<p>'మిరాయ్'కు మంచి టాక్ లభించింది.‌‌ అయితే మొదటి రోజు ఈ సినిమా థియేటర్ల నుంచి బయటకు వచ్చిన ప్రేక్షకులు అందరూ గమనించిన అంశం ఒక్కటి ఉంది...‌ అది‌ పాటలు లేకపోవడం! శ్రీరాముని మీద నేపథ్యంలో ఒక పాట వినిపించింది.‌‌ శ్లోకాలు వంటివి ఉన్నాయి. అంతే తప్ప...‌ ప్రత్యేకంగా పాటలు ఏమీ లేవు. అలాగని సినిమాలో సాంగ్స్ లేవని కాదు.</p>
<p><strong>వైబ్ ఉంది... కానీ సినిమాలో లేదు!</strong><br />'మిరాయ్' సినిమా నుంచి ఫస్ట్ సింగిల్ అంటూ 'వైబ్ ఉంది' సాంగ్ రిలీజ్ చేశారు. హీరో తేజా సజ్జాతో పాటు‌ హీరోయిన్ రితికా నాయక్ మీద ఆ సాంగ్ తీశారు.‌ దానికి యూట్యూబ్‌లో మంచి స్పందన వచ్చింది. థియేటర్లకు వెళ్లిన ప్రేక్షకులకు ఆ పాట కనిపించలేదు. కట్ చేశారు. కథకు అడ్డం తగులుతుందని సినిమాలో నుంచి తీసేశారు. అదొక్కటే కాదు... సినిమాలో మరొక పాట కూడా లేదు! </p>
<p><strong>నిధి అగర్వాల్ ఐటమ్ సాంగ్ లేనట్టే!</strong><br />'మిరాయ్' కోసం మరొక స్పెషల్ సౌంగ్ చేశారు. పవర్ స్టార్ పవన్ కళ్యాణ్ 'హరి హర వీరమల్లు' హీరోయిన్ నిధి అగర్వాల్ మీద ఐటమ్ సాంగ్ పిక్చరైజ్ చేశారు. థియేటర్లకు వచ్చిన ప్రేక్షకులకు సర్‌ప్రైజ్ ఇవ్వాలని ఆ సాంగ్ ముందు రిలీజ్ చేయలేదు. ఫైనల్ కట్ చూసుకునే సమయంలో కథకు ఐటమ్ సాంగ్ కూడా అడ్డు తగులుతుందని సినిమా నుంచి లేపేశారు.</p>
<p>Also Read<strong>: <a title="మిరాయ్' రివ్యూ: క్లైమాక్స్‌లో శ్రీరాముడు వచ్చాడు... తేజా సజ్జా - మంచు మనోజ్ మూవీ హిట్టేనా?" href="https://telugu.abplive.com/movie-review/entertainment/movie-review-mirai-review-in-telugu-teja-sajja-manchu-manoj-shriya-saran-starring-mirai-super-yodha-movie-critics-review-rating-219882" target="_self">'మిరాయ్' రివ్యూ: క్లైమాక్స్‌లో శ్రీరాముడు వచ్చాడు... తేజా సజ్జా - మంచు మనోజ్ మూవీ హిట్టేనా?</a></strong></p>
<p>'మిరాయ్' చూసిన ప్రేక్షకులు ఎవరికైనా సరే ట్రైన్ ఎపిసోడ్ గుర్తు ఉండి ఉంటుంది.‌ థియేటర్లలో గూస్ బంప్స్ ఇచ్చిన ఎపిసోడ్‌లలో అదొకటి.‌ ట్రైన్ మీద సాంగ్ చేశారు. నిధి అగర్వాల్ ఈ ఐటమ్ సౌంగ్ చేయడానికి కారణం ఏమిటంటే... 'ది రాజా సాబ్'. ఆ సినిమాను పీపుల్ మీడియా ఫ్యాక్టరీ ప్రొడ్యూస్ చేస్తోంది. 'మిరాయ్' ప్రొడక్షన్ హౌస్ కూడా అదే. నిర్మాతల కోసం స్పెషల్ సాంగ్ చేసేందుకు ఓకే చెప్పింది. కట్ చేస్తే ఇప్పుడు ఆ పాట‌ థియేటర్లలోకి రాలేదు. ఇకపై బయటకు రాదని టాక్. ఒకవేళ ‌'మిరాయ్' సీక్వెల్ చేస్తే ‌‌అందులో‌ ఉపయోగించే అవకాశం ఉంటుంది.</p>
<p>Also Read<strong>: <a title="'మిరాయ్' చూశాక వీరమల్లు, వార్, ఘాటీలు వస్తే కష్టమే... స్టాండర్డ్స్ సెట్ చేసిన పీపుల్ మీడియా" href="https://telugu.abplive.com/entertainment/cinema/mirai-vfx-sets-new-benchmark-tough-challenge-ahead-for-films-like-veeramallu-war-2-ghaati-now-onwards-219981" target="_self">'మిరాయ్' చూశాక వీరమల్లు, వార్, ఘాటీలు వస్తే కష్టమే... స్టాండర్డ్స్ సెట్ చేసిన పీపుల్ మీడియా</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/teja-sajja-mirai-ww-pre-release-business-break-even-target-manoj-manchu-219852" width="631" height="381" scrolling="no"></iframe></p>
2 months ago
3 
