Mauni Amavasya 2025 : మౌని అమావాస్య 2025 - ప్రాముఖ్యత, చేయాల్సిన పరిహారాలు - పూజా విధానం , శుభ ముహూర్తం

<p><strong>Mauni Amavasya 2025 :</strong> హిందూ క్యాలెండర్ ప్రకారం, మాఘ మాసంలోని అమావాస్యను మౌని అమావాస్య అంటారు. మౌని అంటే నిశ్శబ్దం. కాబట్టి ఈ రోజున మౌనం పాటించడం, ఉపవాసం ఉండడం ద్వారా మానసిక, ఆధ్యాత్మిక బలాన్ని పొందుతారని చెబుతారు. ఈ రోజున నదుల్లో పుణ్య స్నానాలు ఆచరించడం, దానం చేయడం వల్ల చేసిన పాపాలు తొలగిపోయి, మోక్షం ప్రాప్తిస్తుందని అనేక మంది విశ్వసిస్తుంటారు. అందులోనూ ఈ రోజు గంగా నది (Ganga River)లో చేసే స్నానికి ప్రత్యేక ప్రాముఖ్యత ఉంటుంది. అందుకే చాలా మంది ప్రయాగ్ రాజ్ లోని త్రివేణి సంగమంలో (Triveni Sangam) స్నానాలాచరించేందుకు వెళ్తుంటారు. సూర్య భగవానుడు, పూర్వీకులను పూజించేందుకు ఇది ఉత్తమమైన రోజు. ఈ ఏడాది ఇది జనవరి 29వ తేదీన రాబోతోంది.</p> <p><strong>మౌని అమావాస్య తిథి</strong></p> <p>హిందూ విశ్వాసాల ప్రకారం, మాఘ మాస అమావాస్య తిథి జనవరి 28వ తేదీ రాత్రి 7.32 గంటలకు ప్రారంభమై జనవరి 29న సా.6.05 గంటలకు ముగుస్తుంది.</p> <p><strong>శుభ ముహూర్తం</strong></p> <p>మౌని అమావాస్య రోజున బ్రహ్మ ముహూర్తం జనవరి 29వ తేదీన ఉ. 5.25 గంటలకు ఆరంభమై 6.18 గంటల వరకు ఉంటుంది.&nbsp;</p> <p><strong>మౌని అమావాస్య ప్రాముఖ్యత</strong></p> <p>మౌని అమావాస్య నాడు గంగా నదిలో స్నానం చేయడం పుణ్యప్రదంగా భావిస్తారు. ఎందుకంటే ఈ రోజున గంగా జలం అమృతంలా మారుతుందని చెబుతారు. మను మహర్షి మాఘమాసంలో వచ్చే అమావాస్య రోజున జన్నించాడని, అందుకే ఈ తేదీని మౌని అమావాస్య అని పిలుస్తారని నమ్ముతుంటారు. ఈ రోజు మౌనం పాటిస్తే వారు తమ జీవితంలో విజయం సాధిస్తారని అనేక మంది విశ్వసిస్తుంటారు.</p> <p><strong>మౌని అమావాస్య - పూజా విధానం</strong></p> <p>మౌని అమావాస్య రోజున బ్రహ్మ ముహూర్తంలో నిద్ర మేల్కోవడం ఫలప్రదంగా చెబుతారు. ఈ రోజున వీలైతే గంగా నదిలో స్నానం చేయాలి. అది సాధ్యం కాని యెడల స్నానం చేసే నీళ్లలో గంగా జలం కలిపి స్నానం చేయొచ్చు. ఆ తర్వాత లోకానేలే శ్రీ మహా విష్ణువును ధ్యానించి, ఉపవాసం ఉండాలి. అనంతరం ఇంట్లో లేదా దగ్గర్లోని తులసి చెట్టుకు 108 ప్రదక్షిణలు చేయాలి. ఆ తర్వాత మీ తాహత మేరకు పేదలకు ఆహారం, డబ్బు, బట్టలు లేదా ఇంకేదైనా దానం చేయండి.</p> <p><strong>ఈ పరిహారాలతో మౌని అమావాస్యను జరుపుకోండి</strong></p> <ul> <li>తమ పూర్వీకుల అనుగ్రహం పొందాలనుకునే వారు ఈ రోజున పసుపు పంగు దుస్తులు ధరించి తమ పెద్దలను స్మరించుకోవాలి. ఇలా చేయడం వల్ల వారి ఆత్మ శాంతించి, ఆశీర్వచనాలు అందిస్తారని నమ్ముతుంటారు.</li> <li>ఇంటి ప్రధాన ద్వారం మీద పసుపు కలిపిన నీళ్లను చిలకరించి, ఇంటి తలుపును కూడా నీటితో శుభ్రం చేయాలి. ఇలా చేయడం వల్ల ఇంట్లో పాజిటివ్ ఎనర్జీ పెరుగుతుందంటారు.</li> <li>ఈ రోజున మహా విష్ణువుతో పాటు తులసి చెట్టును కూడా అత్యంత భక్తి, శ్రద్దలతో పూజించాలి, ధ్యానించాలి.</li> </ul> <p><strong>Also Read : <a href="https://telugu.abplive.com/lifestyle/different-types-of-salt-for-cooking-know-uses-benefits-195623">Types of Salt : ఉప్పుల్లోని రకాలు.. వాటి ఉపయోగాలు.. దేనిని వాడితే వంటకు రుచి పెరుగుతుందో తెలుసా?</a></strong></p> <div id="simple-translate" class="simple-translate-system-theme"> <div> <div class="simple-translate-button isShow" style="background-image: url('moz-extension://592a1b1c-9828-4626-abaa-ef8f3bfb66e4/icons/512.png'); height: 22px; width: 22px; top: 259px; left: 1212px;">&nbsp;</div> <div class="simple-translate-panel " style="width: 300px; height: 200px; top: 0px; left: 0px; font-size: 13px;"> <div class="simple-translate-result-wrapper" style="overflow: hidden;"> <div class="simple-translate-move" draggable="true">&nbsp;</div> <div class="simple-translate-result-contents"> <p class="simple-translate-result" dir="auto">&nbsp;</p> <p class="simple-translate-candidate" dir="auto">&nbsp;</p> </div> </div> </div> </div> </div>