<p><strong>Mahindra Thar Roxx Diesel or Petrol Version:</strong> మహీంద్రా & మహీంద్రా ఇటీవల లాంచ్‌ చేసిన థార్‌ రాక్స్‌ SUV గురించి ఆఫ్‌రోడింగ్‌ కారు ప్రేమికుల్లో జోరుగా చర్చ సాగుతోంది. చాలా మంది, “నా ప్రయాణం నెలకు సుమారు 1,500 నుంచి 2,000 km వరకు ఉంటుంది... ఈ నేపథ్యంలో నేను థార్‌ రాక్స్‌లో పెట్రోల్‌ వెర్షన్‌ తీసుకోవాలా లేదా డీజల్‌ వెర్షన్‌ తీసుకోవాలా?” అని సందేహం పడుతున్నారు. ఈ ప్రశ్నకు స్పష్టమైన సమాధానం - డీజల్‌ వెర్షన్‌నే స్మార్ట్‌ ఛాయిస్‌. ఎందుకు డీజిలే మంచిదో కూడా అర్ధం చేసుకుందాం.</p>
<p><strong>నెలకు 2,000 km జర్నీకి డీజల్‌ వెర్షన్‌ ఎందుకు మంచిది?</strong><br />మీ నెలవారీ ప్రయాణం 2,000 కిలోమీటర్లు అయితే, రోజుకు దాదాపు 50-60 కిలోమీటర్లు తిరుగుతారు. ఈ రేంజ్‌కి పెట్రోల్‌ వెర్షన్‌ కంటే డీజిల్‌ వెర్షన్‌ ఎక్కువ డబ్బు ఆదా చేస్తుంది. పెట్రోల్‌ వెర్షన్‌ నడపడానికి కాస్త స్మూత్‌గా అనిపించినా, దీర్ఘకాలంలో ఫ్యూయల్‌ ఖర్చు ఎక్కువ అవుతుంది. మరోవైపు డీజిల్‌ మైలేజ్‌ బాగా ఇస్తుంది, అందుకే నెలవారీ ఎక్కువగా డ్రైవింగ్‌ చేసేవారికి ఇది సరైన ఎంపిక.</p>
<p><strong>ఇంజిన్‌ పనితీరు & ఫీల్‌</strong><br />థార్‌ రాక్స్‌ డీజిల్‌లో ఉన్న 2.2 లీటర్‌ mHawk ఇంజిన్‌ మార్కెట్లో బెస్ట్‌ పవర్‌ట్రెయిన్‌గా గుర్తింపు పొందింది. ఇది శక్తిమంతమైనదే కాకుండా చాలా స్మూత్‌గా పని చేస్తుంది. టార్క్‌ ఎక్కువగా ఉండడం వల్ల ఆఫ్‌రోడ్‌లో కూడా డ్రైవర్‌కు అనుగుణంగా ఇది అద్భుతంగా స్పందిస్తుంది. మీరు ఎక్కువగా హైవే డ్రైవ్స్‌ చేసేవారైతే ఈ ఇంజిన్‌ మీకు సూపర్‌ ఫీలింగ్‌ ఇస్తుంది.</p>
<p><strong>పెట్రోల్‌ వెర్షన్‌ ఎలా ఉంటుంది?</strong><br />పెట్రోల్‌ వెర్షన్‌ 2.0 లీటర్‌ టర్బో ఇంజిన్‌తో వస్తుంది. ఇది సిటీ డ్రైవింగ్‌కి స్మూత్‌గా ఉంటుంది కానీ, దీర్ఘకాల వినియోగంలో ఫ్యూయల్‌ ఖర్చు ఎక్కువగా ఉంటుంది. ప్రతిరోజూ లేదా నెలవారీగా తక్కువగా డ్రైవింగ్‌ చేసే వారికి థార్‌ రాక్స్‌ పెట్రోల్‌ వెర్షన్‌ చక్కగా సరిపోతుంది. కానీ, మీరు నెలకు 2,000 దాటిస్తే డీజిల్‌నే వెర్షనే ఆర్థికంగా మేలైన ఎంపిక అవుతుంది.</p>
<p><strong>DPF (Diesel Particulate Filter) సిస్టమ్‌</strong><br />ప్రస్తుత BS6 డీజిల్‌ ఇంజిన్‌లలో DPF సిస్టమ్‌ ఉంటుంది. దీనిని సరిగ్గా పనిచేయించడానికి అప్పుడప్పుడూ హైవేపై లాంగ్‌ డ్రైవ్‌ చేయడం మంచిది. ఇది ఇంజిన్‌లో కార్బన్‌ డిపాజిట్స్‌ తగ్గించి ఇంజిన్‌కు దీర్ఘకాల ఆయుష్షు ఇస్తుంది.</p>
<p>మీ నెలవారీ డ్రైవింగ్‌ 1,500–2,000 కిలోమీటర్లు అయితే, థార్‌ రాక్స్‌ డీజిల్‌ వెర్షన్‌ మీకు ఆర్థికంగా, పనితీరు పరంగా, డ్రైవింగ్‌ ఫీలింగ్‌లోనూ మంచి ఫలితాలు ఇస్తుంది. మీరు ఎక్కువగా హైవే ట్రిప్స్‌ చేస్తుంటే, ఇది మరింత రివార్డింగ్‌ ఆప్షన్‌.</p>
<p>ఇంజిన్‌ నాణ్యత, మైలేజ్‌, పవర్‌ డెలివరీ - ఈ మూడు కారణాల వల్ల కూడా మహీంద్రా థార్‌ రాక్స్‌ డీజిల్‌ వెర్షన్‌ టాప్‌ ఛాయిస్‌గా నిలుస్తుంది.</p>
1 month ago
2 
