<p><strong> New Healthcare Payment Solutions:</strong> మన దేశంలో వైద్య చికిత్సల ఖర్చులు పెరగడమే తప్ప తరగడం లేదు. నేషనల్‌ హెల్త్ ప్రొఫైల్ 2023 ప్రకారం, దేశంలో వైద్య ద్రవ్యోల్బణం (Medical Inflation) మొత్తం ద్రవ్యోల్బణాన్ని అధిగమించి, గత సంవత్సరంలో దాదాపు 14 శాతానికి చేరుకుంది. ఈ పెరుగుదల వల్ల మధ్య తరగతి & తక్కువ ఆదాయ కుటుంబాలు అప్పుల్లో కూరుకుపోతున్నాయి. అధిక ఆదాయ వర్గాలు కూడా ఊహించని ఆర్థిక భారం మోయాల్సి వస్తోంది. ఈ సమస్యకు పరిష్కారాలు కూడా ఉన్నాయి. . భారం లేకుండా వైద్య ఖర్చులను భరించడానికి కొత్త హెల్త్‌కేర్‌ పేమెంట్‌ సొల్యూషన్స్‌ మార్కెట్‌లో అందుబాటులో ఉన్నాయి.</p>
<p><strong>మన దేశంలో ఆరోగ్య సంరక్షణ ఖర్చులను పెంచుతున్న అంశాలు</strong></p>
<p>సరికొత్త సాంకేతికలు: అత్యాధునిక వైద్య సాంకేతికతలు, అధునాతన చికిత్సలు సాధారణంగా ఎక్కువ ధరలతో ఉంటాయి. ఉదాహరణకు, రోబోటిక్ సర్జరీలు, మాలిక్యులర్ డయాగ్నస్టిక్స్ వంటివి.</p>
<p>నాన్-కమ్యూనికబుల్ డిసీజ్‌లు (NCDs): మధుమేహం, రక్తపోటు, గుండె సంబంధ సమస్యలు వంటి జీవనశైలి వ్యాధులు పెరుగుతున్నాయి. వీటికి దీర్ఘకాల సంరక్షణ & ఖరీదైన మందులు అవసరం.</p>
<p>హాస్పిటల్ ఇన్‌ఫ్రాస్ట్రక్చర్: అనేక ప్రైవేట్ ఆసుపత్రులు గ్లోబల్ స్టాండర్డ్స్‌కు అనుగుణంగా మౌలిక సదుపాయాలపై భారీగా పెట్టుబడి పెడుతున్నాయి, ఇది చికిత్స ఖర్చులను పెంచుతుంది.</p>
<p>మందుల ధరలు: ఔషధాల ధరలను పరిమితం చేసేలా ప్రభుత్వం ప్రయత్నాలు చేస్తున్నప్పటికీ, పేటెంట్ పొందిన మందులు & ప్రత్యేక చికిత్సల ఔషధాల ధరలు ఎక్కువగానే ఉన్నాయి.</p>
<p>మెడికల్ టూరిజం: భారతదేశం, గ్లోబల్‌ మెడికల్ టూరిజం హబ్‌గా మారింది. ఎక్కువ ఫీజ్‌ చెల్లించడానికి సిద్ధంగా ఉన్న అంతర్జాతీయ రోగులకు మన ఆసుపత్రులు ప్రాధాన్యత ఇవ్వడంతో, భారతీయులపైనా ఆ భారం పడుతోంది.</p>
<p><strong>హెల్త్‌కేర్ పేమెంట్‌ సొల్యూషన్స్</strong></p>
<p>వైద్య ద్రవ్యోల్బణం విసురుతున్న ఆర్థిక సవాళ్లను ఎదుర్కోవడానికి చాలా ఆరోగ్య సంరక్షణ చెల్లింపు పరిష్కారాలు మార్కెట్‌లో ఉన్నాయి.</p>
<p>ప్రభుత్వ పథకాలు: ఆయుష్మాన్ భారత్ ప్రధాన్ మంత్రి జన్ ఆరోగ్య యోజన (PM-JAY) వంటి భారత ప్రభుత్వ కార్యక్రమాలు ఆర్థికంగా వెనుకబడిన కుటుంబాలకు ఆరోగ్య కవరేజీని అందిస్తున్నాయి. </p>
<p>ప్రైవేటు పథకాలు: ప్రైవేటు ఆరోగ్య బీమా సంస్థలు కూడా వ్యక్తులు & కుటుంబాల అవసరాలకు సరిపోయే ఆరోగ్య బీమా పథకాలను అమ్ముతున్నాయి. ఆరోగ్య బీమా పథకాలకు కొన్ని ప్రత్యేక ఫీచర్లను అదనంగా యాడ్‌ చేస్తున్నాయి. అవి:</p>
<p>టాప్-అప్ ప్లాన్‌లు: వీటి ద్వారా, పాలసీహోల్డర్‌ తన బేస్ ఇన్సూరెన్స్‌కు మించి కవరేజీని పొడిగించుకోవచ్చు.</p>
<p>క్రిటికల్ ఇల్‌నెస్ పాలసీలు: క్యాన్సర్ లేదా గుండె జబ్బుల వంటి తీవ్రమైన పరిస్థితుల్లో ఏకమొత్తంలో చెల్లింపులు అందుతాయి.</p>
<p>నగదు రహిత చికిత్స: వైద్య చికిత్స సమయంలో జేబు నుంచి డబ్బు తీసే అవసరాన్ని తగ్గిస్తుంది.</p>
<p><strong>వైద్య రుణాల కోసం డిజిటల్ ప్లాట్‌ఫామ్‌లు</strong><br />EMIల్లో తిరిగి చెల్లించే వీలున్న మెడికల్ లోన్‌లు, హెల్త్‌కేర్-ఫోకస్డ్ పేమెంట్ యాప్‌లకు ప్రజల్లో ఆదరణ పెరుగుతోంది. ఈ యాప్‌లు/లోన్లు తక్షణం డబ్బును అందిస్తాయి. తద్వారా, ఆ కుటుంబం తన పొదుపు/పెట్టుబడులను కదిలించకుండా నాణ్యమైన వైద్య సేవలు పొందొచ్చు. ఖరీదైన చికిత్సల కోసం వడ్డీ లేని EMIలను అందించడానికి అనేక ఆసుపత్రులు ఆర్థిక సంస్థలతో ఒప్పందాలు కుదుర్చుకుంటున్నాయి.</p>
<p><strong>కంపెనీ యాజమాన్యాల నుంచి హెల్త్‌ కవరేజ్‌</strong><br />ఉద్యోగి ఆరోగ్య సంరక్షణపై శ్రద్ధ పెడుతున్న చాలా కంపెనీలు ఉద్యోగి & అతని కుటుంబ సభ్యుల కోసం ఆరోగ్య బీమా ప్రయోజనాలను అందిస్తున్నాయి. ఇందుకోసం, కొన్ని కంపెనీలు ప్రీమియంలో కొంత భాగాన్ని ఉద్యోగుల నుంచి వసూలు చేస్తుండగా, మరికొన్ని కంపెనీలు ప్రీమియం మొత్తాన్ని తామే చెల్లిస్తున్నాయి.</p>
<p><strong>క్రౌడ్ ఫండింగ్ ప్లాట్‌ఫామ్‌లు</strong><br />Ketto, ImpactGuru, Milaap వంటి వెబ్‌సైట్‌లు ఖరీదైన వైద్య చికిత్సల కోసం నిధులు సమీకరణలో సాయపడుతున్నాయి. </p>
<p><strong>సబ్‌స్క్రిప్షన్ ఆధారిత ఆరోగ్య సంరక్షణ</strong><br />హెల్త్‌కేర్ కంపెనీలు, నెలవారీ చెల్లింపులతో సబ్‌స్క్రిప్షన్ మోడల్‌లను ప్రవేశపెడుతున్నాయి. వీటి ద్వారా అపరిమిత డాక్టర్ సంప్రదింపులు, రోగ నిర్ధారణ పరీక్షలు & మందులపై డిస్కౌంట్‌, ఎక్స్‌పర్ట్‌ కన్సల్టేషన్‌ వంటివి అందిస్తున్నాయి.<br /> <br /><strong>మరో ఆసక్తికర కథనం:</strong> <a title="అత్యవసర పరిస్థితుల్లో పీఎఫ్‌ డబ్బును ఎలా విత్‌డ్రా చేయాలి? - పూర్తి సమాచారం ఇదే!" href="https://telugu.abplive.com/business/personal-finance/pf-money-withdrawal-process-before-maturity-know-all-details-about-eligibility-criteria-and-documents-required-190494" target="_self">అత్యవసర పరిస్థితుల్లో పీఎఫ్‌ డబ్బును ఎలా విత్‌డ్రా చేయాలి? - పూర్తి సమాచారం ఇదే!</a> </p>
11 months ago
7 
