy Presented At Magistrate: </strong>అక్రమ అరెస్టులకు తాను భయపడేది లేదని హుజూరాబాద్ ఎమ్మెల్యే, బీఆర్ఎస్ నేత పాడి కౌశిక్‌రెడ్డి (Padi Kaushik Reddy) తెలిపారు. మంగళవారం కరీంనగర్ త్రీ టౌన్ పీఎస్ నుంచి మేజిస్ట్రేట్ ఎదుట హాజరుపర్చేందుకు తీసుకెళ్తుండగా.. పోలీస్ వాహనం నుంచే ఆయన మీడియాతో మాట్లాడారు. 'అమ్ముడుపోయిన ఒక ఎమ్మెల్యేను నిలదీసినందుకు నాపై అక్రమ కేసులు పెట్టారు. పండుగ పూట రాత్రంతా పోలీస్ స్టేషన్‌లోనే ఉంచారు. సీఎం <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a> ఎన్ని అక్రమ కేసులు పెట్టినా భయపడేది లేదు. 6 గ్యారెంటీలు అమలయ్యే వరకూ ప్రశ్నిస్తూనే ఉంటాను. జై తెలంగాణ.' అంటూ నినాదాలు చేశారు. అంతకు ముందు పోలీస్ స్టేషన్‌లోనే కౌశిక్‌రెడ్డికి వైద్య పరీక్షలు నిర్వహించారు.</p>
<p>కాగా, కరీంనగర్ కలెక్టరేట్‌లో మంత్రుల సమీక్ష సమావేశం సందర్భంగా జగిత్యాల ఎమ్మెల్యే సంజయ్‌పై పాడి కౌశిక్‌రెడ్డి దురుసుగా ప్రవర్తించారు. 'నువ్వు ఏ పార్టీ ఎమ్మెల్యేవి.?' అంటూ నిలదీశారు. ఈ క్రమంలో తీవ్ర ఉద్రిక్తత నెలకొనగా.. పోలీసులు పాడి కౌశిక్‌రెడ్డిని బయటకు తీసుకెళ్లారు. ఈ పరిణామాలపై ఫిర్యాదులు అందడంతో వేర్వేరుగా 3 కేసులు నమోదు చేసిన పోలీసులు.. సోమవారం సాయంత్రం కౌశిక్‌రెడ్డిని హైదరాబాద్‌లో అరెస్ట్ చేసి కరీంనగర్ తరలించారు. అటు, కౌశిక్‌రెడ్డి అరెస్ట్ నేపథ్యంలో కరీంనగర్ వ్యాప్తంగా తీవ్ర ఉత్కంఠ నెలకొంది.</p>
<p><strong>Also Read: <a title="Crime News: కన్న కూతురికే లైంగిక వేధింపులు - ఇద్దరు భార్యల ముద్దుల భర్త, చివరకు వారి చేతుల్లోనే.." href="https://telugu.abplive.com/crime/a-husband-who-was-harassing-his-daughter-was-killed-by-two-wives-in-nalgonda-district-194077" target="_blank" rel="noopener">Crime News: కన్న కూతురికే లైంగిక వేధింపులు - ఇద్దరు భార్యల ముద్దుల భర్త, చివరకు వారి చేతుల్లోనే..</a></strong></p>
<p> </p>
10 months ago
8 
