<p><strong>Meghasandesam</strong> <strong>Serial Today Episode:</strong> శరత్‌ చంద్ర ఇంటికి వెళ్లి వచ్చిన భూమి డల్లుగా ఉంటుంది. ఎదురుగా వెళ్లిన శారద ఏమైందని అడుగుతుంది. ఇంటికి వెళ్లి వచ్చావు కదా మీ నాన్న ఏమన్నారు అని అడుగుతుంది. భూమి పలకకుండా అలాగే చూస్తుంది.</p>
<p><strong>శారద:</strong> చెప్పమ్మా భూమి మీ నాన్న గారు ఏమన్నారు..? నిన్ను ఏమీ తిట్టలేదు కదా..? నీపై కోప్పడలేదు కదా..?</p>
<p><strong>భూమి:</strong> ఏమీ అనలేదు అత్తయ్య..</p>
<p><strong>శారద:</strong> అయితే మొత్తానికి మీ నాన్నగారి కోపం చల్లారింది అన్నమాట. ఇంతకీ ఆయన ఏమన్నారు.. నీతో అసలు మాట్లాడలేదా..? నువ్వు ఇంటికి వెళితే ఆయన ఏదో ఒకటి అనే ఉంటారు కదా భూమి.. నువ్వేమో ఆయన ఏమీ అనలేదు అంటున్నావు..</p>
<p><strong>భూమి:</strong> ఆయన నా మీద కోప్పడలేదు కానీ నాకో కండీషన్‌ పెట్టారు.. ఆ కండీషన్‌ ప్రకారం నేను నడుచుకోవాలన్నారు.. అత్తయ్య</p>
<p><strong>శారద:</strong> ఏం కండీషన్‌ పెట్టారు భూమి.. చెప్పు.. ఎందుకు కండీషన్‌ పెట్టారు..?</p>
<p><strong>భూమి:</strong> ఆయన చెప్పినట్టు చేస్తే నన్ను ఆయన కూతురిగా అంగీకరిస్తా అన్నారు అత్తయ్య.. పైగా ఇంత వరకు జరిగిన విషయాలు మొత్తం మర్చిపోతారట. అందరూ హ్యాపీగ ఉండొచ్చని అన్నారు.</p>
<p><strong>శారద:</strong> ఇంతకీ ఆయన ఏ కండీషన్‌ పెట్టారు.. ఏం పని చేయమని చెప్పారు అది చెప్పు భూమి.. అది చెప్పకుండా నువ్వేదో చెప్తున్నావు.. ఇంతకీ మీ నాన్న గారు చెప్పిన ఆ పనేంటి భూమి..? ఆయన కోసం నువ్వేమైనా చేస్తావు కదా భూమి.. ఇప్పుడు ఇది ఎందుకు చేయకూడదు..? ఇంకా ఆలోచిస్తావేంటి..? ఆయన చెప్పిన పని చేసి ఆయన కోపం తగ్గించొచ్చు కదమ్మా..? </p>
<p><strong>భూమి:</strong> ( మనసులో) ఆయన చెప్పిన కండీషన్‌ తెలిస్తే మీరు తట్టుకోలేరు అత్తయ్య.. మీకు ఎలా చెప్పాలి నేను ఆ విషయం</p>
<p>అనుకుంటుండగా.. శారద మాత్రం ఆత్రుతగా చూస్తుంది. కానీ భూమి అసలు విషయం చెప్పకపోయే సరికి కోప్పడుతుంది.</p>
<p><strong>శారద:</strong> ఏంటి భూమి ఆలోచిస్తున్నావు.. ఇంతకీ మీ నాన్న గారు ఏం కండీషన్‌ పెట్టారు చెప్పమ్మా..?</p>
<p><strong>భూమి:</strong> అత్తయ్య ఆయన పెట్టిన కండీషన్‌ గురించి తెలిస్తే మీరు బాధపడతారు. మీరు కూడా అందుకు నన్ను ఒప్పుకోవద్దంటారు అత్తయ్య..</p>
<p><strong>శారద:</strong> ఏం కండీషన్‌ పెట్టారు.. గగన్‌ ను వదిలేసి రమ్మన్నారా..? లేకపోతే ఈ ఇంటి కోడలిగా కాకుండా ఆ ఇంటి శరత్ చంద్ర బిడ్డగా బతకమని చెప్పారా..? ఏం చెప్పారు చెప్పు భూమి.. ఆయన ఎలాంటి కండీషన్‌ పెట్టినా ఆయన కోసం నువ్వు చేస్తావా..? భూమి..</p>
<p><strong>భూమి:</strong> అదేం లేదు అత్తయ్య ఆయన వేరే కండీషన్‌ పెట్టారు.. మీకే కాదు బావకు కూడా కోపం తెప్పించే విషయం అత్తయ్య</p>
<p><strong>శారద:</strong> మాకు నచ్చదు కోపం వస్తుంది అంటున్నావు కానీ అసలు మీ నాన్న గారు ఏమన్నారో చెప్పమంటే చెప్పడం లేదేంటి..? భూమి..</p>
<p><strong>భూమి:</strong> బతికున్న మామయ్యకు పిండ ప్రదానం చేయమని అది కూడా గగన్‌ బావతో చేయించమని అందుకోసం బావను నన్నే ఒప్పించాలని కండీషన్‌ పెట్టారు అత్తయ్య.. అప్పుడే నన్ను కూతురిగా మళ్లీ అంగీకరిస్తా అన్నారు..</p>
<p>అని భూమి చెప్పగానే.. శారద షాక్‌ అవుతుంది. ఇంతలో పై నుంచి గగన్‌ రావడంతో భూమి, శారద ఆ విషయం మాట్లాడకుండా ఉండిపోతారు.. అయితే మీరు లేని టైంలో మన ఇంటికి ఆ శరత్‌చంద్ర వచ్చాడు అమ్మ అని గగన్‌ చెప్పడంతో భూమి, శారద భయపడతారు. అయితే శరత్ చంద్ర అడిగిన విషయం చెప్పి కేపీకి నా చేతులతో పిండ ప్రధానం చేయాలనుకుంటున్నాను అని గగన్‌ చెప్పడంతో ఇంతలో ఇవాళ్టీ ఎపిసోడ్‌ అయిపోతుంది. </p>
<p><a title="<strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"><strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
2 weeks ago
2 
