<p>ఇండియన్ ప్రీమియర్ లీగ్ 19వ ఎడిషన్ ముగిసి నెల రోజులు కూడా కాకముందే వచ్చే సీజన్ కోసం ఫ్రాంచైజీలు పావులు కదుపుతున్నాయి. ఇదివరకే రిషబ్ పంత్ లక్నోను వీడి ఢిల్లీ క్యాపిటల్స్‌కు వెళ్తున్నాడని వార్త ప్రచారం జరిగింది. అదే సమయంలో ఢిల్లీ జట్టు స్టార్ స్పిన్నర్ కుల్దీప్ యాదవ్‌ను లక్నోకు ట్రేడ్ డీల్ ద్వారా అప్పగించనుందని వైరల్ అయింది. 27 కోట్ల చారిత్రాత్మక ధరకు LSG (లక్నో సూపర్ జెయింట్స్) లోకి వెళ్లిన రిషభ్ పంత్‌ను ఢిల్లీ క్యాపిటల్స్ తిరిగి జట్టులోకి తీసుకుంటుందని, తక్కువ ధరకే వెళ్తున్నాడని వార్తలు వచ్చాయి. ప్రస్తుతం ముంబై ఇండియన్స్ కెప్టెన్ హార్దిక్ పాండ్యాకు సంబంధించిన వార్త ట్రెండ్ అవుతోంది. వచ్చే సీజన్లో పాండ్యా ముంబై ఇండియన్స్ జట్టులో కనిపించకపోవచ్చు. MI (ముంబై ఇండియన్స్), RR (రాజస్థాన్ రాయల్స్) మధ్య ట్రేడ్ డీల్ గురించి చర్చలు ప్రారంభమైనట్లు తెలుస్తోంది. </p>
<p>2015లో తన మొదటి IPL సీజన్ నుండి 2021 వరకు హార్దిక్ పాండ్యా ముంబై ఇండియన్స్ జట్టుకు ప్రాతినిథ్యం వహించాడు. కానీ 2022లో గుజరాత్ జెయింట్స్‌ కు వెళ్లి కెప్టెన్‌గా మారాడు. తన కెప్టెన్సీలో GTకి మొదటి ఏడాది టైటిల్ అందించిన తర్వాత, మరుసటి సంవత్సరం (2023) జట్టును ఫైనల్స్ కు తీసుకెళ్లాడు. 2024లో అతను తిరిగి ముంబై జట్టుకు వచ్చేశాడు. అనూహ్యంగా రోహిత్ శర్మను తొలగించి హార్దిక్‌ను ముంబై కెప్టెన్‌గా చేశారు. అయితే పాండ్యా ఇక్కడ అంత సక్సెస్ కాలేదు. 2024లో MI పాయింట్ల పట్టికలో చివరి స్థానంలో నిలవగా, 2025లో జట్టు ప్లేఆఫ్స్‌కు చేరుకుంది. 2026లో జట్టు 9వ స్థానంలో నిలిచి మరోసారి తీవ్రంగా నిరాశ పరిచింది.</p>
<p>జైస్వాల్2ను తీసుకోవాలని భావిస్తున్న ముంబై ఇండియన్స్<br />ప్రస్తుతం అందుతున్న నివేదికల ప్రకారం, ట్రేడ్ ద్వారా ముంబై ఇండియన్స్ రాజస్తాన్ ఓపెనర్ యశస్వి జైస్వాల్‌ను తమ జట్టులోకి తీసుకోవాలని భావిస్తోంది. అందుకోసం వారు తమ కెప్టెన్‌ పాండ్యాను రాజస్థాన్‌కు ఇవ్వనున్నారు. ఈ చర్చలు ప్రస్తుతం తొలి దశలోనే ఉన్నాయి. గత సీజన్‌లో రోహిత్ శర్మతో ఓపెనింగ్ జోడీ విషయంలో ముంబైకి ఇబ్బందులు ఎదురయ్యాయి. ఒకవేళ జైస్వాల్ వస్తే ఇది మంచి జోడీ కావచ్చు. వీరిద్దరూ అంతర్జాతీయ క్రికెట్‌లో కూడా కలిసి ఓపెనింగ్ చేశారు. </p>
<p><strong>సూర్యకుమార్ కూడా ముంబై నుంచి ఔట్.. తెలుగు తేజానికి MI కెప్టెన్సీ</strong><br />కేవలం కెప్టెన్ హార్దిక్ పాండ్యా మాత్రమే కాదు, ముంబైకి మరో స్టార్ ప్లేయర్ సైతం దూరం అవుతాడని సమాచారం. దాంతో తెలుగు తేజం తిలక్ వర్మ చేతికి ముంబై సారథ్య బాధ్యతలు రావొచ్చు. BCCI సూర్యకుమార్ యాదవ్‌ను టీ20 కెప్టెన్సీ నుంచి తొలగించి మరొకరికి ఛాన్స్ ఇచ్చింది. టీ20 జట్టులో కూడా సూర్యకు చోటు దక్కడం లేదు. IPL 2027లో సూర్య భాయ్ సైతం ముంబై ఇండియన్స్‌లో కనిపించకపోవచ్చు. గత సీజన్‌లో 13 ఇన్నింగ్స్‌ల్లో కేవలం 270 పరుగులు మాత్రమే చేశాడు. అయితే, మరికొన్ని జట్లు సూర్యకుమార్ ను సొంతం చేసుకుని కెప్టెన్‌గా చేయాలని భావిస్తున్నాయి. మరో రెండు, మూడేళ్లు సూర్య కెరీర్ కొనసాగించవచ్చు.</p>
<p>ముంబై ఇండియన్స్ కొత్త కెప్టెన్‌గా తిలక్ వర్మకు లైన్ క్లియర్ అవుతుంది. ఒకవేళ పాండ్యా, సూర్య కుమార్ జట్టు నుంచి ఔట్ అయితే తిలక్ వర్మ ముంబై కెప్టెన్ కావడానికి చాలా అవకాశాలు ఉన్నాయి. జాతీయ జట్టులోనూ అతడు టీ20ల్లో వైస్ కెప్టెన్‌గా నియమితుడయ్యాడు. వచ్చే వారం జరగబోయే MI రివ్యూ మీటింగ్‌లో కెప్టెన్సీతో పాటు పలువురు ఆటగాళ్లపై నిర్ణయం తీసుకోనున్నారు.</p>
4 months ago
9 
