<p><strong>Meghasandesam</strong> Serial Today Episode : తాను ఇంట్లోకి తీసుకొచ్చిన డబ్బు కొట్టేయడానికి ఒక దొంగను సెటప్‌ చేస్తాడు వంశీ. అందరూ నిద్రపోయాక వాడు రాగానే.. వంశీ వెళ్లి డోర్‌ తీస్తాడు. డబ్బులు ఎక్కడ ఉన్నయో దొంగకు చెప్తాడు వంశీ. దొంగోడు లోపలికి వెళ్లగానే..సౌందర్య, రమేష్‌లను బయటకు రప్పించేందుకు ఇందు చేత వాళ్లను పిలిపిస్తాడు వంశీ. వాళ్లు నిద్ర లేచి రూంలోంచి బయటకు రాగానే దొంగోడు రూంలోకి వెళ్లి డబ్బులు ఎత్తుకెళ్తుంటే రమేష్‌ చూసి కంగారుపడతాడు. సౌందర్య వచ్చి పట్టుకుంటుంది. వాడు దొరికితే నేను దొరుకుతాను నేనే ఏదైనా చేయాలి అనుకుని బయటకు వచ్చి దొంగోడు పారిపోయేలా చేస్తాడు. మరోవైపు నక్షత్రను ఎవరో హాస్పిటల్‌కు తీసుకుని వస్తారు. చందు చూసి గగన్‌కు ఫోన్‌ చేస్తాడు.</p>
<p><strong>గగన్‌:</strong> ఆ చందు చెప్పరా..?</p>
<p><strong>చందు:</strong> సారీ నేను ఏమైనా డిస్టర్బ్‌ చేశానా..?</p>
<p><strong>గగన్‌:</strong> ఏం లేదురా.. నేను బయలుదేరుతున్నాను..</p>
<p><strong>చందు:</strong> నేను హాస్పిటల్‌లో ఉన్నాను.</p>
<p><strong>గగన్‌:</strong> హాస్పిటల్‌ లా ఏమైందిరా ఏమైనా సీరియస్సా..?</p>
<p><strong>చందు:</strong> లేదు సిస్టర్‌ డెలివరీ మ్యాటర్‌.. బిల్‌ సెటిల్‌ చేసి వస్తుంటే.. నిన్న ఈవినింగ్‌ నిన్ను కలిసింది. బావా అంటూ నీతో మాట్లాడాలి అంటూ మన సైట్‌కు వచ్చింది చూడు..</p>
<p><strong>గగన్‌:</strong> తను.. నక్షత్రా…?</p>
<p><strong>చందు:</strong> తను ఇప్పుడు సీరియస్‌ కండీషన్‌లో ఉంది. బతుకుతుందో లేదోనన్న డౌటులో ఉంది.</p>
<p><strong>గగన్‌:</strong> ఏమైందిరా..?</p>
<p><strong>చందు:</strong> ఏమైందో కూడా నాకు తెలియదు. వెంటనే నీకు కాల్‌ చేశాను. నువ్వు వస్తానంటే నేను డీటెయిల్స్‌ కనుక్కుంటాను.</p>
<p><strong>గగన్‌:</strong> నేను ఇప్పుడే వస్తాను..</p>
<p>అంటూ గగన్‌ అక్కడి నుంచి బయలుదేరుతాడు. మరోవైపు భూమి కాఫీ తీసుకుని అపూర్వ దగ్గరకు వెళ్లి గుడ్‌ మార్నింగ్‌ మేడం కాఫీ తీసుకోండి మేడం అంటుంది.</p>
<p><strong>అపూర్వ:</strong> ఏంటే పొగరు తగ్గింది. పిలుపు మారింది. ఇంత బయపడి పోతున్నావు. ఇది నిజంగా భయమేనా.. లేక ఎప్పటి లాగే నటిస్తున్నావా..?</p>
<p><strong>భూమి:</strong> మీరు నమ్మినా నమ్మకపోయినా ఇది నిజమే మేడం. మీతే పెట్టుకుని తప్పు చేశానని రాత్రి దెబ్బలు తింటున్నప్పుడు అర్తం అయింది మేడం.</p>
<p><strong>అపూర్వ:</strong> అందుకని కాఫీలో ఇప్పుడు విషం కలుపుకొచ్చి నటిస్తున్నావా..?</p>
<p><strong>భూమి:</strong> మిమ్మల్ని విషం ఇచ్చి చంపితే నాన్న నా మీద పెట్టుకున్న నమ్మకం పోతుంది కదా..? మేడం. దత్తత కాన్సిల్‌ అయిపోయింది. ఇక నేను ఇక్కడ ఉండటం వేస్ట్ అనిపిస్తుంది. ఇక నేను గగన్‌ గారి దగ్గరకు వెళ్లిపోతున్నాను. మీకు సారీ చెప్తున్నాను.</p>
<p><strong>అపూర్వ:</strong> శభాష్‌.. మొట్టమొదటి సారి నువ్వు నాకు నచ్చినట్టు మాట్లాడావు. నీలో ఇంత మార్పు వస్తుంది అనుకుని ఉంటే నాలో ఉన్న శోభాచంద్రను నీకు ఎప్పుడో పరిచయం చేసేదాన్ని. వెళ్లే ముందు ఏం కావాలో కోరుకో.. అలాగని మొత్తం ఆస్థి రాసిస్తానని అనుకోకు.</p>
<p><strong>భూమి:</strong> లేదు ఆంటీ నాకు ఏమీ అవసరం లేదు. నేను ఎలా వచ్చానో అలాగే వెళ్తాను.</p>
<p><strong>అపూర్వ:</strong> ఉదయాన్నే నువ్వు ఇంత కిక్కు ఇస్తావనుకోలేదే.. బాగుంది. కాఫీ కూడా అదిరింది. వెళ్లాక నీ మొగుడికి ఆ గగన్‌ గాడికి చెప్పు ఇక నుంచి ఈ ఇంటి జోలికి రావొద్దని చెప్పు. అలాగే నీ అత్త ఆ శారదకు చెప్పు ఈ ఊరే వదిలేసి వెళ్లమని చెప్పు.. ఇంకా నిలబడ్డావేంటి బయలుదేరు.</p>
<p><strong>భూమి:</strong> మీరు కాఫీ తాగి కప్పు ఇస్తే వెళ్లిపోతాను మేడం.</p>
<p>అని భూమి చెప్పగానే.. ఈ ఆనందంలో నీకు ఏదో ఒకటి ఇవ్వాలనుకుంటున్నాను అని గోల్డ్‌ చైన్‌ ఇవ్వబోతుంటే.. నిజంగానే నాకేమీ వద్దు అంటుంది. ఇంతలో అపూర్వ గొంతు పడిపోతుంది. మాట్లాడటానికి రాదు. నోరు పడిపోతుంది. దీంతో అపూర్వ భయంతో వణికిపోతుంది. దీంతో భూమి నేను మాట్లాడేటప్పుడు నువ్వు మాట్లాడకూడదని ఇలా సెట్‌ చేశా అంటుంది. తాను ప్రసాద్‌తో కలిసి ఆడిన నాటకం చెప్తుంది. దీంతో నా నోరు పడిపోతే నీ దత్తత కార్యక్రమం ఎలా జరుగుతుందే అని సైగలు చేసి అడుగుతుంది. దీంతో ఇంకా ప్లాన్‌ పూర్తిగా వర్కవుట్‌ కాలేదని ఇప్పుడే అమలవుతుందని చెప్పి బెల్ట్‌ తీసుకుని అపూర్వను కొడుతుంది. ఇంతటితో ఇవాళ్టీ ఎపిసోడ్‌ అయిపోతుంది. </p>
<p> </p>
<p><a title="ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట! " href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_blank" rel="noopener">ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట! </a></p>
<p> </p>
9 months ago
8 
