Malai Egg Curry Recipe : మలై ఎగ్ కర్రీ.. ఇంట్లోనే రెస్టారెంట్ స్టైల్ రుచి కావాలంటే ఈ రెసిపీ ట్రై చేసేయండి

<p style="text-align: justify;"><strong>Restaurant Style Malai Egg Curry Recipe :</strong> గుడ్డుతో చేసిన ప్రతి వంటకం రుచికరంగానే ఉంటుంది. కానీ మలై ఎగ్ కర్రీ వాటిలో కాస్త ప్రత్యేకమైనది. క్రీమీ, రిచ్ టేస్ట్​తో నోటిలో పెట్టుకుంటే ఇట్టే కరిగిపోతుంది. సరైన పద్ధతి, రెసిపీ తెలిస్తే ఇంట్లో కూడా అదే స్టైల్ మలై గ్రేవీ కర్రీని తయారు చేసుకోవచ్చు. మలై ఎగ్ కర్రీ అసలైన రుచి దాని గ్రేవీలోనే ఉంటుంది. క్రీమ్​ కోసం జీడిపప్పు, తేలికపాటి మసాల దినుసులు ఉపయోగిస్తారు. ఇదే కర్రీ రుచిని రిచ్, రాయల్&zwnj;గా చేస్తుంది.</p> <p style="text-align: justify;"><strong>&nbsp;మలై ఎగ్ కర్రీ తయారీ విధానం..&nbsp;</strong></p> <p style="text-align: justify;">మలై ఎగ్ కర్రీలో.. గ్రేవీ ముఖ్యమైన భాగం. రెస్టారెంట్ స్టైల్లో గ్రేవీ చేయాలనుకుంటే.. ఉల్లిపాయ పేస్ట్, ఫ్రెష్ క్రీమ్ అవసరం. జీడిపప్పు గ్రేవీకి చిక్కదనాన్ని ఇస్తుంది. క్రీమ్ దానిని రిచ్&zwnj;గా చేస్తుంది. క్రీమ్ లేకపోతే.. గ్రేవీ అంత మృదువుగా ఉండదు. జీడిపప్పు లేకపోతే రుచి అంతగా అనిపించదు. కావాల్సిన పదార్థాలు, వాటితో గ్రేవీ ఎలా చేయాలో చూసేద్దాం.&nbsp;</p> <h3 style="text-align: justify;">కావాల్సిన పదార్థాలు</h3> <ul> <li style="text-align: justify;">1 నుంచి 2 ఉల్లిపాయలు (ముక్కలు చేసినవి)</li> <li style="text-align: justify;">8 నుంచి 10 జీడిపప్పు</li> <li style="text-align: justify;">1 టీస్పూన్ గసగసాలు&nbsp;</li> <li style="text-align: justify;">1 టీస్పూన్ అల్లం-వెల్లుల్లి</li> <li style="text-align: justify;">1 పచ్చిమిరపకాయ</li> <li style="text-align: justify;">కొంచెం నీరు</li> </ul> <p style="text-align: justify;">ముందుగా ఒక పాన్&zwnj;లో ఈ పదార్థాలన్నింటినీ వేసి తక్కువ మంట మీద 10 నుంచి 12 నిమిషాలు ఉడికించాలి. ఇది ఉల్లిపాయల్లోని పచ్చిదనాన్ని తొలగిస్తుంది. జీడిపప్పు, గసగసాలు మెత్తబడి గ్రేవీకి క్రీమీ ఆకృతిని ఇవ్వడానికి సిద్ధంగా ఉంటాయి. ఇప్పుడు ఈ మిశ్రమాన్ని పూర్తిగా చల్లార్చి మిక్సర్&zwnj;లో వేసి.. మృదువైన పాల లాంటి పేస్ట్&zwnj;గా తయారు చేసుకోవాలి. ఇది రెస్టారెంట్-శైలి బేస్. ఇది గ్రేవీని చిక్కగా, రిచ్&zwnj;గా, చాలా క్రీమీగా చేస్తుంది.</p> <h3 style="text-align: justify;"><strong>గుడ్లు ఎలా చేసుకోవాలంటే..&nbsp;&nbsp;</strong></h3> <p style="text-align: justify;">4 నుంచి 5 ఉడికించిన గుడ్లకు ఘాట్లు పెట్టుకోవాలి. ఇలా చేస్తే మసాలా లోపలికి వెళుతుంది. ఒక పాన్&zwnj;లో 1 నుంచి 2 టేబుల్ స్పూన్ల నెయ్యి వేసి వేడి చేయాలి. ఇప్పుడు గుడ్లను పాన్&zwnj;లో వేసి.. మధ్యస్థ మంట మీద లేత గోధుమరంగు లేదా ఎరుపు రంగు వచ్చే వరకు వేయించాలి. ఈ దశ గుడ్లను బయట నుండి కొద్దిగా క్రిస్పీగా చేస్తుంది. గ్రేవీలో వేసినప్పుడు రుచి చాలా బాగుంటుంది. గుడ్లు తీసిన తర్వాత.. అదే పాన్&zwnj;లో నెయ్యి వేసి యాలకులు, షాజీరా, దాల్చిన చెక్క, బిర్యానీ ఆకు వేయాలి.</p> <h3 style="text-align: justify;"><strong>గ్రేవీ తయారు చేసే విధానం&nbsp;</strong></h3> <p style="text-align: justify;">మసాలా దినుసులు వేగిన తర్వాత.. అదే పాన్&zwnj;లో ముందుగా తయారుచేసిన ఉల్లిపాయ, జీడిపప్పు పేస్ట్ వేసి బాగా కలపాలి. ఇప్పుడు రుచికి తగినంత కారం.. దానితో పాటు జీలకర్ర పొడి, ఉప్పు, కొంచెం చక్కెర వేయాలి. ఇప్పుడు పాన్&zwnj;ను మూసివేసి.. 7 నుంచి 8 నిమిషాలు ఉడికించాలి. పేస్ట్ అంటుకోకుండా మధ్యలో కలుపుతూ ఉండాలి. &nbsp;ఈ మసాలా బాగా ఉడికి.. దాని రంగు లేత గోధుమరంగులోకి మారినప్పుడు.. ఫ్రెష్ క్రీమ్ వేయాలి. అది రిచ్&zwnj;గా మారడానికి 5-6 నిమిషాలు ఉడికించాలి. ఆ తర్వాత కొంచెం నీరు వేసి గ్రేవీలో వేయించిన గుడ్లు వేయాలి. కాసేపు కలిపి.. గరం మసాలా, కసూరి మెంతి వేసి కలిపి.. తక్కువ మంట మీద ఉడికించాలి. అంతే రెస్టారెంట్ స్టైల్&nbsp;మలై ఎగ్ కర్రీ రెడీ. ఇది చపాతీల్లో, రోటీల్లో, అన్నంలో కూడా మంచి కాంబినేషన్ అవుతుంది.&nbsp;</p> <p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/recipes/tasty-egg-chapathi-roles-for-lunch-here-is-the-recipe-169852" width="631" height="381" scrolling="no"></iframe></p>